YOHANES 3:23 - Allah Wene Fano Wene Hupla Inane

^23-24 A'nogo hilingiti lagaukwa andem higit he, Yohanes ima pelaginafi lagaikhe mene a'nogo enggi hele warogo o inenggi hele warek fisagarek oba oan kwelakfigi'lek logolik he, o enu Ainon o Salim era'lu andoma i hokho andi nen afuni ima pelaginabuageluk, Yohanes oba wagunem he, ima pelaginafi lagaikheat.

YOHANES 3:23 Referans Kwoze

LUKAS 3:7

A'nogo yagaisilik nikhi lagaikhemo, it afuni omanogo mondok hokhorogo ima pelaginabuageluk Yohanes oba andogosi wagunem, mel yagaisikhi lagaikhe: ”Hit kisu nen tagongge mene yoma sani! Hit he, Allah a'mage hokhorogo lagagin a'nogo hinoba fugunem heise elok logoin iluk sa nen yagahisikhemo. Elo'lego.

YEHEZKIEL 43:2

andem en an neilenggen kwelakhasigi re, Allah Israel mene werek iluk enegenggerogo timur fikhiren selek hokho mene ombak-bak yararet hilik wagunem yethigi. Allah ane re i hokho mene eindep ane hak inom nen Allah aselegen kweangma mondogat ombak-bak etunem lia fiarogo selegeraterek a'nogo hak inom hilingitunem higi.

YEHEZKIEL 19:10

Hagaisa re, anggur ero fano mene yabu i endep mene esanggoma heiselogo wulibik andi hangge hilingik. I andoma elesi hokhorogo hilingi'mo re, e ebe mulit hikhi logolik enggi talogo enggen iterek.

YEREMIA 51:13

O kweang andiba yi mene ti mene mondok hokhorogo were'ma re agai lagarek mene andoma ogo hokhorogo werek, oba nen at eluk werek mene ogore arat lek aga, nen ebe legasigin oba ogore arat asi waga.

1 SAMUEL 9:4

A'nogo yagatikhemo, at Saul amingmingengge a'nogo emberek wam a'nogo o tom Efrayim oba inom, o Salisa andoma inom, mondogat yiling-waling heratukwa mene re, heratukwa mondok lek. Andi nen he, o Sahalim kwe heratukwa mene re, andoma legaren he, hobuk afuni Benyamin mene inaiba herasi lagaukwa ma nen he, le'ma nong agaukwa.

KEJADIAN 33:18

At Yakub a'nogo o Mesopotamia nen fanorogo o Kanaan kweang oba o enu Sikhem asi wagaukwasik aren awi tenda ba o kota andi horokhogo wurasikhe.

WAHYU 19:6

A'nogo ugunem nesanggo holhiri'mo nen ombo'ne re, afuni hokhorogo andogorek logolik, inane re, i hut hokho mene ane ikherek hangge inom, unggunggu ane hokho pak ilugen ane lulu lagarek hangge inom, mel ikhi lagaikha: ”Nineisena Allah fogethafi lago, u hak, Haleluya, ikhi lago. Hat homame mondok hokhoma, yi mene ti mene hilingitendek enek a'nogo nen, yogondak arat hawe a'ma ninobagegendik fetninarek welagen o.

WAHYU 14:2

A'nogo logolik, inane pogoroba nen he, i hut hokho mene ane hangge igik, unggunggu ane hokhorogo ikherek hangge igik, it afuni ekhe gitar watarek mene nen ebe watunem ane ikherek hangge igik, inane hokho ugunem nesanggo holhi.

WAHYU 1:15

Nen, eisok he, tembaga endumo weratunem amulit papaget hikherek hangge. Nen, ane re, i hut hokho mene ane hangge.

YOHANES 3:22

A'nogo arat yaga'luk he, hobuk at Yesus ebe inom, agoromi ane wanhi lagaukwa mene inom, inom o Yudea pisukwasik afuni ima pelaginafi logolik inenggi endebat hak welagaukwa.