YOHANES 2:19 - Allah Wene Fano Wene Hupla Inane

¹⁹ A'nogo wenagetukwama, at Yesus nen he, mel yagaisasikhe: ”Allah awi wurik yi meisalini o. Arat meisalumo re, an nen hobuk nenggi pireba wuti logombik nenggi ekheba nen arat wusigin o,” iluk yagaisasikhe.

YOHANES 2:19 Referans Kwoze

MARKUS 14:58

”At yi nen he, Allah awi afuni inenggi nen wutukwa mene yi, an nen meisalogo lakfagain o. Meisalogo lakfembik obali'mo re, afuni inenggi nen wusugun lek. We, hunogoat mene nenggi pireba wuti logombik, ekheba, arat wurep kobokhogo wusigin o, iluk nineilhanem ugunem ninesanggo holhugu o,” iluk isukwa meneat he,

MARKUS 15:29

A'nogo menfisasukwama were'ma, afuni kwe andikwe lagik, wagik, ikhi logolik Yesus mel yagati lagaukwa: ”Aha! Haren he, mel isigin anggigi: Allah awi wurik yi meisalogo fembik he, nenggi pireba wuti logombigen ekheba re, arat katokhogo wusigin, iluk isigin a'nogo re, honggwarek hebe e ariba nen telogo pime o!” iluk inunggul kwanithikhi logolik inane asegen wokhikhi lagaukwa.

MATIUS 27:40

”Wi! Haren he, mel isigin anggigi: Allah awi wurik yi meisalogo fembik he, nenggi pireba wuti logombik ekhe henaganek meneba katokhogo wusigin, iluk isigin a'nogo re, hebe Allah amlogo halok he, honggwarek hebe e ariba nen telogo pi me ta!” iluk inunggul kwanit hikhi logolik inane asegen wokhikhi lagaukwa.

MATIUS 12:40

At Yunus andi ikan alabutmo werek kwelek, o hubagik, wei igik, ugu kwelek enggi henagan welagaikhe andi hak he, an abat ta'lasi wagagi a'nogo re, kweang a'ma o hubagik, wei igik, ugu kwelek enek, nenggi henaganat logogin o.

ROMA 8:11

At Allah nen he, Kristus Yesus wa'lagaikhemo eluget fesikhemo re, at Areagun hinendawimo logolik he, hinebe hinagap wa'laga lagep mene yi hinelugethinabiginat. Andi re, at Areagun en Kristus ebe wa'lagaikhemo eluget fesikhe a'nogo hinendawimo welagarek andi nen hinelugethinabigin o.

KISAH PARA RASUL 3:15

Nineluget ninaferek mene ero ebe at meneat he, hiren watepma Allah nen he, ebe eluget fikhemo, nit nineilenggen eberogoat hogosigen yagahisikhi lago o.

KISAH PARA RASUL 2:32

A'nogo isikhe higithogoat, at Yesus Allah nenat eluget fikhemo, nit ya mondogat nineilenggen hogosik nineluat welago andi.

KISAH PARA RASUL 2:24

Watepma, at ebe heinet wati logolik wa'laga meneat he, afuni inenggi hele warogo fisagare'ma welagaikharek andi hak, at a'nogo warek mondok logogin lek andi nen he, inenggi hele fikhalogo wulakfisagarek andi hak, Allah nen eluget fikhe andi.

1 PETRUS 3:18

Nit afuni weak hilingitorek andi faget ninenggi elugun oba, at Kristus hobuk wa'lagi'lek logoigeluk misigam fagerat katokhogo wa'lagaikhe. Ninebe Allah oba wo'ninarek lageluk he, at obabut higit hilingiterek mene nen, nit ninobabut weak hilingitorek mene faget wa'lagaikhe andi. Ebe nit afuni mene andi watukwama wa'lagaikhe meneat he, areagun mene andi Allah nen eluget fesikhe andi.

ROMA 6:4

Ima pelakninafi logolik he, at ebe warek salhukwa hak, nit at ninom hundigat were'ma warogo ninobagasukwa. Nen, at Kristus wa'lagaikhesi'mo nen, Eisena omame hokho fogeratarek mene a'nogo nen eluget fesikhe hak, nit yogondak ninelugetninafemo ninobabut ket mene hilingiti logouwogo.

