YOHANES 14:12 - Allah Wene Fano Wene Hupla Inane

¹² At sa nen endawinggen an noba himbiret fikhe halok he, an hilingiti lagi mene andi, aren hilingiti logogin aro. An hilingiti lagi andi re, endebat hak meneat he, an neisena oba lagain andi nen he, at sa nen endawinggen an noba himbirik welagarek mene andi nen ebenagaikmo hokhorogo hilingiti logogin o, iluk nane eberogoat yagahisigi.

YOHANES 14:12 Referans Kwoze

MATIUS 21:21

at Yesus nen he, ”Wene eberogoat yagahisak. An nen e ara yi hilingiti hak, hiren a'nogo hilingisugunat mene re, andi nek hilingisugun fuk. Hinendawinggen menenei uan horok ebeti'lek, we hinendawinggen Allahba eberogoat himbiret fembik, hiren he, tom yi yoma nen sanokhogo i laut yenggele'ma a'lima pokhogo lan o, iluk yagatep halok he, hilinglasigin aro.

MARKUS 16:17

It afuni ekhe nen wene andi eberogoat iluk anggoageluk, it wene eberogoat iluk wanugun mene nen he, yi'nogo hilingiti logogun. Munggwarengge obabut weak mene it ekhe inendawimo kuluk were'ma an nenu hombuk palogo henegeisogo wulakfisigik, inane it ekhe inane inonggot mene elalinat igik, ikhi logogun.

KISAH PARA RASUL 16:18

At helenggerek andi hobuk hundik-handik ane a'nogoat ikhi lagaikhe. Ikhi logolik, ane Paulus oba hundik-handik yagati lagaikhemo re, at elokhe hebekhogo munggwarengge obabut weak mene andi mel yagatikhe: ”Munggwarengge hobabut weak mene yi. Hele ari endawimo welagen andi, henogo wulibi lanogeluk, Yesus Kristus enu hombuk palogo yagaheti lagi o,” iluk yagatikhemo re, aremnogoat endawimo nen henogo wulifikhe.

KISAH PARA RASUL 9:34

Eilenggen hasikhesik he, mel yagatikhe: ”Eneas nagailak. Yesus Kristus nen higithafe o. Halok, menlasimbik he, halit talogo nogo ikhi lagen mene ari yinggilogo fein o,” iluk yagatu kwelek, aremnogoat siakhogo menlagaikhe.

KISAH PARA RASUL 19:12

Hilinginafunem he, su at Paulus amunggut tetungge mene he a, asu ebe mene elokhonggen weak asinogo iluk endakwe labeti lagaikhe mene he a, afuni nen waluk, it ou wanhi lagaukwa mene inoba fei lagunem he, ou fano agik, munggwarengge inobabut weak mene inendawimo kwisukwasik welagaukwa mene henogo wulifik, ikhi lagaikhe.

KISAH PARA RASUL 9:40

Inukhasukwama re, at Petrus nen inebe mondogat wulakfisasikhesik eindep awi yagaisogo samban isikhesigen, elokhe hebekhogo warek a'nogo wogetikhesik he, ”Tabita. Menlame o,” iluk yagatikhe. Yagatunem, aremnogoat eilenggen fenggen lagaikhesik he, Petrus ebe eilenggen hasikhesik menlagaikhesik alele yamukhogo hu'lagaikhe.

KISAH PARA RASUL 5:15

A'nogo aga lagaukwama re, it afuni ou wanhi lagaukwa mene, fena e talek oba fisigik, fena lit talek oba fisigik, iluk he, Petrus wagunem afumak inoba higit aga halok se asuageluk, ebekhalem fisa waga lagaukwa.

KISAH PARA RASUL 2:41

A'nogo komorinafikhemo re, it wene wanhukwa mene halok ima pelaginafukwa. Andi sambul inebe 3.000 hangge ima pisukwasik he, hobuk inom lambukhogo welagaukwa.

KISAH PARA RASUL 4:4

A'nogo meneat he, it Petrus Yohanes emberek a'nogo oan kwelakfisigi'lek werek kwelek, afuni yagaisasukwama inesanggo holhukwa mene omanogo inebe hokhorogoaren, ”Wene andi eberogoat,” iluk wanhukwama re, it attak mene inom, hobuk mene inom, lambukhogo, ap enek inenggi wenaginafunem 5.000 hangge hilinglagaikhe andi.

