YOHANES 16:3 - Allah Wene Fano Wene Hupla Inane

³ Iren a'nogo hilinghinabugun andi re, an neisena nemberek ninebe inonggot andi nenat hilinghinabugun o.

YOHANES 16:3 Referans Kwoze

YOHANES 15:21

A'nogo meneat he, iren, at an laknobagai wagaikhe mene a'nogo ebe inonggot andi nen he, it yi at agoromi, iluk, wene yagahisigi andi mondogat hilinghinabugun o.

YOHANES 17:25

Allah higithogo nek hilingiti lagen mene, neisena. It afuni kweangma mene hat hebe inonggot meneat he, an enek he, hat nelu o. Nen, it haren wo'netigin mene nek he, Aren lakfei wagaikhe iluk, inelu aro.

YOHANES 8:19

iren he, ”Hat heisena andi koma werek,” iluk yagatukwama, at Yesus nen he, ”An nebe yi inom, neisena inom hinonggoraro. An nebe hinelu logoilepma re, neisena andi hineluat logoilebo,” iluk yagaisasikhe.

1 YOHANES 4:8

Nen, at Allah obabut he, nit endawitninafu welagarek andi nen, ap sa nen nendawi-hendawirogo logogin lek halok, at andi re Allah ebe onggot werego.

1 YOHANES 3:1

At Allah nen he, ”It yi an nagainafuri,” iluk ta'ninafikhemo eberogoat nit ninebe at againafuri welago. A'nogo welagorek andi nen, ninebe at endawi mondok welagarek andi hani! A'nogo meneat he, it afuni kweangma mene inobabut inetok mene omanogo nen Allah ebe inonggot andi nen he, nit ninebe inonggoraro.

YOHANES 17:3

It afuni nen he, Allah ami amuat eberogo fogerasu mene werek iluk, hebe inelu agik, nen an Yesus Kristus laknobagai wagenma wagi mene yi nebe inelu agik, ili'lagwi andi re, ineluk mondok welagaikharek ero andi aro.

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.

1 KORINTUS 2:8

Afuni kweangma mene inogogwi kaindek o yogondak werek yoma, wene andi inelu agi'lek inonggorat werek. Inelu logoilepma re, ninoe Enupogot fogeratorek mene a'nogo, ebe eba menfuluk wa'lep legaro.

YOHANES 15:23

At sa nen an apsiri niikhe halok, an neisena ebeat apsirit fikhe o.

LUKAS 10:22

A'nogo yagatikhesik, it afuni omanogo mel yagaisasikhe: ”An neisena nen yi mene ti mene mondogat eisewerek logouwageluk wo'netikhe. Allah amlogo andi sa iluk afuni mondogat inonggot meneat he, an neisena alegat enek elu welagarek. Andi hak he, an neisena Allah andi sa, iluk afuni mondogat inonggot meneat he, amlogo an nalegat enek nelu welagirego. Nen, Allah amlogo an enat nendawimo anggalugen, neisena ebe afuni ekhe inelu asuageluk nane fakhogo yagaisigirek mene halok it andiat inelu agaikharego,” iluk, yagaisasikhe.

KISAH PARA RASUL 3:17

Mene re, nerugwi nagaila'lak. Hit hinogogwi kaindek hinom Yesus faget hilingitep andi, hinonggot logolik hilingitep andi, an nelu o.

1 YOHANES 2:23

Ap sa nen, ”Allah amlogo andi, ebe nabit,” iluk kobologo lakfisikhe halok, eisena Allah ebe wanhi'legaro. Nen, ap sa nen, ”Allah amlogo ebe andi aro,” iluk ane fakhogo ikhe halok, eisena Allah ebe wanhe aro.