YOHANES 17:3 - Allah Wene Fano Wene Hupla Inane

³ It afuni nen he, Allah ami amuat eberogo fogerasu mene werek iluk, hebe inelu agik, nen an Yesus Kristus laknobagai wagenma wagi mene yi nebe inelu agik, ili'lagwi andi re, ineluk mondok welagaikharek ero andi aro.

YOHANES 17:3 Referans Kwoze

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.

YOHANES 17:25

Allah higithogo nek hilingiti lagen mene, neisena. It afuni kweangma mene hat hebe inonggot meneat he, an enek he, hat nelu o. Nen, it haren wo'netigin mene nek he, Aren lakfei wagaikhe iluk, inelu aro.

YOHANES 3:17

Nen, an Allah amlogo kweangma yoma laknobagai wagaikhe andi re, yi afuni ti afuni wene inoba fuluk weagerinabuageluk laknobagai wagaikhe fuk. We, inebe telinabuageluk laknobagai wagaikhe o.

HOSEA 6:3

Andi nen he, niren At ebe tukhumhogo ninelu asuogen he, eberogoat ninomamerogo hilingiti logouwogo. O hil lakfei wagarek andi hak, At ebe ninoba wagik, meiso pi waga la'luk, kweang sakhot fikherek andi hak, ninebe fanotninafik, i wesigin o,” iluk li'lagwi.

1 YOHANES 4:6

Mene re, nit he, ninebe Allah againafuri mene logolik ninane ugunem, it ekhe Allah ebe inelu mene halok, inesanggo holhik, nen, it ekhe inebe Allah againafuri mene fuk, hunogoat mene halok he, inesanggo holhi'lek herakfisigik, agarego. A'nogo ugunem niren he, ”Allah ebe mene Areagun it andi inendawimo werek, nen it ekhe andi munggwarengge lalinaferek mene inendawimo werek,” iluk enegat futfisogorek andi.

1 TAWARIKH 28:9

A'nogo yagaisasikhesik at Salomo ba Daud en ikhi logolik he yi'nogo yagatikhe, ”Namlogo e, Allah hat heisena nen fogerati lagi mene andi faget enek eberogo an neisena Allah iluk fageti logoino. At Allah re nit ninendawinggenma wenggelhi lago mene inom, ninamolo anggikhi lago mene inom mondogat elu hilingi'mo re, hat hendawinggen pikhithogo, hobabut sakhorek oba, At obaget enek hilingiti logoino. Nen, haren At ebe heratu halok he At ebe herakhagain, oba nen he haren At herakfuluk lagain halok he, Aren mondok-mondok faget hat nabit iluk oboget heagain.

YOHANES 17:23

It eberogoat inebe misigat logouwagen he, it he an ninom hundik, nen hat he an ninom hundik logouwogo. A'nogo logogun halok, it afuni kweangma mene nen ikhi logolik he, At andi re, eisena nen lakfei wagaikhesik ebe endawinggen hundik welagarek andi hak, it inebe at, faget tegelek were'ma endawi hundik hilinginaferego, iluk inelu asimbik futfogoin o.

YESAYA 61:1

Tuhan Lego Mondok welagarek mene a'nogo omame re an noba werek. Aren an wenagaisogo nobagaikhesik la'nobagai waga andi re afuni inelagaik mene inoba wene fano wene yagaisigik, afuni inendawimo warugu welagaikharek mene andi fanorinafik, afuni hele warek welagaikharek mene inoba re weak-weagat hele fikhalogo telhinabigin o, iluk yagaisigik, nen afuni ekhe o hele warek fisagare'ma andoma welagaikharek mene inoba re, hobuk fikhalogo hinobagagin o, iluk yagaisigik, uagaluk laknobagai waga o.

YOHANES 17:21

Neisena, An nen kino yagaheti lagi yi re, mel iluk. An nen neisena hat nemberek hundik, nen, neisena haren an nemberek hundik welagorek andi hak, it a'nogoat inebe mondogat misigat logouwageluk kino yagaheti lagi o. A'nogo were'ma, it afuni kweangma mene nen ikhi logolik he, at andi re, eisena nenat eberogo nen lakfei wagaikhe higi, iluk futfouwageluk, it inebe nit ninom hundigat logouwogo.

YOHANES 3:34

At Allah nen lakfei wagaikhe mene andi, Allah Areagun elele wanhi'lek mondogat wogetikhe andi nen Allah aneat yaganisikherego.

2 KORINTUS 4:6

At Allah nen ikhi logolik he: ”O mum andi anggele'ma nen selek asuak,” iluk isikhe andi hak, arenat nit ninendawimo mum mene andi selegetninafikhemo welago. A'nogo logolik, at Kristus elokhonggen mo hangge amulit yatunem nineilenggen yethaluk he, at Allah fogeratarek mene a'nogo ebe ariginik iluk futfikhi logouwageluk a'nogo selegetninafikhe andi.

