YOHANES 21:22 - Allah Wene Fano Wene Hupla Inane

²² aren he, ”An nendawimo nen he, ap ari ebe elugat were'ma, an hobuk wesigin anggigi halok he, haren hilingisu mene fuk. An nobalombogo. A'nogo meneat he, hat enek he, an nombo'ne nikhi logoino o,” iluk wene a'nogo yagatikhe mene andi,

YOHANES 21:22 Referans Kwoze

MARKUS 9:1

A'nogo yagaisasikhesik he, wene ekhe mel yagaisasikhe: ”Hit ninom mendek welagep yoma mene ekhe wa'lagi'lek logolik, Allah omamerogo awe a'ma fisugunem hineilenggen arat hogoin o, iluk eberogoat yagahisigi,” iluk yagaisasikhe.

WAHYU 2:25

We, an wesigin andi oan wagi'lek werek kwelek, wene wanhigip mene andiat hinenggi ninghogo fisogo logoino o, iluk yagahisigi andi.

1 KORINTUS 4:5

Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.

WAHYU 3:11

An weak-weagat wesigin o. A'nogo wesimbik he, sa awewerek-sa awewerek laga logolik, inomame asugun mene onggo kware-kware ikfisagarek andi hak, onggo hit wokhisagain mene, it afuni ekhe nen telogo helanogo iluk, hit ebe wanhigip mene andi, hinenggi ninghogo fisogo logoino o.

YAKOBUS 5:7

Andi nenat, nerugwi nagailak lak. Ninoe Enupogot ebe oan wagi'lek werek kwelek he, hinendawinggen puk agi'lek hinafe morogo nenangorogo logoino o. Afuni nen yabu wagane'ma sumburu awi yakfuluk welagaikharek andi hinendawimo futfeni! A'nogo awi yakfuluk werek kwelek meiso o mo lagagu kwelek ninggik, pugu kwelek ninggik, hobuk attak nunggu kwelek inendawimo pugagi'legat, ”Hobuk sumburu hokho agunem ebe hokho mene takhagain,” iluk inafe morogo nenangorogo welagaikharek andi hak,

1 KORINTUS 11:26

Sumburu roti mene yi'nogo ninggik, enggen amusu hinago yi'nogoat ninggik, ikhi logolik hiren he: Ninoe Enupogot a'nogo watukwa o, iluk wene andi it ekhe yagaisa hak he, yi'nogoat ninggi logoino. A'nogo ninggi logolik were'ma, huli, an wesigin andi huli lek asigin o,” iluk yagaisasikhe.

YOHANES 21:19

iluk wene a'nogo yagatikhe andi re, at Petrus hobuk yi'nogo hilingisogo wasugun oba Allah fogerasugun mene faget yagatikhe andi. A'nogo arat yagatikhesik he, mel yagatikhe: ”An nombo'ne nikhi logoino,” iluk yagatikhe.

MATIUS 24:44

Andi hak he, hit hinendawimo nen he, ”At ti sambul wesigin, iluk anggigi'lek hinonggorat werek kwelek, an abat ta'lasi wagagi a'nogo re, arat wesigin andi nen he, hinebe hebelogo logoino,” iluk yagaisasikhe.

WAHYU 22:20

Nen, wene andi mondogat eberogoat iluk ikherek mene at Yesus a'nogo nenat, ”An weak-weak wesigin o,” iluk ili'logo. A'nogo ugunem, an nen he, ”Yesus noe. Hat weak-weak wesigin andi, ebe asuak u hak, Amin,” iluk igi.

WAHYU 22:7

A'nogo yaganetunem at Yesus nen he, mel yaganete: ”Yethan! An weak-weak wesigin o. A'nogo wagunem sa nen yi wene ti wene lisu palek mene yi esanggo hologo higithogo hilingiti logogin halok, Allah nen fanot fugunem endawimo agaiyek asigin o,” iluk yaganete.

WAHYU 1:7

Yethani! At ebe ohena anggele'ma wagunem, afuni mondogat inebe lombogen inom, it at sige taukhogo watukwa mene inom, inomaren ineilenggen yethikhi logolik, inunggulenu lombok mondogat le asugun o, iluk yagahisigi andi, ”Ebe asuak,” u hak, ”Amin,” igi andi.

MATIUS 25:31

At Yesus nen a'nogo yagaisasikhesik he, wene ekhe mel yagaisasikhe: ”An abat ta'lasi wagagi a'nogo, afuni nen fogetnafu kwelek it malaikat pogoroba mene andi mondogat ninom wesimbik, an fogetnafu kwelek kain nenupogot welagirek oba logolik,

MATIUS 24:27

Andi re, an abat ta'lasi wagagi a'nogo, wesigin he, eilabut o mo liabi wagarek a'lima nen misigam yegelogo, o mo ubuk ikherek higit wagarek andi hak wesigin o,” iluk a'nogo yagaisasikhesik he,

MATIUS 24:3

A'nogo yagaisasikhesik he, punu Zaitun oba lagasikhesik hurek were'ma, at ane wanhi lagaukwa mene omanogo oba wagaukwasik inalegenek logolik he, mel yagatukwa: ”Haren yaganisegen a'nogo re, mera nen hilinglasigin. Hat hebe wagik, o wurep oba hilinglagik, igeluk ugu kwelek he, ki mene tak hilinglagunem nit ninendawinggen wenggelasigin. Wene furogo yaganisan o,” iluk yagatukwama,

MATIUS 8:22

A'nogo yagatikhemo, at Yesus nen he, mel yagatikhe: ”Herakfisaluk he, an nombo'ne eme o. Warek mene halok he, it afuni inebe warek mene hangge werek mene andoma nenat salinafi logouwago,” iluk yagatikhe.

MATIUS 16:24

A'nogo yagatikhesik he, at agoromi ane wanhi lagaukwa mene omanogo ekhe mel yagaisasikhe: ”Ap sa nen an nombo'ne nikhi logoigeluk halok he, obabut onggwarek faget endawinggen tulem logolik hilingiterek mene andi, Nabit, iluk herakfisaluk, e nunggulik oba menfisaluk inoatarek mene andi meneat waluk nombo'ne nikhi logoigeluk wesuago.”

YOHANES 21:21

At Petrus nen ap andi eilenggen yethasikhesik he, Yesus mel yagatikhe: ”Noe. At ap ari hobuk ninggi'nogo hilingisigin anggegen,” iluk yagati lagaikhemo,

1 TESALONIKA 2:19

Niren he, ”Fano asigin,” iluk ninendawimo ninagaiyek hikhi lago andi re, sani faget nogo? Ninoe Enupogot Yesus ebe wesimbik he: ”Fano hilingitep” iluk, at eilhanem enegat ninobagaumo ninalong asigin andi, ero kiba nen nogo? Ero hunogo mene faget fuk. Hit hinebe fagerat ninalong asigino.

YAKOBUS 5:8

ninoe Enupogot ebe horogat wesigin iluk hinendawinggen wurikhogo logolik, hinafe morogo nenangorogo logoino o.