YOHANES 6:12 - Allah Wene Fano Wene Hupla Inane

¹² Inalabut ninghogo nasukwama re, at agoromi ane wanhi lagaukwa mene omanogo yagaisikhi logolik he, mel yagaisasikhe: ”Sumburu nenggasik ando tindelogo herakfisaga mene aroma alomat lasinogo nen he, misi'mo andogorogo feni o,” iluk yagaisasikhemo re,

YOHANES 6:12 Referans Kwoze

LUKAS 1:53

afuni inendawimo nele welagaikharek mene fano mene oba loukhogo wogisikhi logolik he, it inenggi werek mene andi, ekhe wogisigi'lek weat lakfisigik isikhe.

LUKAS 9:17

Arat sumburisasukwama, inebe mondogat inalabut ninghogo nasukwama re, tindu isikhe mene mul ugu 12 nen kwalogo fesukwa.

NEHEMIA 9:25

Hagainafuri homame a'nogo wogisasigin andiba re, it Kanaan mene kwi wesinogo iluk leget pa'leget omamerogo waganek mene inom, inanggweang muli fano yi mene ti mene ebe hokhorogo werek oba inom, inaiba inangge yi mene ti mene sik-pikhogo werek oba inom, inagai mogo habulik mene inom, i elesi agai mene inom, yabu anggur yabu inom, e zaitun yabu inom, e ekhe enggen iterek mene yabu inom, mondogat sebelasukwa andi. A'nogo sebelasukwasik, yi mene ti mene andi enggen ninggi logolik, inebe inobakhe firik welagaukwa andi, neisena. Haren yi mene ti mene wogisasiginmo oba heilarogo welagaukwa andi.

NEHEMIA 8:10

Nineisena TUHAN nen hinendawimo hai hakhoagaluk hilinghinafe mene andi nen hinendawinggen ago wasigin werego. Halok o yogondak he, nineisena onggwarek awi weikhemo welago andi nen he, hinailokwe hinambotkwe lambik, hinendawimo weak welagi'lek, hinagaiyek hikhi logolik, hinamburu ninggik, hinagai ninggik ino o. A'nogo hilingiti logolik, hit hinamburu inom, anggur amusu inom, it afuni ekhe inamburu inom, inagai inom, lek mene andi ekhe sumburogo wogisano aro,” iluk yagaisasukwa.

AMSAL 18:9

Ap ekhe eabu higithogo hilingiterek lek mene andi re, ap weaget fisagarek mene andi emberek higit.

LUKAS 15:13

A'nogo sumburisasikhemo, amlogo elabo mene a'nogo enggi ekhe inom welagi'lek, yi mene ti mene, at agaikhe mene a'nogo mondok felelenghogo onggo palogo helaluk he, o yatma andoma lagaikhe. Lagaikhesik andoma logolik he, endawimo ebeti'lek, we, hesanggeat hilingirik nikhi logolik arupiah omanogo mondok nalek-falegengge hilingitikhe.

LUKAS 16:1

A'nogo yagaisasikhesik he, hobuk, at Yesus nen agoromi ane wanhi lagaukwa mene omanogo yagaisikhi logolik he, mel yagaisasikhe: ”Ap kain ekhe amingmingengge mene nen oe agarek yi mene ti mene fisogo were'ma re, it afuni ekhe nen he, at oe a'nogo yagati logolik: Hat hamingmingengge mene andi nen he, hagarek omanogo mondok hesanggeat sumbut-sambathogo hilingiri'logo o, iluk yagatukwa.

YOHANES 2:2

Andoma were'ma at Yesus agoromi ane wanhi lagaukwa mene inomat inayonggo fesukwama lagaukwasik welagaukwaat.