YOHANES 15:21 - Allah Wene Fano Wene Hupla Inane

²¹ A'nogo meneat he, iren, at an laknobagai wagaikhe mene a'nogo ebe inonggot andi nen he, it yi at agoromi, iluk, wene yagahisigi andi mondogat hilinghinabugun o.

YOHANES 15:21 Referans Kwoze

MATIUS 10:22

Nen, afuni mondogaren an nenu iluk, hit he, at agoromi iluk inabiret hinobagakhi logogun o. Meneat he, sa nen afe morogo logogin halok he, o wurep oba Allah nen teligin o.

YOHANES 16:3

Iren a'nogo hilinghinabugun andi re, an neisena nemberek ninebe inonggot andi nenat hilinghinabugun o.

YOHANES 8:19

iren he, ”Hat heisena andi koma werek,” iluk yagatukwama, at Yesus nen he, ”An nebe yi inom, neisena inom hinonggoraro. An nebe hinelu logoilepma re, neisena andi hineluat logoilebo,” iluk yagaisasikhe.

MATIUS 24:9

Andi sambul he, afuni inunggulenu lombogen, an nenu iluk, ”Hit he, at agoromi,” iluk hinebe inabit mondok hilinghinabimbik he, hinebe fakhinobagaluk, it ekhe nen yei hinoatik, hinebe pinggi hinoatik, uageluk inoba wokhinarek laga logogun o.

MATIUS 10:18

A'nogo hilinghinabugun andi ero an nebe fagerat, ap inenupogot mene inom, kaindek mene inom, inoba wokhinarek lagunem, hiren it ap andi ineilhanem an hilingitunem hineilenggen niikhi lagep mene a'nogo fakhogo it yagaisigik, afuni endakwe mene yagaisigik, yagaisoageluk fano asuak hinanema wanugun a'naga o.

KISAH PARA RASUL 5:41

Wulakfisasukwama, it ap wene ero pilingiti lagaukwa mene omanogo herakfisaluk wulifukwasik, it-it ikhi logolik he, ”Allah nen he, hit Yesus enu faget afuni nen, hit weak, iluk wenakhisamo elok, iluk endawimo anggikhe higithogoat wena'nisaga andi fano,” iluk inendawimo inagaiyek agaukwasik wulifukwa.

WAHYU 2:3

Nen, afuni nen an faget yi enggin ti enggin hilinghinafu kwelegat, hiren he, At ninabit, iluk, heraknobagagi'lek hinafe morogo welagep andi.

1 KORINTUS 15:34

Weak hilingiti lagep mene andi herakfisaluk he, yogondak hinebe hebela'ni o. Hit ekhe Allah ebe hinonggot welagep andi nen, hinenggali wasigeluk yagahisigi andi.

1 KORINTUS 2:8

Afuni kweangma mene inogogwi kaindek o yogondak werek yoma, wene andi inelu agi'lek inonggorat werek. Inelu logoilepma re, ninoe Enupogot fogeratorek mene a'nogo, ebe eba menfuluk wa'lep legaro.

ROMA 1:28

Iren he: ”Allah ebe ninelu logogun he, ninabiro,” iluk at ebe it inendawimo sebelfesukwama re, aren he: ”It inendawimo anggili'lagwi andi weago. Nabit. Iren he weak meneat he fano, iluk anggagarek andi, a'nogo inoba lombok anggikhi logolik hilingisu lek mene hilingirikhi logonik,” iluk inebe herakfisikherek.

KISAH PARA RASUL 17:23

An o hit hinawi sili yoma nikhi logolik, o wesa hilingiti lagepkwe neilenggen hilik nikhi logolik, tugwi kembu ekhe awi wuri'mo anggo warogo fisikhi lagep oba andoma lisu mel iluk oba palek were'ma neilenggen higi: Yi Walhasikhe mene ninonggot mene fagero, iluk lisu palek were'ma higi. Hit hinonggot logolik fogerati lagep andi, ebe re, an nen furogo yagahisak.

KISAH PARA RASUL 9:16

A'nogo ayonggo figiri'mo re, aren nenu a'nogo yagaisilik nugunem, at yi enggin ti enggin hikhi logogin obaat hikhi logogin mene, an nen yagasigin werego,” iluk yagatikhe.

KISAH PARA RASUL 3:17

Mene re, nerugwi nagaila'lak. Hit hinogogwi kaindek hinom Yesus faget hilingitep andi, hinonggot logolik hilingitep andi, an nelu o.

YOHANES 8:54

aren he, mel yagaisasikhe: ”An nonggwaregen fogerakhikhi logoilema re, we tulemat fogerakhikhi logoile o. Athe, an neisena ebe nelu mene andi, hiren, at ebe futfigi'lek logolik, nit nineisena Allah iluk ikhi lagep a'nogo, at ebe nenat, fogetnabi'logo. An nen, At ebe nonggot, iluk ilema re, hit hinera nen ikhi lagep hagat ile o. Menere, at ebe nelu andi nen he, at ane hologo hilingiti lagi o.

