YOHANES 15:12 - Allah Wene Fano Wene Hupla Inane

¹² Hiren hilingiti logogun mene, wene ebe yiat komorogo yagahisak: An nen hit nendawinggen hundik welagi andi hak, hiren a'nogoat hit-hit nendawi-hendawirogo logobagaigen iluk yagahisigi o.

YOHANES 15:12 Referans Kwoze

1 YOHANES 4:21

Andi nen, at Kristus nen komotninafi logolik: ”Allah hinendawirogo logolik, hinerugwi hinagaila'lak hinendawirogoat logoino o,” iluk yaganisasikhe andi.

YOHANES 13:34

A'nogo yagaisasikhesik, wene ekhe mel yagaisasikhe: ”Hiren hilingiti logogun mene wene ket mene ekhe yagahisak: An nen hit nendawirogo welagirek andi hak, hiren a'nogoat, hit-hit nendawi-hendawirogo hilingiti logoino o.

1 PETRUS 4:8

Wene esin hangge re, hit-hit nendawi-hendawirogo hilingiti logolik, ekhe nen ekhe weagetfagain mene sebelogo mondok legetfogoin andi nen, hit-hit hinerugwi hinagaila'lak hinom nendawi-hendawirogo mondok hilingiti logoino o.

1 YOHANES 3:23

Aren wene komotninafikhe andi, ebe re: ”Hit hinendawinggen an namlogo Yesus Kristus oba himbiret fuluk, aren yagahisikhe andi hagat, hit-hit nendawi-hendawirogo logoino o,” iluk komotninafikhe andi aro.

ROMA 12:10

Hinerugwi hinagaila'lak Allah againafuri mene andi hinebe ap misigaren tago mene hak, hinendawinggen tulem hinendawirogo logolik he, hit-hit hinerugwi hinagaila'lak hinane agaukhogo yagaisikhi logoino.

EFESUS 5:2

Afuni nen yi mene ti mene Allah faget fisaluk, ebe warogo endu noletunem, Allah endawimo fanorogo amben fano mene liageti lagaukwa andi hak, at Kristus nit ninebe endawitninafikhesik he, ”It faget an nebe noasuago,” iluk anggasikheba ebe watukwa andi nen Allah endawimo fano agaikhe andi hak, nit-nit nendawi-hendawirogo hilingiti logouwogo.

1 PETRUS 3:8

Wene andi wurep kobokhogo mel yagahisak. Hit hinebe mondogat hinendawimo nen he, ”Ninebe Allah againafuri ninerugwi ninagaila'lak ninom,” iluk, hinendawinggen hundik logolik, hinendawimo misigat mene anggigik, hinendawinggen misigat mene ebetik, ikhi logoino. A'nogo ikhi logolik, hinonggwaregen fogerakhigi'lek, hinendawinggen seberogo logolik, hit-hit nendawi-hendawirogo hilingiti logoino.

1 PETRUS 1:22

Ebe wene andi hinesanggo holhi logolik, hinendawimo nen weak mene horogo lakfisaluk, hinerugwi hinagaila'lak Allah againafuri mene eberogoat hinendawirogo hilingiti lagep andi, hinom hundik mondok logolik nendawi-hendawirogo hilingiti logoino o.

1 TESALONIKA 4:9

Nen, hit-hit hinerugwi hinagaila'lak hinom nendawi hendawirogo logobagaigen iluk, Allah nen elogat yagahisili'logo andi nenat he, hobuk an ninggi'nogo nen: ”Hit hinerugwi hinagaila'lak hinom hinendawirogo hilingiti logoino o,” iluk, lisu palogo hinoba lakfei wesigin nogo. Legaro.

1 TESALONIKA 3:12

Niren hit hinebe ninendawirogo welago hak, hiren a'nogoat hit-hit hinendawirogo hilingitik, afuni mondogat hinendawirinafik, hokhorogoat hinendawirinafi logobagaigen, ninoe Enupogoren hinobabut inendawirinafarek andi mene oba loukhogo ekhe inomat wokhisikhi logouwak.

2 TESALONIKA 1:3

Nerugwi nagaila'lak. Hit hinendawinggen Kristus oba himbirik welagep mene andi, ekhe inom hokhorogo himbiret figik, hit-hit hinebe lombok nendawi-hendawirogo hilingiti lagep mene andi, ekhe inom hokhorogoat hinendawirinafik, ikhi lagep andi nen, niren hit faget Allah fogerati lago meneat fogeratu mondok welago.

MALEAKHI 1:2

Tuhan nen afuni At againafuri mene inoba yagaisikhi logolik: ”An nen hit hinoba nendawi hundik hilinghinafu welagi o,” iluk yagaisasikhe. Oba nen he iren onggo ikhi logolik he, ”Nineisena Tuhan Haren he hendawi hundik hilingninafi lagen andi re ebe ninggi'nogo hilingninafi lagen nogo?” iluk aga. A'nogo agama re, At Tuhan nen mel yagaisikhe: ”At Esau re, Yakub oe lek nogo? At Yakub oe aro. A'nogo meneat he, Yakub nendawirati logolik,

YOHANES 15:17

Nen, an nen wene yagahisigi andi, ebe esin he, hit-hit nendawi-hendawirogo logoino, iluk yagahisigi andi aro,” iluk yagaisasikhe.

2 YOHANES 1:5

Andi nen he, nerei e. Wene ket mene lisu palogo heagwi hinomat were'ma hinoba lakfei wagi fuk. Lego. We, nit ebe wene andi futfesugumo at Allah nen nit-nit nendawi-hendawirogo logouwageluk eroba nenat komotninafikhemo ninelu mene a'nogo lisu palogo hinoba lakfei wagi andi o.