YOHANES 21:19 - Allah Wene Fano Wene Hupla Inane

¹⁹ iluk wene a'nogo yagatikhe andi re, at Petrus hobuk yi'nogo hilingisogo wasugun oba Allah fogerasugun mene faget yagatikhe andi. A'nogo arat yagatikhesik he, mel yagatikhe: ”An nombo'ne nikhi logoino,” iluk yagatikhe.

YOHANES 21:19 Referans Kwoze

YOHANES 21:22

aren he, ”An nendawimo nen he, ap ari ebe elugat were'ma, an hobuk wesigin anggigi halok he, haren hilingisu mene fuk. An nobalombogo. A'nogo meneat he, hat enek he, an nombo'ne nikhi logoino o,” iluk wene a'nogo yagatikhe mene andi,

MATIUS 10:38

Eba menfisaluk inoatarek mene a'nogo, hinagayo lombok hinomoloba wanimbik an nombo'ne waluk wagi'lek halok, an nagoromi asugun legaro.

FILIPI 1:20

An nendawimo nen he, wene Kristus faget ure nenggali agi'lek yagaisikhi logogin namolo. Halok, nenggali agi'lek yagaisikhi logogino, iluk, futfuluk nendawimo fano welagi. Hundik-handik fakhogoat yagaisigirek hak, yogondak a'nogoat yagaisagelugat welagi o. Nebe neluk logoumo fanoat. Nen, wa'lasumo fanoat. An a'nogo hilingnafu kwelek, nebe abirengge Kristus faget hilingiti lagi andiba re, afuni nen Kristus fogerasuagelugat welagi o.

YOHANES 12:33

A'nogo yagaisasikhe andi ebe re, ”An hobuk afuni nen yi'nogo mennobagambik noasugun,” iluk u hak isikhe.

1 SAMUEL 12:20

A'nogo yagatukwama, at Samuel en he, ”Hinailo agubo. Hiren weak a'nogo mondogat hilingitep meneat he, hinebe nineisena Tuhan herakfisaluk wulifi'lek hinendawinggen misigat a'luk, At faget enek hilingitu mondok logoino o.

YOHANES 18:32

Inane a'nogo yagatukwa andi re, at Yesus nen wene fageat yagaisikhi logolik, ”An yi'nogo hilingnabimbik noasugun,” iluk ikhi lagaikhe mene a'nogo, it a'nogo hilingitukwama, at ane ebe agaikhe andi.

YOHANES 12:26

Nen, ap sa nen an namingmingengge logolik, endawimo nen he, an Yesus faget hilingiti logogin, iluk anggikhe halok he, an logogin oba andoma nemberegat mondok logouwogeluk nombo'ne waga logouwago. Nen, sa nen an faget hilingiti logogin mene andi, neisena nen at ebe agaugwet fagain o, iluk nane eberogoat yagahisigi,” iluk yagaisasikhe.

MATIUS 19:28

at Yesus nen he, ”An nen eberogoat yagahisak. Hit an nombo'ne nikhi lagep mene yi re, yi mene ti mene Allah nen hobuk ket hunogoat hilingisumo nen, an abat ta'lasi wagagi a'nogo hobuk wesimbik, foge'nafu kwelek, nobalik oba andoma kain were'ma, hit nera'lu andoma hinobalik 12 nen talek oba kainat logolik, afuni Israel mene inunggulenu 12 nen omanogo hiren wene inoba figik, kotik, ikhi logogun o.

BILANGAN 14:24

A'nogo meneat he, An namingmingengge Kaleb, An faget obabut mondok hombunhogo hilingiterek mene andi amunek he, An nen at attak lagasik wagaba andoma waluk lagain o. O andoma re, kweang mondok fano lio'layokse'ma yogondak afuni inunggulenu Amalek mene inom, Kanaan mene inom, welagaikharego. A'nogo meneat he, hobuk o andoma namingmingengge Kaleben tagongge mene eise asugun. Ma re, ohealekwe re hit hinambotkwe o leimo afuni le'ma i Akaba yenggelek higit andoma lani o,” iluk yagaisasikhe.

MATIUS 8:22

A'nogo yagatikhemo, at Yesus nen he, mel yagatikhe: ”Herakfisaluk he, an nombo'ne eme o. Warek mene halok he, it afuni inebe warek mene hangge werek mene andoma nenat salinafi logouwago,” iluk yagatikhe.

YOHANES 21:18

A'nogo yagatikhesik he, wene ekhe mel yagatikhe: ”Attagat hat hebe alage logolik he, An o andoma lagain, iluk halinggin honggwaregenat ninghogo ikhaluk laga lagagin meneat he, hobuk hat hebe yaman asumo, henggi pisarogo lakfugunem he, it ekhe nen hat henggi hele ninghogo homakhabimbik he, o hat lagain habit oba wokharek logoin o, iluk eberogoat yagaheti,”