YOHANES 17:8

Wene haren yaganetigin mene omanogo it arat yagaisigimo, arat wanhasik, an faget ikhi logolik he, Allah nen lakfei wagama, at were'ma andoma nen eberogoat waga, iluk inelu agaikhasik he, nebe futnobagaga o.

YOHANES 8:19

iren he, ”Hat heisena andi koma werek,” iluk yagatukwama, at Yesus nen he, ”An nebe yi inom, neisena inom hinonggoraro. An nebe hinelu logoilepma re, neisena andi hineluat logoilebo,” iluk yagaisasikhe.

1 KORINTUS 15:34

Weak hilingiti lagep mene andi herakfisaluk he, yogondak hinebe hebela'ni o. Hit ekhe Allah ebe hinonggot welagep andi nen, hinenggali wasigeluk yagahisigi andi.

YESAYA 53:11

Andi faget he Tuhan nen ikhi logolik, ”Enggin-fenggin andoma mondogat heinet warogo hilingfembik, at agaiyekhogo oba liok igin o isikhe. An namingmingengge andi re An nendawimo anggigirek mene higithogo hilingite, afuni hokhorogo unggum hela mene re at amu nen wanhe. Nen at alisikhogo An nen it inaweak sebelogo leget fisikhi logogin.

1 TESALONIKA 1:9

Iren wene mel ili'lagwiat: ”It afuni o Tesalonika mene nen, Paulus lak inebe woginafasik he, eberogoat he, Allah eluk mondok welagarek mene andi aro, iluk awe a'ma logolik, at faget hilingitik, at amlogo pogoroba nen pi wesigin andi ebe nenangorogo welagik uogeluk he, tugwi kembu herakfisaluk inelokhe hebelogo Allah wogetukwasik werego. Allah nen amlogo wa'lagaikhemo nen eluget fesikhe a'nogo ebe Yesus andi aro. Nen, Allah a'mage afuni inoba fagain sambul he, nit Yesus andi nenat telninabigino,” iluk, hinabok fano ili'lagwi aro.

YEREMIA 10:10

Oba nen Hat enek he nineisena Tuhan Allah eberogo mene o, Raja hetok mondok logolik nineluk wo'nisegendek mene welagen. Nen Hat ha'mage lagagunem he kweang leik eterek, nen Hane pararak etunem he yi afuni ti afuni hambuget hare elo'lek.

YESAYA 48:16

An nera'lu horokhogo we'luk he nane igin mene fanorogo holin o, o attagenat An nane ikhi logolik weinam fakhogo nek igirek, An nane ikhi lagi mene andoma mondogat he tiphogo nek hilinglagarego,” iluk ikhe isikhe. Yogondak he Tuhan Allah nen an laknobagakhi logolik, At onggwarek omame a'nogo an wo'nete.

MAZMUR 9:10

At Tuhan andi re afuni nen enggin-fenggin inoba fugunem awe a'ma kuluk welagaikharek oba faget werek. it enggin fenggin hugu logolik awe a'ma kwi lagu mene faget werek.

YOHANES 10:36

An nen he, Nebe Allah amlogo, igi andi nen, Allah enu weagete, iluk nenahalok ikhi lagep? Allah nenat nayonggo fuluk eberogoat nebe wenagaisogo kweangma yoma laknobagai wagaikhe meneat he, nenahalok ikhi lagep.

YOHANES 7:29

A'nogo meneat he, an enek he, arenat laknobagai wagaikhemo, o at were'ma andoma nenat wagagi andi nen he, an at ebe nelu o,” iluk a'nogo yagaisikhi lagaikhemo,

YOHANES 6:57

An neisena eluk mondok welagarek mene nen laknobagai wagaikhemo wagagi a'nogo, at eluk welagarek andi nen an neluk welagirek hak, ap sa nen, an nebe ningge halok, an neluk welagirek andi nen, at elugat logogin o.

2 TAWARIKH 15:3

It afuni Israel mene a'nogo re o inenggi aninurogo andoma Allah eberogo mene a'nogo obaget hilingiti legengge welagik, inawene melalek it hologo hilingitu mene ogore, legengge welagik, it inogogwi imam en it yagaisugu mene ogo legenggeat welagik, hilingik welagaukwa.

YOHANES 5:44

Allah alegat etok mondok welagarek andi nen fogerasuogeluk hilingiti'lek logolik he, hit-hirat hat ekhe nen fogeratik, hat ekhe nen fogeratik fogerakhikhi lagep andi nen, hinendawinggen an noba ninggi'nogo himbiret fogoin anggegep? Mondok elo'lego.

YOHANES 11:42

An nen hat kino yagahetunem, nane hesanggo holhi lagen a'nogo, an nelu meneat he, it afuni yoma nen, haren an laknobagai wagagin andi nebe futnobagauwageluk yagaheti o, neisena,” iluk a'nogo isikhesik,

LUKAS 9:48

it omanogo wene mel yagaisasikhe: ”Hit hinanggele'ma yoma at enu lek sebelek mene andiat ebe kain enu werek asigin andi nen he, sa nen yenggerek yi an faget wanhe halok he, An nebeat wo'nabigin o. Nen, sa nen an wo'nafu halok he, At laknobagai wagaikhe mene a'nogoat wanigin o,” iluk yagaisasikhe.

