YOHANES 3:18 - Allah Wene Fano Wene Hupla Inane

¹⁸ Halok, sa nen endawinggen an noba eberogoat himbiret fikhe halok he, Allah nen wene oba fuluk weaget fagain lek meneat he, sa nen endawinggen an Allah amlogo misigat tago mene yi noba eberogoat himbiret figi'lek andi nenat weaget fagain mene wene arat oba fikhemo werego.

YOHANES 3:18 Referans Kwoze

1 YOHANES 5:10

Afuni inendawinggen Allah amlogo oba himbiret fili'lagwi mene halok he, ”Wene andi eberogo aro,” iluk inendawimo nen futfili'lagwi. A'nogo meneat he, afuni ekhe inendawinggen Allahba himbiret figi'lek mene halok he, ”Wene Allah onggwaregen amlogo faget abok isikhe wene andi eberogoat,” iluk anggigi'lek logolik, Allah eranen ikherek mene hak hilingisogo fili'lagwio.

MARKUS 16:16

Yagaisilik lagunem he, it afuni ekhe nen wene andi eberogoat iluk anggogoin mene ima pelaginabugun mene halok, Allah nen telinabigin meneat he, it ekhe wene andi eberogoat iluk wanugun lek mene halok, Allah nen wene inoba fembik weagerinabigin o.

ROMA 8:1

Yogondak nit Kristus Yesus ninom hundik welago mene halok Allah nen wene ninoba fuluk weagetninabigin lego.

YOHANES 5:24

”It afuni ekhe nen an nane inesanggo holfuluk, inendawinggen an lak nobagai wagaikhe mene a'nogo noba eberogoat himbiret fogoin halok, afuni wa'la'luk lagaikharek ero herakfisaluk, ineluk mondok logogun mene eroba arat wagaikhesik werego. Ineluk mondok logogun mene eise agaikhasik werek andi nen he, hobuk wene inoba fagain lego, iluk eberogoat yagahisigi.

1 YOHANES 5:12

Afuni nen Allah amlogo ebe wanha halok he, nabulal-habulal helagasik eise agaikhasik werego. Mene re, it ekhe nen Allah amlogo ebe wanhi'lek halok he, nabulal-habulal hiligi'lek eise agi'legat werego.

YOHANES 3:36

Halok he, sa nen endawinggen Allah amlogo oba eberogoat himbiret fili'logo halok ineluk logogun mene eise agasik werego. Meneat he, sa nen, at amlogo andi ane holhi'lek obakhe nene herakfisili'logo halok, ineluk mondok logogun mene andi eise asigin lek. We Allah a'mage oba fembik logogin o.

ROMA 5:1

Yogondak he, nit ninendawinggen Allah oba himbiret fesugu andi nen, wene ninoba mene korogo wokhaluk ninom ninambotkwe hunogo ninobagaikhemo, ninoe Enupogot Yesus Kristus nen hilingitikhe andiba Allah ninom lambulogo fano liokhogo welago.

1 YOHANES 4:9

Mene re, Allah nen, ”Hit hinebe nendawi welagi,” iluk fakhogo sele'mat feigeluk, amlogo misigat tago a'nogo nen, nineluget ninabuageluk kweangma pelabi wagaikhe andi.

ROMA 8:34

Nen, wene ninoba fembik he, sa nen weagetninabigin nogo. At Kristus Yesus wa'lagaikhemo Allah nen eluget fesikhemo re, pogoroba lagasikhesik, at era'lu enggi ebekwe kain logolik he, nit faget Allah ayonggo fugu werek.

YOHANES 20:31

A'nogo meneat he, lisu palek werek yi mondogat he, hiren he, Yesus andi Allah amlogo, nit afuni telninabuageluk wenagaisogo lakfei wagaikhe a'nogo eberogoat iluk futfuluk hinendawinggen at oba eberogoat himbiret fuluk At enu hombuk palhunem hineluk mondok logobagaigeniluk lisu palogo figi o.

YOHANES 6:47

Ap sa nen endawinggen an noba eberogo nen himbiret fugu halok he, ineluk mondok welagaikharek mene eise agasik werego, iluk, eberogoat yagahisigi,” iluk yagaisasikhe.

YOHANES 6:40

neisena endawimo anggikherego. A'nogo anggikhi logolik, afuni nen Allah amlogo nebe yi ineilenggen niigik, inendawinggen noba eberogoat himbiret figik ugu halok, inebe lombok ineluk mondok logouwageluk, o wurep oba an nen inelugerinabuageluk endawimo anggikherego,” iluk yagaisasikhe.

YOHANES 1:18

Afuni ekhe nen Allah ebe ineilenggen mondok higi'lek meneat he, at amlogo misigat tago eisena era'lu emberek higit welagaikhe mene andi nenat Allah ebe furogo yaganisa wagaikhe andi.

IBRANI 2:3

Andi hak he, nit yogondak telninabigin wene esin mene andi ninabit iluk herakfisogoin halok, weagetninabigin aro. Omanggum he, wene at ninoe Enupogot ebe nenat afuni ekhe yagaisasikhemo inesanggo holhukwa mene nen furogo yaganisasukwa mene eberogoat hilinglagaikhe.

IBRANI 12:25

It afuni Allah ane kweangma yagaisugunem inesanggo holu inabit welagaukwa mene, inebe ineluk herakfisigi'lek inoati lagaikhe andi. Halok he, nit yi ogo re, wene pogoroba nen yaganisugunem ninesanggo holu ninabit logogun halok he, ninoati'lek herakninobagagin anggegeba? Lego. Mondok ninoasigin andi nen he, at ane ugu kwelek hinesanggo holhi'lek, ”Ninabit,” iluk herakfisanogo nen he, hinebe hebelogo logoino o.

YOHANES 1:12

A'nogo herakfisasukwa meneat he, it afuni ekhe nen at ebe wanhukwasik he, inendawinggen at oba himbiret fesukwama, Allah nen at againafuri ebe mene asuageluk miginafikhe.

YOHANES 3:16

Yi afuni ti afuni Allah endawi mondogen inendawinggen an noba eberogoat himbiret fogoin mene halok enek, inebe lombok wa'la'luk he, nongagi'lek ineluk mondok logouwageluk, At amlogo an nebe misigat tago mene wogisasikhe.

IBRANI 3:19

It andi inendawinggen Allah oba himbiret figi'lek hilingiti lagaukwa andi nen, set wala kugun mondok elo'lek agaikhe, iluk nit yogondak futfikhi lago o.

1 YOHANES 3:23

Aren wene komotninafikhe andi, ebe re: ”Hit hinendawinggen an namlogo Yesus Kristus oba himbiret fuluk, aren yagahisikhe andi hagat, hit-hit nendawi-hendawirogo logoino o,” iluk komotninafikhe andi aro.