YOHANES 2:18 - Allah Wene Fano Wene Hupla Inane

¹⁸ Yesus nen it ap omanogo a'nogo yagaisasikhemo, it ap kaindek Yahudi mene nen Yesus ebe wenageti logoligat he, mel yagatukwa: ”Haren hilingiten yi re, eisewerek logolik hilingisu hagat hilingitenma, iluk futhobagauwogen he, elalin mene ekhe hilingisin ta,” iluk wenagetukwa.

YOHANES 2:18 Referans Kwoze

YOHANES 6:30

Iren he, mel yagatukwa: ”Hebe futhobagauwageluk, elalin mene ekhe hilingitunem nineilenggen healuk ninendawinggen hoba himbiret fouwogen he, ebe ki mene hilingisigin. Ekhe ninggi'nogo hilingisigin.

KISAH PARA RASUL 5:28

”Hiren ap andi enu hombuk palogo nen wene yagaisagubo, iluk niren fanorogo komothinafo a'nogo meneat he, hiren wene andi wialogo yagaisikhi lagepma re, afuni o Yerusalem mene yoma mondogat inelu aga andi re, ap wata mene andi re, wene nit ninoba fouwogeluk ikhi lagep higi,” iluk yagaisasukwa.

KISAH PARA RASUL 4:7

Andogotukwasik he, Petrus Yohanes emberek a'nogo inoba woginarek wagaukwasik inebe tulem menfisasukwasik he, inanema wanhukwa. Inanema wanhi logolik he, ”Hiren ap eisok wut warek mene higitep andi re, nena mene omameba higitep. Nen sa enu hombuk palogo higitep,” iluk ikhi lagaukwama re,

YOHANES 1:25

”Haren he, an nebe re, afuni telninafu mene, Allah nen ayonggo fuluk lakfei wesigin isikhe a'nogo lego. Nen, Elia legaro. Nen Allah ane yaganisikhi logouwageluk lakfei wesigin isikhe a'nogo legaro, egen meneat he, afuni ima pelaginafi lagen andi nenahalok?” iluk yagatukwama re,

LUKAS 11:29

A'nogo yagatikhemo, afuni mondok hokhorogo Yesus oba andogosi wagaukwama, aren wene mel yagaisasikhe: ”Hit afuni o yogondak welagep mene yoma hinobabut weak enek hilingiti lagebo. Hiren he, niren futhobagauwogen he, haren elalin mene ekhe hilingisin he, iluk, yaganeti lagep meneat he, an nebe futnobagauwageluk an nen elalin mene hunogoat ekhe hilingisigin mondok lego. We, at Yunus nen afuni futfouwageluk elalinat hilingitikhe andi hak enek, an nen hobuk ekhe hilingitunem hineilenggen neogoin o.

MARKUS 8:11

At Yesus lak o Dalmanuta wulibi wagaukwama re, ap Farisi mene ekhe Yesus inom wene ane ikhi logolik obabut paluogeluk, oba wagaukwasik he, mel yagatukwa: ”Hat hebe Allah nen lakhobagai wagama wagen halok he, niren futhobagauwogen haren elalin mene ekhe hilingisin he,” iluk yagatukwa.

MATIUS 21:23

At Yesus nen wene a'nogo yagaisasikhesik he, at ebe Allah awi wuri'mo kwisikhesik logolik wene yagaisugunem he, it ap Allah eisewerek mene inogogwi kaindek inom, it ap inaluendek inom, Yesus oba wagaukwasik he, mel yagatukwa: ”Hat he, nena mene eisewerek agendik yi hilingitik, ti hilingitik, ikhi lagen. Nen, ap sa nen eisewerek logouwageluk menhobagaikhemo hilingiti lagen,” iluk yagatukwama,

KELUARAN 7:9

”At raja Firaun nen, an wene futfouwageluk elalin mene ekhe hilingi'ni re, iluk yagahisikhe halok, at Harun nen arige tomuk at raja eilhanem kweangma hukhoageluk yaga'no o. A'nogo hukhugunem sige tomuk andi kisu hilinglasigin a'naga o,” iluk yagatikhe.

1RAJA-RAJA 13:3

A'nogo isikhesik at nabi a'nogo nen ane ekhe inom ikhi logolik he, ”Mezbah ari re talosigin o, nen wul amboloba werek mene re kweisaligin aro. Andiba re an nebe Tuhan nen laknobagai wagama iluk he enek asigin o,” iluk yagatikhe.

YOHANES 1:19

At Yohanes nen wene a'nogo yagaisikho were'ma, it ap Allah eisewerek mene inom, inunggulenu Lewi mene inomen, ”Yohanes. Hat hebe re sa nogo?” iluk, oba heinok wanuageluk, ap Yahudi mene o Yerusalem en lakfisa wagaukwama Yohanes oba wagaukwa.