MARKUS 9:37

”Sa nen yenggerek yi hangge mene misigat ekhe an faget wanhe halok he, an nebeat wo'nabigin o. Nen, sa nen an nebe wo'nabigin halok he, an nebe wo'nabigin fuk. Neisena laknobagai wagaikhe mene a'nogo ebeat wanigin o,” iluk yagaisasikhe.

1 KORINTUS 8:4

Tugwi kembu anggo waretarek andi re, tugwi kembu kweangma mene yoma ebe lek meneat, iluk ninelu. Nineisena Allah ebe misigat. Ekhe lego.

AMSAL 8:35

Ap sa nen, an hera'nabigin halok he, inebe inelugerinaferek mene eise asugun o. Eise asugun andiba re, neisena Tuhan nen at ebe oba liok igin o.

YOHANES 17:18

Haren an nebe afuni kweangma mene inoba laknobagai wagagin a'nogo hak, an nen it a'nogoat afuni kweangma mene inoba lakfisigi o.

FILIPI 3:8

A'nogo futfikhi lagi andi nek fuk. Noe Enupogot Yesus Kristus nelu agagi andi fano mondogaro. Yi mene ti mene hunogo mene hilingiti lagi andi, nong asigin mene hilingiti lagagimo iluk, futfikhi lagi aro. At ebe helambik he, ninom hundik mondok logouwogeluk, yabu alengge palogo wulak fisagarek hak, yi mene ti mene attak hilingiti lagagi mene andi: ”We meneat,” iluk herakfisasigi andi. Wene Allah nen komotninafikhe wene andiba, nonggwaregen higit hilingiti lagi fuk. It afuni ekhe inendawinggen Kristus oba himbiret fugunem, wene inoba mene korogo wokhaluk hobuk Allah inom hunogo fisikherek hak, an a'nogoat nendawinggen at oba himbiret fesigimo, wene noba welagaikhe mene korogo wokhasikhe andi.

FILIPI 3:10

At Kristus yi enggin ti enggin hilik-hilik wa'lagaikhe hak, nemberek higithogoat, an a'nogoat enggin hilik-hilik, wa'lasiginat anggikhi lagi. Mene re, at wa'lagaikhemo, Allah omameba eluget fesikhe hak, an a'nogoat wa'lasumo, neluget nabigin iluk, oba eberegat welagi.

IBRANI 3:1

Andi nen, Allah againafuri at onggwarek faget fakhasikhe mene nerugwi nagaila'lak. At Allah pogoroba nenat hit ninomat ninayonggo fesikhemo wene wanhugusik fakhogo ikhi lago andi faget, at Yesus ebe Imam Agung logouwageluk, Allah nenat lakfei wagaikhemo werek andi nen he, hit hinendawinggen oba nenat futfikhi logoino o.

2 PETRUS 1:2

Hiren Allah inom, ninoe Enupogot Yesus inom, emberek inebe furogo hineluat welagep andi nen, it inobabut fano a'nogo nen fano mene wokhisigik, hinendawinggen hambugethinafik, hokhorogo ugu mondogat logouwago.

2 PETRUS 1:3

At Allah etok mondogat logolik, yi mene ti mene elalinat hilingitunem fogeratu mondok welagaikharek mene a'nogo nen ninayonggo fesikhe andi. Halok, niren at ebe furogo ninelu a'luk, nit ninebe nineluk logolik, at faget higithogo hilingiti logouwageluk, at onggwarek omameba yi mene ti mene wo'nisasikhemo eise agosik welago.

2 PETRUS 1:8

Hit he, hinobabut andi mene mondogat eise a'luk, hobugalep hokhorogo eise a'luk logogun andi nen, we tulemat alemarogo welagi'lek, ninoe Enupogot Yesus Kristus furogo hinelu asuguno.

1 YOHANES 1:2

Nen, at eluk mondok welagarek mene andi, ebe eisena emberek eluk mondok welagaikhesigen, eisena nen nit nineilenggen hoageluk weinamet fesikhemo nineilenggen hasugusigenat abok yagahisikhi lago o.

1 YOHANES 1:3

Ebe nit nineilenggen higik, ninesanggo holhik, isugu mene andi, nineisena Allah amlogo Yesus Kristus emberek ninom hundik welagorek andi hak, hit nit ninom fano hundik logouwogeluk yagahisikhi lago o.

1 YOHANES 2:23

Ap sa nen, ”Allah amlogo andi, ebe nabit,” iluk kobologo lakfisikhe halok, eisena Allah ebe wanhi'legaro. Nen, ap sa nen, ”Allah amlogo ebe andi aro,” iluk ane fakhogo ikhe halok, eisena Allah ebe wanhe aro.