YOHANES 5:42 - Allah Wene Fano Wene Hupla Inane

⁴² Hit enek he, Allah hinendawirogo welagep mondok lek andi, an hinobabut nelu o.

YOHANES 5:42 Referans Kwoze

1 YOHANES 4:20

A'nogo meneat he, afuni nen inerugwi inagaila'lak ineilenggen isagarek mene inendawi lek logoligat he, Allah ineilenggen hagarek lek mene inendawi logogun anggegep? Elo'lego. Halok he, at ekhe erugwi agaila'lak abit welagarek mene nen, ”An Allah nendawi,” iluk ili'logo halok he, eranen ili'logo o.

1 YOHANES 3:17

Mene re, sa nen at agarek yi mene ti mene kweangma mene fuluk logolik, erei agailak ekhe yi mene ti mene elagaik were'ma eilenggen halugat he, ekhe wogeti'lek endawimo nen anggikhi logolik, nonggwarek enek anggikhe halok, at andi obabut he, Allah nen endawitninaferek andi hangge werek anggegep? Mondok lego.

1 YOHANES 2:15

Mene re, afuni kweangma mene inobabut hilingitarek mene andi inom, yi mene ti mene kweangma welagarek mene andi inom, hinendawinggen tulemhogo logogun mondok lego. Ap sa nen it afuni kweangma mene inobabut hilingitarek mene andi, endawinggen tulem welagarek halok he, nineisena Allah endawinggen tulem welagarek mondok lego.

YOHANES 2:25

Afuni inendawimo at elu mondok welagarek andi nen he, afuni ekhe nen: ”It ekhe inobabut yiginik,” iluk at yagasugun mondok elo'lego.

WAHYU 2:23

A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.

ROMA 8:7

Afuni inobabut inetogat logolik hilingitarek mene a'nogo oba ebeti logolik, Allah awe a'ma kuluk ane hologo welagaikharek lek andi nen at inom weim palegat werego.

YOHANES 21:17

Anema enggi pireba wokhasikhesik hobuk anema ekhe wokhasikhe: ”Simon Yohanes amlogo nagoro. Haren an nebe hendawi a?” iluk, anema a'nogo enggi pireba wokhasikhesigen, hobuk ekheba, ”Haren an nebe hendawi welagen a?” iluk yagatikhe andi nen he, endawinggen weak agaikhemo, aren Yesus mel yagatikhe ”Noe. Hat he, yi wene ti wene mondogat helu o. Halok an nen noe hebe nendawi welagi andi, hat helu o,” iluk ikhi lagaikhemo, at Yesus nen he, mel yagatikhe: ”Halok he, an nanggo domba fanorogo kwelaginarek logoin o,” iluk yagatikhe.

YOHANES 8:47

Ap sa nen ebe Allah mene halok, Allah ane andi esanggo holherek meneat he, hit he, hinebe Allah mene fuk. Hunogoat mene andi nen he, at ane hinesanggo holu hinabit andi o,” iluk yagaisasikhe.

YOHANES 8:42

aren he, mel yagaisasikhe: ”Hit he, eberogoat hineisena Allah logoilepma re, an nerabisak nendawimo nen anggaluk wagi fuk. We, nebe nero Allah mene, aren laknobagai wagama wagarik welagi mene andi nebe hinendawirogo logoilebo.

YOHANES 5:44

Allah alegat etok mondok welagarek andi nen fogerasuogeluk hilingiti'lek logolik he, hit-hirat hat ekhe nen fogeratik, hat ekhe nen fogeratik fogerakhikhi lagep andi nen, hinendawinggen an noba ninggi'nogo himbiret fogoin anggegep? Mondok elo'lego.

LUKAS 16:15

A'nogo isukwama re, at Yesus nen it yagaisikhi logolik he: ”An higit hilingiti lagi, iluk afuni ineilhanem hinobabut higit mene hangge hilingiti lagep. Meneat he, Allah nen hinendawinggen mondok elu o. Yi mene ti mene it afuni nen fano iluk esinet fisagarek mene andi re, at Allah mondok abiro.”

YOHANES 5:41

A'nogo hilingiti lagep meneat he, an enek he, afuni nen fogetnabuageluk hilingiti lagi lek.

YOHANES 5:43

An neisena nen lak nobagai wagaikhemo wagagi meneat he, hiren an nebe wo'nafi lagep lek. A'nogo meneat he, at ekhe onggwarek endawimo anggaluk waga halok enek he, ebe wanugun hinobabut hisikhi lagi o.