YOHANES 2:4 - Allah Wene Fano Wene Hupla Inane

⁴ A'nogo yagatikhemo, at Yesus nen he, mel yagatikhe: ”Eige. Nagaisa. An nen hilingisigin oba oan higit asi wagi'lek werek kwelek, haren an nenahalok yaganeten?” iluk yagatikhe.

YOHANES 2:4 Referans Kwoze

YOHANES 7:6

A'nogo yagatukwama, at Yesus nen he, mel yagaisasikhe: ”O hundik-handik hiren hilingisu menere higit werek, menere an nen hilingisigin oba horogasi wagi'lek oan werego.

YOHANES 13:1

Nen, ohealekwe seni enu Paskah a'nogo mene nouwogeluk, at Yesus nen ”An afuni o kweangma yoma fisaluk neisena oba nambotkwe lagagin a'nogo, arat horogasi waga,” iluk, at elu welagaikhe, nen at onggwarek agoromi kweangma mene endawinggen hundik welagaikhesik, hobuk inebe abit agi'lek endawinggen hundik mondogat welagaikhe.

YOHANES 8:20

Wene a'nogo yagaisasikhe andi re, at ebe Allah awi wuri'mo peti uang Allah faget fisagarek oba era'lu logolik isikhe. A'nogo ugunem, at ebe fakfogoin oba horogasi wagi'lek werek kwelek andi nen he, it afuni omanogo ekhe nen fakfigi'lek kamo isukwa.

YOHANES 7:30

iren Yesus ebe fakfouwogeluk isukwa meneat he, at ebe fakfogoin oba higit asi wagi'lek andi nen he, ebe inenggi fak figi'lek kamo isukwa.

YOHANES 12:23

A'nogo yagasi lagaukwama, at Yesus nen he mel yagaisasikhe: ”An abat ta'lasi wagagi a'nogo, nebe fogetnabugun oba arat horogasi waga o.

PENGKHOTBAH 3:1

O kweangma yoma yi wene ti wene hilinglagarek andoma re at Allah nen ti sambul yi'nogo hilinglasigin iluk endawimo wenggelogo fesikhe higithogo nek hilinglagarek.

MATIUS 8:29

inane hokhorogoat mel yagatukwa: ”Allah amlogo yi. Haren he, nit ninggi'nogo hilingninabigeluk wagen. Nit ninoasigin oba oan werek kwelegat he, hat tak ninoasigiluk wagen yoma ri!” iluk yagatukwa.

2 SAMUEL 19:22

A'nogo yagatikhe meneat he, at Daud en Abisai oe Yoab emberek mel yagaisasikhe: ”Hit Zeruya againafuri yi re, an nen igin mene andi hiren sagalogo fogoin lego. An o yogondagen afuni Israel mene inoe raja hilinglagiat andi nen he, afuni Israel mene ekhe wene inoba fembik inoasugun mondok lego,” iluk yagaisasikhe.

2 SAMUEL 16:10

A'nogo yagatikhe meneat he, at Daud en Abisai oe Yoab emberek mel yagaisasikhe: ”Nineisena Tuhan nen lakfei wagama, homan nobagali'lago meneat logou hak. Ma re, niren he, hat sa nen a'nogo ino iluk yagahetemo eise agendik ikhi lagen, iluk yagasugun elo'lego. Halok he, aren homan nobagauwagen he, at ebe wati'lek herakfeni o,” iluk yagaisasikhe.

YOHANES 20:15

futfigi'lek were'ma, at Yesus nen he, mel yagatikhe: ”He yi nerei e. Hat nenahalok le aga lagen. Nen, hat sa herati lagen,” iluk yagatikhemo, at endawimo nen he, ”Ap yi yabu eisewerek mene kagalek welagarek mene higi,” iluk anggasikhe. A'nogo anggasikhesik he, mel yagatikhe: ”Noe. At ebe warek hat wanhendik waluk ekhema fei lagenma halok he, ebe o koma fei lagenma. An wani lagen he, yaganom o,” iluk yagatikhemo,

YOHANES 20:13

A'nogo isasikhemo, iren he, mel yagatukwa: ”He yi nerei e. Hat nenahalok le aga lagen,” iluk isukwama, aren he, mel yagaisasikhe: ”An noe Enupogot warek afuni nen waluk o koma fei lagaikha heat ma re, an nonggoren le aga lagi o, nerugwi,” iluk yagaisasikhesik,

LUKAS 2:49

at Yesus nen he: ”Hit an hera'nabik nikhi lagep nenahalok. An neisena awi wuri'mo werek iluk hinonggot nogo?” iluk yagaisasikhe meneat he,

MATIUS 15:28

A'nogo yagatikhemo, at Yesus nen he, ”He yi nerei e. Haren he, Aren higitnabigin, iluk hendawinggen noba mondok himbiret fegen andi nen he, hendawimo anggegen andi higithogo higithesigin o,” iluk ugu kwelek aremnogoat, eak a'nogo fano agaikhe.

ULANGAN 33:9

inobabut Hat hoba lomborogo logolik, inesugwi inagaisawi faget inom, inogogwi, ina'logomi faget inom, inagainafuri faget inom, abelmatfisaluk, Hat hobaget enek he, esinetfesukwa andi. Haren, yi'nogo hilingiti logoino, ti'nogo hilingiti logoino, iluk yaganisasigin wene andi, iren hologo higithogo hilingitik, nen, haren he, An nen wene warogo wokhinafi, iluk isiginmo, iren, Nit At againafuri, iluk isukwa andi.

2 KORINTUS 5:16

Andi nen he, niren huli yogondak ya huli nen he, afuni nen inobabut palharek hak, it afuni ekhe inobabut a'nogo palhi lago lego. Nen, attak he, Kristus obabut a'nogo palhugu hak, hobuk a'nogo palhi lago legaro.

1RAJA-RAJA 17:18

A'nogo wa'lagaikhemo, at he sogwe mene a'nogo nen Elia mel yagatikhe: ”Allah amingmingengge yi. An yi'nogo hilingnafen andi nenahalok? Allah nen an weak hilingiti lagi mene weinamhogo fak ugunem herakfisamo an neak ebe wa'lasuageluk noba wagen andi nenahalok?” iluk wenagetikhe.

YOHANES 2:3

Lagaukwasik werek kwelek, anggur enggen amusu keralek mene mondogat lek agaikhemo re, Yesus agaisa nen at mel yagatikhe: ”It anggur enggen amusu keralek mene legagama werego,” iluk yagatikhe.

YOHANES 7:8

ekhe mel yagaisasikhe: ”An hilingisigin oba oan werek andi nen he, seni isasugun andi isatunem yogondak yaat pigin lego. We, hit enek pini o,”