YOHANES 16:7

An nen wene ebe fakhogo yagahisago. An lagain lek logoilepma re, hit lebethisikhi logogin mene andi hinoba we'lep lek meneat he, an lagain andi nen nobali'mo at andi hinoba lakfei wesigin o. Halok he an lagain andi nen, hit faget fano mondok asigin, iluk eberogoat yagahisigi o.

KISAH PARA RASUL 2:33

At ebe Allah nen eluget fikhesik, era'lu kain logouwageluk menfikhemo werego. Logolik, Allah nen, Nareagun wokhisagain, iluk wene wa'nisasikhe hagat Yesus wogetemo, aren hokhorogoat nit ninoba pelakfei wagama re, nit hilingitunem hineilenggen nisigik, hinesanggo holhik, ikhi lagep andi.

YOHANES 7:39

Iluk, wene a'nogo yagaisasikhe andi re, afuni inendawinggen at oba eberogoat himbiret fagarek mene nek inebe lombok Allah Areagun wogisagain, iluk abok isikhe meneat he, andem sambul at Yesus ebe fogeratu kwelek lagagin a'nogo oan lagagi'lek andi nen he, Allah Areagun oan pelabi wagi'lek werek kwelek isikhe.

YOHANES 7:33

A'nogo ugu kwelegat, at Yesus nen he, mel yagaisasikhe: ”An we, elama faget nenggi endebat ninom logombik he, At laknobagai wagaikhe mene a'nogo oba nambotkwe arat lagain o.

ROMA 15:19

At ebe futfouwageluk Allah Areagun omameba elalin mene nikhogo hilingitik, inailo asu mene hilingitik, hilingitu kwelek he, an he, o Yerusalem andoma nen lagakhogo pikhit o Ilirikum andoma, at Kristus awene fano wene andi furogo yagaisaluk wagi.

KISAH PARA RASUL 6:7

A'nogo hilingiti lagaukwama re, Allah ane hokho aga logolik, afuni o Yerusalem mene Yesus ane wanhukwa mene inebe hokhorogoat hilinglagaukwa. A'nogo hilinglagunem, it ap Allah ane eisewerek mene omanogo inebe esa hokho nen, wene andi wanhukwasik inendawinggen Yesus oba himbiret fesukwaat.

YOHANES 14:28

An lagain meneat he, hobuk nambotkwe hinoba wesigin o, iluk yagahisigi a'nogo arat hinesanggo holhep anggigi. An nebe hinendawinggen hundik logoilepma re, an neisena ebe esin, nen an nebe re elo'lek andi nen he, an neisena oba lagain andi faget hinagaiyek a'lebo.

KISAH PARA RASUL 4:33

A'nogo ikhi logolik he, it ap Yesus nen inebe wenagaisogo inayonggo fuluk lakfisasikhe mene omanogo nen, ”Ninoe Tuhan Yesus eluk agama nineilenggen arat hogo o,” iluk inane mondok omamerogo yagaisikhi lagaukwa. Yagaisugu kwelek he, Allah obabut fano a'nogo nen hokhorogo leberisikhi lagaikhe.

MARKUS 11:13

Sumburu aik fesikhemo re, e ara ero ekhe engga muli were'ma eilenggen yatma nen yethasikhe. Eilenggen yethasikhesik: ”Enggen ugu a? Lega,” iluk, ha lagaikhe mene re, o andem sambul he, e ara enggen itu le'ma andi nen he enggen lek engga nek mulire'ma ha lagaikhe, Lagaikhesik,

YOHANES 4:37

Wene yi re, inane lagokhogo ikhi logolik, at ekhe nen awi yatik, at ekhe nen enggen palhik, agarek iluk ili'lagwi andi eberogo aro.

YOHANES 5:20

An neisena nen he, amlogo ap endawinggen hundik mondok logolik, at ebe nenat yi mene ti mene hilingiterek mene mondogat yaganetunem yogondak hilingitunem hineilenggen neegep andi re, endebat hak meneat he, hobuk hit fogerasuageluk yaganetunem hokho mene hilingitunem hit hineilenggen neogoin oba weregaro.