YOHANES 11:25

At Yesus nen he mel yagatikhe: ”Afuni ineluk mondok logouwageluk, an nenat inelugerinafirego. At sa nen endawinggen an noba eberogoat himbiret foumo nen wa'lasigin halok he, at ebe wa'lasigin meneat he, hobuk eluk asigin o.

MARKUS 8:31

At Yesus nen a'nogo komorinafikhesik he, wene hobuk ekhe mel yagaisasikhe: ”An abat ta'lasi wagagi a'nogo re, it ap inaluendek inom, Allah eisewerek mene inogogwi kaindek inom, Allah ane lisu palek eisewerek mene inom, inomen an nebe inabit asimbik yi enggin ti enggin hokhorogoat hilingnabimbik, nebe noasugun o. Noasumo nebe nenggi pire warek logombik he, ekheba neluk asigin o,” iluk

KOLOSE 2:12

At Kristus wa'lagaikhemo ebe warek salhukwa hak, hit ima pelakhinafi logolik, hinom hundigat salhinafukwao. Nen, at hinom hundik warek were'ma, Allah omameba eluget fesikhe, iluk, hinendawinggen at omameba himbiret fesigip andi nen, ima nen yegelogo liakhinafunem he, at hinom hundigat hineluget hinafikhe o.

1 KORINTUS 15:12

At Kristus wa'lagaikhemo nen, hobuk Allah nen eluget fesikhe, iluk yagahisikhi lago meneat he, hit ekhe nen he, ”Afuni wa'lagunem en Allah nen inelugerinabigin lego,” iluk ikhi lagep andi nenahalok?

ROMA 4:24

Nit faget inomat yaganisasikhe o. Halok, nit ogo re, ninendawinggen nineisena Allah ninoe Enupogot Yesus wa'lagaikhesi'mo nen eluget fesikhe mene a'nogo oba himbiret fogorek andi nen, aren he, ”Hinobabut higithogo hilingiti lagep hak, hinendawinggen noba himbiret fegepma, wene hinoba mene korogo wokhigirik hinambotkwe ninom hunogo hinobagagi andi aro,” iluk yaganisikheregat.

KISAH PARA RASUL 3:26

Allah nen he, wene andi waretikhe hak, hit weak hilingiti lagep mene hinebe lombok hinambotma herakfisoageluk amlogo ebe fanothinabigin mene hit tak hinoba pelakfei wagaikhe andi,” iluk komorinafikhe.

YOHANES 5:19

Weim abok a'nogo isukwama, at Yesus nen he, ap omanogo wene yi'nogo yagaisasikhe: ”Yi mene ti mene an neisena nen hilingitunem neilenggen higi'lek, we, an nendawimo nen kagalogo hilingisu elo'lek andi nen he, an neisena hilingiterek meneat higithogo hilingiti lagi o, iluk eberogoat yagahisigi.

MATIUS 27:63

”Ninoe. Afuni lalinabik nikhi laga mene a'nogo, eluk logolik yagaisikhi logolik he, nenggi pire warek logombik, henaganek neluk asigin o, iluk isikhe a'nogo nen he,

MATIUS 16:21

Huli andi huli nen he, at Yesus nen agoromi ane wanhi lagaukwa mene omanogo at hobuk hilingisigin mene fakhogo mel yagaisasikhe: ”An o Yerusalem a'lima lagain welagi o. Lamo re, it ap inaluendek omanogo inom, Allah eisewerek mene inogogwi kaindek inom, Allah ane lisu palek inelu mene inomen, yi enggin ti enggin hokhorogoat hilingnabimbik nebe noasugun o. Noasumo, nebe warek nenggi pire logombik he, nenggi ekhe henaganek meneba re Allah nen neluget nabigin o,” iluk fakhogo yagaisasikhe.

KISAH PARA RASUL 6:14

Nen, aren ili'logo mene ekhe re, Yesus aiba Nasaret mene a'nogo nen, Allah awi wurik yi meisalogo fesukwasik he, wene at Musa nen ninombalak yagaisasikhemo, nit hilingiti lago mene a'nogo, hobuk hunogoat hilingisin o, iluk ugunem ninesanggo holho o,” iluk isukwa.