YOHANES 5:25 - Allah Wene Fano Wene Hupla Inane

²⁵ Nen, afuni warek mene nen, an Allah amlogo nane inesanggo holugun oba oan werek meneat he, arat asi wagasik werego. It nane inesanggo holugun mene halok, ineluk a'luk mondok logogun o, iluk, eberogoat yagahisigi.

YOHANES 5:25 Referans Kwoze

YOHANES 5:28

Nen, hobuk he, afuni mondogat wa'lagaukwa mene inoak ebene lombogen, an nane inesanggo holiluk ineluk asugun sambul werego. It andi ekhe inobabut fano hilingiti lagaukwa mene halok, ineluk mondok logouwageluk menfisigik, nen, it ekhe inobabut weak hilingiti lagaukwa mene halok, wene inoba feigeluk menfisigik, igin iluk yagahisigi andi nen, Wene andi nailo e iluk, fogeratubo,” iluk yagaisasikhe.

EFESUS 5:14

A'nogo selek oba fugunem enegat a'luk he, selek agarek andi nen he, mel agarek andi: ”Hat nogo ikhi lagen andi, hebe menlame o. Nen, warek hangge welagen andi, helugame o. At Kristus nen selegethabigino,” iluk agarek andi.

EFESUS 2:5

Nit weak hilingiti lagagu andiba, ninendawinggen faget ninebe warek hangge were'ma, Allah obabut fano enago nen Kristus ninom hunogo ninobagasikhesik ninomat nineluget ninafikhe. Mene re, hirat At obabut fano nenat telhinafikhe andi.

YOHANES 4:23

A'nogo Allah fogeratorek meneat he, it afuni nen hobuk Allah fogerati logolik hunogoat negen fogerasugun mene weregaro. At Allah endawimo nen he, An Nareagun en, Allah ebe andi hangge, iluk yagaisugunem higithogo eberogoat fogetnafi logouwak, iluk, anggikherek andi nen he, yogondak ya nen a'nogoat fogerati logogun o.

WAHYU 3:1

A'nogo yaganetesik hobuk yaganeti logolik: ”Allah Areagun ebe katoksek mondok iluk, 7 nen a'nogo eise welagik, hesagal ebe 7 nenat a'nogo nenggim fisogo welagik, igirek mene a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Sardis andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yi'nogo palin: Hit o Sardis mene afuni nen hinabok ikhi logolik, it ineluk werek, iluk, ili'lagwi meneat he, hinebe warek hangge logolik hinobabut hilingiti lagep mene andi an nelu o.

YOHANES 8:47

Ap sa nen ebe Allah mene halok, Allah ane andi esanggo holherek meneat he, hit he, hinebe Allah mene fuk. Hunogoat mene andi nen he, at ane hinesanggo holu hinabit andi o,” iluk yagaisasikhe.

KOLOSE 2:13

Hit attak he, hinagap endakwe faget hinenggalimo mene a'nogo palek lek, weak hilingitu mondok logolik he, hinebe warek hangge were'ma, at Allah nen nit weak hilingiti lagagu mene sebelogo legetfisasikhesik he, Kristus hinom hundigat were'ma hineluget hinafikhe andi.

EFESUS 2:1

Hit attak he, Allah ane sagalogo fuluk weak hilingiti lagagip andi nen, hinendawinggen faget hinebe warek hangge welagagip.

ROMA 6:4

Ima pelakninafi logolik he, at ebe warek salhukwa hak, nit at ninom hundigat were'ma warogo ninobagasukwa. Nen, at Kristus wa'lagaikhesi'mo nen, Eisena omame hokho fogeratarek mene a'nogo nen eluget fesikhe hak, nit yogondak ninelugetninafemo ninobabut ket mene hilingiti logouwogo.

YOHANES 8:43

A'nogo wagarik, wene yagahisikhi lagi mene hit futfigi'lek welagep andi nenahalok. A'nogo welagep andi re, an nane holek logou hinabit andi nen o.

YOHANES 5:21

Nen, an neisena nen afuni warek mene inelugerinaferek andi hak, amlogo an nen afuni warek mene a'nogoat inelugerinabigin, iluk nendawimo anggigirik mene nek inebe lombok inelugerinafirek.

LUKAS 15:24

An namlogo yi wa'laga anggogo mene eluk a'luk waga yi. Mondok longgoikhe meneat he, hobuk herato yi, iluk, inendawimo inagaiyek hokhorogo anggasukwa.

LUKAS 9:60

A'nogo yagatikhemo, at Yesus nen he, mel yagatikhe: ”Warek mene halok, it afuni inebe warek mene hangge werek andi nenat salinafi logouwagen he, hat Allah awe a'ma fisikherek wene andi, o yi awi ti awi yagaisilik nikhi logoino o,” iluk yagatikhe.

YOHANES 4:21

at Yesus nen he, mel yagatikhe ”He yi nerei e. Wene yagahesigin yi eberogoat anggano. O tom yiba inom, o Yerusalem inom, andoma nek Allah fogerati logogun fuk. Hit Allah fogerasugun higit oba, o hobuk ekhe wei igin mene werego.

LUKAS 15:32

Meneat he, hat hagot yi re, wa'laga anggogo mene re, eluk agasik waga o. Longgo ikhe mene herato o, andi nen he, ninendawimo ninagaiyek hikhi logolik hilingisu meneat hilingiti lago, iluk yagatikhe,” iluk Yesus nen yagaisasikhe.

YOHANES 17:1

At Yesus nen wene a'nogo yagaisasikhesik he, at ot legeisogo eilenggen pogoroba liakhasikhesik he, mel isikhe: ”Neisena. An hilingnabugun a'nogo arat horogasi waga o. Haren attagat afuni ekhe wo'netigin mene halok inebe lombok an hamlogo nen hilinginabumo ineluk mondok logouwageluk afuni mondogat nenggiba fesigin andi nen he, hat hebe esinet hobagaigen, an hamlogo esinet nobagaime o, neisena.

YOHANES 13:1

Nen, ohealekwe seni enu Paskah a'nogo mene nouwogeluk, at Yesus nen ”An afuni o kweangma yoma fisaluk neisena oba nambotkwe lagagin a'nogo, arat horogasi waga,” iluk, at elu welagaikhe, nen at onggwarek agoromi kweangma mene endawinggen hundik welagaikhesik, hobuk inebe abit agi'lek endawinggen hundik mondogat welagaikhe.

YOHANES 6:60

At Yesus nen wene a'nogo yagaisasikhemo, it at agoromi ane wanhi lagaukwa mene omanogo ekhe inebe hokhorogo wene andi inesanggo holhukwasik he, mel isukwa: ”Wene ikhe andi re, enggin hokhoatma, sa hagen wanigin anggegep? Elo'lego,” iluk isukwa.

YOHANES 9:27

aren he, mel yagaisasikhe: ”Wene fageat arat yagahisigi meneat he, hinesanggo holu hinabit logoligen, hobuk hinesanggo holugun iluk ikhi lagep andi nenahalok? Hit at agoromi asugun hinamolo nen ikhi lageba?” iluk yagaisasikhemo,