YOHANES 2:6 - Allah Wene Fano Wene Hupla Inane

⁶ It afuni Yahudi mene nen fageat andoma nenat hilingiti logolik he, yi mene ti mene inom, inebene inom, sobalogo nek hilingitarek mene faget iwak torom hangge ebe helep mene hilingik hokhondek mene 6 en andoma fesukwama welagaikhe. Torom hangge andi ebe lombok elonggoma re, i 100 liter hangge hinasu hak elok welagaikhe.

YOHANES 2:6 Referans Kwoze

YOHANES 3:25

A'nogo ima pelaginafu were'ma, at Yohanes agoromi ane wanhi lagaukwa mene inom, it ap Yahudi mene ekhe inom, inomen it afuni Yahudi mene nen yi mene ti mene ebene sobalogo nek hilingitaresi'mo andi nen he, wene andi faget hokhorogo palhi lagaukwa.

EFESUS 5:26

At Kristus nen a'nogo hilingitikhe andi re, nit Allah againafuri mondogat ninebe ninagambut pale'lek, ninagap pulangsek lek, fano logou hak, at eilhanem wene ninoba lekhogo, fano mondok tegelek logouwageluk, ninebe ima pelakninafunem, at Aweneba sobalogo ninobagaluk, at onggwarek faget fakhasikhesik ebe wa'lagaikhe andi.

IBRANI 10:22

At ebe andoma were'ma, nit ninendawimo nen he, ”Nit weak hilingito,” iluk ninendawimo menenei ebetorek mene fano hotninafik, ninagap ebene i elokhonggen fano meneba sobalninafik, isikhe andi nen he, ninendawinggen misigat at oba himbiret fuluk ninailo lekhogo, at oba horokhogo kwikhi logouwogo.

IBRANI 9:19

Allah nen, ”Yi'nogo hilingisugun, ti'nogo hilingisugun,” iluk, komotninafikhe wene andi mondogat, at Musa nen it afuni Israel mene yagaisasikhesik he, hobuk sapi amep inom, kambing amep inom, i inom mulelogo nanggelek-hanggelek fesukwasigen, domba esi elokhonggen mep hangge mene esunggwat wurep oba folokhogo fesukwasik, musan engga mep watarek andi hak, mep yugulogo Allah nen wene komotninafikhe wene lisu palek andiba watfigik, afuni Israel mene inebene kweisalfigik, watfisigik, isikhe.

IBRANI 6:2

Ima pagarek wene andi yagaisigik, inunggul sebelharek wene andi yagaisigik, wa'lagunem Allah nen ninelugetninabigin wene andi yagaisigik, wurep oba wene ninoba figik, kotik, ugunem mondok-mondok logogun wene andi yagaisigik, isugu mene andi ninane hebelogo hobuk yagaisogoin legaro.

LUKAS 16:6

Minyak goreng oak hokho mene ebe 100 nen hinago palegengge noba werego, iluk isikhemo, aren he, mel yagatikhe: Palegengge andi faget, lisu palek yi waluk he, hobuk lisu ket mene ekhe palhi logolik he, 50 nen hinago mene palegengge noba werek, iluk lisu weak-weak palin o, iluk a'nogo yagatikhesik he,

YOHANES 2:7

A'nogo were'ma re, at Yesus nen it inamingmingengge mene omanogo yagaisikhi logolik he, mel yagaisasikhe: ”Iwak torom hangge aromaba i hina'ni o,” iluk yagaisasikhemo, ambem ele sophogo hinatukwa.