YOHANES 17:12 - Allah Wene Fano Wene Hupla Inane

¹² An it ninom yoma logolik he, it inebe longgoinogo iluk, hat henu mene an salnafigin a'nogoba, ferinarek were'ma, it ekhe longgo igi'lego. We, at andi longgo igin, iluk, hat hane isigin mene lisu palogo fesukwa mene a'nogo ebe asuageluk, longgo u hagat longgo ikhe.

YOHANES 17:12 Referans Kwoze

YOHANES 18:9

A'nogo yagaisasikhe andi re, oan hilinglagi'lek werek kwelek fageat, at Yesus nen Allah yagati logolik he: ”Allah neisena, afuni haren wo'netigin mene omanogo ekhe longgo igi'lego,” iluk isikhe mene a'nogo ane ebe asuageluk a'nogo yagaisasikhe andi.

YOHANES 13:18

An nen wene andi hit hinebe mondogat faget yagahisigi fuk. Lego. Hit yi an nenat hinebe wenakhinafigi iluk nelu meneat he, wene andi faget Allah aneba mel iluk lisu palogo fesukwa: Ap ekhe sumburu nemberek misi'mo ninggi lago mene yi nenat weaget nabigeluk menlaga o, iluk isukwama lisu palek werek andi legasigin lek. Eberogoat hilinglasigin.

YOHANES 6:37

Menere, an pogoroba nen pi wagagi andi re, an nonggwarek nendawimo nen kagalogo hilingisigeluk pi wagagi fuk. We, At laknobagai wagaikhe mene endawimo anggikherek mene andiat higithogo hilingisigeluk pi wagagi andi nen he, afuni an Neisena nen wo'neterek mene inebe lombok noba wagunem he, an nen, hit an noba wesugun lek, iluk wenagisagain lego.

1 YOHANES 2:19

It afuni andi inebe re, nit mene palek meneat he, it inebe eberogoat nit werekwe mene lego. It inebe eberogoat nit werekwe mene logoilepma re, inebe nit ninom mondogat logoilo o. Mene re, Allah endawimo nen, ”It andi, inebe mondogat hit mene lek, hunogoat mene werek, iluk, enegat asuak,” iluk anggasikheba it a'nogo wulifukwa andi.

2 TESALONIKA 2:3

Afuni ekhe nen: ”Allah ninabit,” iluk, herakfisaluk wulipluk at obabut mondok weak mene hobuk Allah nen endumo lakfisagain mene a'nogo weinam agik, a'nogo tak hilingisugun andi nen he, it ekhe nen yi'nogo igik, ti'nogo igik, ikhi logolik, lalhinabugun he, nabit.

IBRANI 2:13

ekhe inom ap ekhe yagati logolik he: ”An nendawinggen Allah oba himbiret fuluk logogin o,” iluk yagatikhesik he: ”Allah nen againafuri wo'netikhe mene omanogo ninom welago yi han,” iluk yagatikhe.

MAZMUR 41:9

Iren ikhi loglik he, ”At oba ou a'nogo re mondok enggin se'ma re, inganghogo menlasu lek hak,” ili'lagwi.

YOHANES 17:6

Afuni kweangma mene haren attagat wo'netigin mene nek mondogat, hat hebe inelu asuageluk yagaisigi o. It inebe hat mene an wo'netenma andi nen he, iren hat hane hologo hilingitarego.

FILIPI 2:9

A'nogo anggasikhe andi nen, ebe Allah nen esinet fesikhe. Esinet fuluk he, it ekhe inenu sebelek hak werek kwelek, arenek he, Enupogot logouwageluk esin meneat salfesikhe.

WAHYU 19:12

Ap andi eilenggen he, endu amulok hangge, nen unggul oba re, kware-kware ebe hokho ap kaindek inenupogot ikfisagarek andi hangge ugu. Nen, at enu salek hangge ekhe hunogo mene at ebene lisu palek were'ma afuni mondogat inonggot, we, at onggwarek enek elu mene lisu palek welaga higi.