LUKAS 6:22

Nen, it ap yoma inambu-inombalagen, it ap attak Allah ane yagaisikhi lagaukwa mene hilinginafi lagaukwa hagat, hit yogondak an abat ta'lasi wagagi a'nogo nane wanhep andi nen inapsiri wathinobagakhi logolik, hit enek fologo hinobagagik, inane puk weak wenakhisigik, ap yi weak, iluk hinenu ikhi logolik hinabok weak palhik, a'nogo hilinghinafu halok, onggo wokhisagain mene pogoroba hokhorogo werek andi nen he, hinendawimo hinagaiyek hikhi logolik hu'lenggen wuni wati logoino.

MATIUS 10:39

Sa nen onggwarek ebe elele helagain halok he, ebe wa'lasimbik nong asigin o. Meneat he, sa nen an faget wa'lasigin halok he, ebe elele helagain o,” iluk yagaisasikhe.

YESAYA 66:5

Yago, hit At awene melalek faget inailorogo welagik, ane hologo hilingitik, hilingitu welagep mene yoma sani, Tuhan ane ikhe mene hologo hilingiti logoni o. Hit hinendawinggen An noba himbirik logolik tiphogo hilingiti lagep oba, hit hinunggulenu mene inanggele'ma nen inabithinafi logolik, hinom seberogo hilingitu aple ogore mondok inabit weregat. Iren hit hinoba li'not hinafi logolik yi'nogo ili'lagwi, ”Hit hinagaiyegen hilingitu mene andoma nit nineil hogoin nen he, Tuhan Omame Mondok hokho werek mene a'nogo inukhoago,” iluk ili'lagwi. Oba nen he it inonggwaregat inenggali asugun o.

MAZMUR 69:7

Neisena Allah, Hat hebe esin mondok mene, Haren he, yi mene ti mene hilingisu hak enek a'nogo nen he, ero an weak oba hagainafuri inendawinggen hoba himbirik welagaikharek mene inenggali asinogo o. Nit afuni Israel mene nineisena Allah fogethaforek mene it ekhe mukharek wagaikharek mene ero an weak oba nen, inenu weagetfegen hanogoluk hayonggo fikhi lagi o.

MATIUS 5:11

Hit oan werek kwelek, attagat it ap Allah ane yagaisikhi lagaukwa mene weagerinafi lagaukwa hagat, hit an nebe faget, it afuni ekhe nen wenakhisigik, weagethinafik, ineranenat hinabok ikhi logolik, yi weak ti weak hinoba figik, ugu halok he, hinendawimo hinagaiyek hikhi logoino o. Hobuk nineisena pogoroba mene nen onggo hokho mene wo'nisagain iluk, hinendawimo fano agik, hinagaiyek higik, hokhorogo ikhi logoin o,” iluk yagaisasikhe.

MARKUS 13:13

Nen, afuni mondogaren an nenu imbik, hit he at agoromi iluk hinebe inabit mondok hilinghinobagagun o. Meneat he, sa nen afe morogo logogin halok he, o wurep oba Allah nen ebe teligin o,” iluk yagaisasikhe.

LUKAS 21:12

Mene re, andi mondogat oan hilinglagi'lek werek kwelek he, attak he, afuni nen hinebe fakhinobagambik yi enggin ti enggin hilinghinafik, o samban agarek oba wokhinarek lagik, hele warogo fisagarek oba kwelakhinobagagik ap inenupogot inom, ap kain gubernur lak inom inoba wokhinarek lagik, ugun andi re, iren he an nenu ikhi logolik, hit at agoromi, iluk a'nogo hilinghinabugun o.

LUKAS 21:17

Nen, it afuni mondogaren he, an nenu uluk, hit he, at agoromi, iluk hinebe inabit mondok asugun. Meneat he,

YOHANES 15:24

It afuni fenakwe nen hilingitarek mondok lek mene, yi wene ti wene ineilhanem hilingiti lagagi a'nogo hilingiti logoile le'ma re, it weak, iluk ile lego. A'nogo meneat he, an nen wene andi mondogat hilingitunem ineilenggen neasukwasigen, an neisena nemberek inabiret ninobagali'lagwi o.

YOHANES 17:25

Allah higithogo nek hilingiti lagen mene, neisena. It afuni kweangma mene hat hebe inonggot meneat he, an enek he, hat nelu o. Nen, it haren wo'netigin mene nek he, Aren lakfei wagaikhe iluk, inelu aro.

KISAH PARA RASUL 4:17

A'nogo meneat he, wene andi wialogo afuni mondogat inesanggo holik lanogo iluk he, Yesus enu hombuk palogo wene hobuk mondok yagaisagubo, iluk wene komorinabuok,” iluk isukwa.

KISAH PARA RASUL 9:14

yogondak he, o yoma wesimbik, afuni hat henu hombuk palogo hayonggo fili'lagwi mene halok mondogat, inenggi hele wasuageluk he, it ap Allah eisewerek inogogwi kaindek omanogo nen yagatama wagasik werek andi,” iluk yagatikhe.

KISAH PARA RASUL 26:9

”An attak he, Yesus aiba Nasaret mene enu andi lek asuageluk yi mene hilingitik ti mene hilingitik, hilingiti logogin aro, iluk nendawimo anggasigi.

1 YOHANES 3:1

At Allah nen he, ”It yi an nagainafuri,” iluk ta'ninafikhemo eberogoat nit ninebe at againafuri welago. A'nogo welagorek andi nen, ninebe at endawi mondok welagarek andi hani! A'nogo meneat he, it afuni kweangma mene inobabut inetok mene omanogo nen Allah ebe inonggot andi nen he, nit ninebe inonggoraro.