YOHANES 19:42 - Allah Wene Fano Wene Hupla Inane

⁴² A'nogo were'ma, ohealekwe re. it afuni Yahudi mene inenggi sabit oba Allah faget weat logouwogeluk, oumo a'nogo horogat andi nen he, warek a'nogo oumo andi fei lagaukwa.

YOHANES 19:42 Referans Kwoze

YOHANES 19:31

Andi sambul he, ohealekwe inenggi sabit oba Allah faget weat logouwogeluk isukwa. Meneat he, inenggi sabit oba Allah faget weat hundik-handik welagaikharek hangge fuk. We, hunogoat esin mene logouwogeluk a'luk he, mel isukwa: ”Ninenggi Allah faget weat werek kwelek it inebe eba menfisaga mene andi warek eba mondok logou re, ninabit,” iluk, ap warek andi inoak sombologo fuluk, kobokhogo pelakfei wesuogeluk, it ap Yahudi mene nen, at Pilatus kino yagasi lagaukwa.

YOHANES 19:14

Hu'lagaikhe andi sambul he, ohealekwe seni enu Paskah a'nogo nilik louwogeluk, yi mene ti mene andogorogo fugu kwelek, jam 12 hangge lingge tulem hu'lagaikhe. Hu'lagaikhesik, afuni Yahudi mene mel yagaisasikhe: ”Ap yi sani. Ap yi hit hinoe Enupogot yi hineilenggen hani!” iluk yagaisasikhemo,

YOHANES 19:41

At Yesus eba menfuluk watukwaba era'lu andoma e enggen yabu ekhe welagaikhe. Yabumo andoma oumo kerat anggwe folelogo fesukwasik warek ekhe fisigi'lek mene ekhe welagaikhe.

YESAYA 53:9

Aren kwanirek mene ekhe hilingite lek oba nen, ap inanini mondok weak mene inanggele'ma nen At ebe wa'laga, nen afuni weak hilingitarek mene inom misi'mo salinafa andi,” iluk isukwa.

KOLOSE 2:12

At Kristus wa'lagaikhemo ebe warek salhukwa hak, hit ima pelakhinafi logolik, hinom hundigat salhinafukwao. Nen, at hinom hundik warek were'ma, Allah omameba eluget fesikhe, iluk, hinendawinggen at omameba himbiret fesigip andi nen, ima nen yegelogo liakhinafunem he, at hinom hundigat hineluget hinafikhe o.

1 KORINTUS 15:4

Watukwama re, ebe warek omoula fei lagaukwa. Fei lagaukwama re, enggi pire warek welagaikhesik enggi ekheba Allah nen eluget fesikhe. Eluget fesikhe andi re, fageat Allah ane lisu palogo fesukwa higithogoat eluget fesikhe andi.

KISAH PARA RASUL 13:29

At Yesus fagerat, yi'nogo hilingisugun, iluk lisu palogo fesukwa mene andi higithogo mondogat hilingitukwasik he, ebe warek eba nen pelakfei wagaukwasik he, oumola kwelakfesukwa andi.

YOHANES 19:20

Lisu andi re, afuni Ibrani mene inom, Roma mene inom, Yunani mene inom, inaneba palogo fesikhemo were'ma re, o sili hokhoma nen he, Yesus eba menfuluk watukwaba andoma yatma fuk. We, horogat andi nen he, afuni Yahudi mene hokhorogoat lisu palek a'nogo enu salhi lagaukwa.

MATIUS 12:40

At Yunus andi ikan alabutmo werek kwelek, o hubagik, wei igik, ugu kwelek enggi henagan welagaikhe andi hak he, an abat ta'lasi wagagi a'nogo re, kweang a'ma o hubagik, wei igik, ugu kwelek enek, nenggi henaganat logogin o.

MAZMUR 22:15

I kweisalhugunem lek agarek hak, nomame mondok lek agik, noak mondogat enggalim oba nen orolhigik lagunem hangge welagik, nendawinggen kwe wam sei nunggunem hakhogo amok le'legenggetunem welagik, hilingiti lagi o.