YOHANES 21:23 - Allah Wene Fano Wene Hupla Inane

²³ it Yesus agoromi ane wanhi lagaukwa mene nen he, ”Yesus nen he, Nagot ari ebe hobuk wa'lasigin mondok lego,” iluk ikhe heaba, abok wial fesukwa. Meneat he, at Yesus nen he, ”An nagot ari hobuk wa'lasigin mondok lego,” iluk igi'lek. We, An nendawimo nen, ap ari ebe eluk at were'ma an hobuk wesigin anggigi halok he, haren hilingisu mene fuk. An nobalombogo,” iluk wene andi mene faget isikhe meneat, a'nogo isukwa andi.

YOHANES 21:23 Referans Kwoze

AYUB 33:13

Afuni nen At Allahba inane yagatu mene holhi'lek hilingiri'lago andoma nenahalok iluk, haren At oba wene fikhi lagen?

ULANGAN 29:29

Wene fena At nineisena Tuhan Allah nen hinagaisogo fikhe mene werek oba nen he, awene melalek nit ninoba weinamhogo nit inom, niren tagomangge mene inom faget yaganisikhemo niren hologo hundik-handik hilingiti logogun o,” Iiuk yagaisasikhe.

KISAH PARA RASUL 1:15

Andi sambul, Allah againafuri ekhe inom inebe 120 hangge andogorek logolik, at Petrus inanggele'ma menlagaikhesik he, wene mel yagaisasikhe:

DANIEL 4:35

Afuni inunggulenu lombok o kweangma welagaikharek mene mondogat elo'lek enego. Hat Allah re, malaikat pogoroba mene inom, afuni kweangma mene inom mondogat hendawimo anggikhi lagen higithogo hilingfisikhi lagen, neisena. Hat hendawimo anggikhi lagen mene hilingisigiluk ugunem, afuni ekhe nen, Ninggi'nogo hilingisigiluk, iluk ailo legengge heinok wokhabumo re elo'lego neisena, iluk fogerati.

AYUB 28:28

At Allah nen afuni inoba ikhi logolik he, ”Inendawinggen kagalek mene andi wo'nisoageluk he, Allah andiat legeisogo fikhi logoni. Nen, futfikhi logouwogeluk he, weak mene andi agaiserogo yatma lakfuluk logoni,” iluk isikhe.

MATIUS 16:27

An abat ta'lasi wagagi a'nogo re, hobuk neisena fogeratu mondok welagaikharek andi hagat hilingla'luk, it malaikat Allah pogoroba nen yonggo pelakfisa wagarek mene omanogo ninom wesimbik, andi sambul he, afuni mondogat inobabut lombok hilingitarek mene higithogoat onggo wogisa wesigin o.

KISAH PARA RASUL 6:3

Halok, hiren he, ap ekhe Allah Areagun inendawimo peterek logolik, inendawinggen mondok kagalek hilingitunem, inobabut enegat isikhi lagep mene halok, inebe 7 nen heraginabini o. Heraginafep halok, iren yi mene ti mene a'nogo sumburisikhi logouwageluk, niren menfisogoin o.

KISAH PARA RASUL 28:14

O Putioli andoma Allah againafuri mene ekhe were'ma ninom ambi agagusik, iren he, ”Ninom logouwogo,” iluk ninayonggo fesukwama, ninenggi 7 nen ninom welagagu. Welagagusik o andoma nen o kota Roma wesuogeluk wagagu andi.

1 KORINTUS 4:5

Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.

1 KORINTUS 11:26

Sumburu roti mene yi'nogo ninggik, enggen amusu hinago yi'nogoat ninggik, ikhi logolik hiren he: Ninoe Enupogot a'nogo watukwa o, iluk wene andi it ekhe yagaisa hak he, yi'nogoat ninggi logoino. A'nogo ninggi logolik were'ma, huli, an wesigin andi huli lek asigin o,” iluk yagaisasikhe.

YAKOBUS 5:7

Andi nenat, nerugwi nagailak lak. Ninoe Enupogot ebe oan wagi'lek werek kwelek he, hinendawinggen puk agi'lek hinafe morogo nenangorogo logoino o. Afuni nen yabu wagane'ma sumburu awi yakfuluk welagaikharek andi hinendawimo futfeni! A'nogo awi yakfuluk werek kwelek meiso o mo lagagu kwelek ninggik, pugu kwelek ninggik, hobuk attak nunggu kwelek inendawimo pugagi'legat, ”Hobuk sumburu hokho agunem ebe hokho mene takhagain,” iluk inafe morogo nenangorogo welagaikharek andi hak,

WAHYU 2:25

We, an wesigin andi oan wagi'lek werek kwelek, wene wanhigip mene andiat hinenggi ninghogo fisogo logoino o, iluk yagahisigi andi.