YOHANES 21:10 - Allah Wene Fano Wene Hupla Inane

¹⁰ A'nogo hasukwama, at Yesus nen he, mel yagaisasikhe: ”Nagoromi. Ikan kerat wanhep omanogo fenakwe waluk we'ni o,” iluk yagaisasikhemo,

YOHANES 21:10 Referans Kwoze

YOHANES 6:9

”Noe. Yoma abo yenggerek mene ekhe sumburu roti logomhigik werogo mene fuaben, nen ikan pire inom fisogo werek meneat he, ap esa hokhorogo hilingi'mo higithogo na hak no go? Elo'lego,” iluk yagaisasikhemo,

YOHANES 6:11

A'nogo hu'larik lagaukwama re, at Yesus nen sumburu roti mene aremnogo enggimo wanhikhesik he, ”Allah neisena,” iluk hai warogo afuni hokhorogo hu'lagaukwa mene omanogo sumburisasikhesik he, ikan aremnogo a'nogoat sumburisasikhe. Sumburisasikhemo it inendawimo nen, nelo anggasukwa hagat inalabut ninghogo nasukwa.

YOHANES 21:9

Arat wulibi wagaukwasik e so elema nen pi wagaukwa hak he, ikan inom, sumburu roti mene inom, werago endu enggen oba louksek were'ma ineilenggen hasukwa.

YOHANES 21:11

Simon, enu ekhe Petrus agaregat a'nogo, e so elema kwisikhesik he, iikanr hokho mene nek 153 nen su ambe peterogo kwalagaikhemo re lisogo waluk i aik oba wulibi wagaikhe. Ikan mondok hokhorogo meneat ekhe, su a'nogo endephogo ekhe tilibilagi'lek, we, fano welagaikhe.

YOHANES 21:13

A'nogo kamo isukwasik werek kwelek, at Yesus nen hobuk inoba horokhogo higilha lagaikhesik he, sumburu roti mene a'nogo wanhikhesik it sumburisasikhesik he, ikan a'nogoat sumburisasikhe.

LUKAS 24:41

A'nogo inugisugunem, it omanogo nen, ”Egi!” iluk fogerati logolik, inendawimo inagaiyegen he, eberogoat iluk oan futfigi'lek were'ma, aren it omanogo yagaisikhi logolik, ”Hit sumburu ekhe fegepma a? Lega,” iluk yagaisasikhemo,