YOHANES 4:1 - Allah Wene Fano Wene Hupla Inane

¹ A'nogo hilingiti lagaukwama, it afuni nen he, mel isukwa: ”It afuni inebe endebat hak Yohanes agoromi asuogeluk awe a'ma wagunem ima pelaginabi'logo meneat he, it ekhe inebe hokhorogoat Yesus agoromi asuogeluk awe a'ma wagunem ima pelaginabi'logo,” iluk ugunem, at Yesus nen he, ”Wene andi, it ap Farisi mene inesanggo holha higi,” iluk elu agaikhe.

YOHANES 4:1 Referans Kwoze

YOHANES 3:26

Wene palhi lagaukwasik, Yohanes oba lagaukwasik he, mel yagatukwa: ”Guru noe. Ap ekhe hat hemberek i Yordan aik eliba logolik, at faget abok pilingisogo yaganisasigin mene a'nogo nen ima pelaginafunem afuni inebe mondogat at oba weri'lagwi o,” iluk yagatukwa.

YOHANES 3:22

A'nogo arat yaga'luk he, hobuk at Yesus ebe inom, agoromi ane wanhi lagaukwa mene inom, inom o Yudea pisukwasik afuni ima pelaginafi logolik inenggi endebat hak welagaukwa.

2 KORINTUS 4:5

Wene yagaisilik nikhi lago andi re, ninonggwarek hilingitorek wene fuk. Lego. We, at Yesus Kristus hilingitikhe wene aro. At Yesus ebe ninoe Enupogot iluk he, nit at faget hit hinamingmingengge welago, iluk yagaisogorek andi.

1 KORINTUS 15:47

Allah nen attak ap Adam andi ebe kweang abu'ne mene elalhikhesi'mo re, obabut kweang mene aro. Meneat he, ap Adam hobuk mene andi pogoroba nenat wagaikhe.

1 KORINTUS 2:8

Afuni kweangma mene inogogwi kaindek o yogondak werek yoma, wene andi inelu agi'lek inonggorat werek. Inelu logoilepma re, ninoe Enupogot fogeratorek mene a'nogo, ebe eba menfuluk wa'lep legaro.

KISAH PARA RASUL 10:36

Higimo re, nit afuni mondogat ninoe Enupogot Yesus Kristus nen lambukhogo ninobagauwageluk wene fano wene andi, ebe nit afuni Yahudi mene ninoba lakfei wagaikhe andi hinelu o.

WAHYU 19:16

Nen, at enu salek ekhe yi'nogo: ”Ap kaindek inenupogot mondogat inom, inogogwi kaindek mondogat inom, inoe kain Nenupogot he, an aro,” iluk asu uan mene a'nogoba inom, agoba inom, lisu palek were'ma higi o.

YAKOBUS 2:1

Nerugwi nagaila'lak. Hinendawinggen ninoe Enupogot Yesus Kristus fogeratarek mene a'nogo oba himbirik logolik, afuni inagap endakwe nek hineilenggen isaluk he, ekhe hinelokhoma fisigik, ekhe hinambotma fisigik, ikhi logogubo.

LUKAS 2:11

Yogondak telhinabigin mene kain Enupogot Kristus a'nogo, o ap Daud awi sili welagaikheba a'nogo ta'lagasik werego.

LUKAS 19:34

iren he, ”Nit ninoe Enupogot a'nogo wam keledai yi mene legen he, waluk louwogeluk kombi fikhalhi lago,” iluk yagaisaluk he,

LUKAS 19:31

A'nogo kombi fikhalhunem, it afuni andoma mene ekhe nen, wam kombi fikhalhi lagep andi nenahalok, iluk heinok wokhisaga halok he, mel yagaisano: Nit ninoe Enupogot a'nogo nen wam yi mene legen he, waluk louwogeluk kombi fikhalhi lago, iluk yagaisano,” iluk he, wene warogo lakfisasikhe.

LUKAS 1:76

Nen, hat namlogo yi nen, ninoe Enupogot wesigin kwe yati logouwageluk, hat attak yonggo laga logolik afuni yi weak ti weak hilingiri'lagwi mene Allah nen wene inoba mene sebelogo legetfisaluk telinabigin wene andi Haren yagaisamo inelu asigin andiba, hat habok ikhi logolik, Esin welagarek mene awene yagaisilik nikho a'nogo ebe yi aro, iluk ikhi logogun.

LUKAS 7:13

Yerisasikhesik he, Tuhan Yesus nen he, he sogwe a'nogo eilenggen hasikhesik, endawi agaikhesik, mel yagatikhe: ”Nerei e. Le agun o,” iluk yagatikhesik he,

LUKAS 7:19

mel yagaisasikhe: ”Ap ekhe wesigin ikhi lagaukwa a'nogo harara? I a, athe, ap hunogoat mene ekhe yerogo logogun a, iluk yagasi lani o,” iluk, Tuhan Yesus oba lakfisa wagaikhe.

1 KORINTUS 1:17

At Kristus nen he, an nen afuni ima pelaginafi logouwageluk laknobagai wagaikhe fuk. Lego. We, Allah ane fano wene andi yagaisilik nikhi logouwageluk laknobagai wagaikhe o. At ebe eba menfuluk watukwa a'nogo alomat lasinogo iluk he, an afuni inawene mene kagalogo agarek andi hangge ikhi logouwageluk laknobagai wagaikhe lego.