YOHANES 14:1 - Allah Wene Fano Wene Hupla Inane

¹ At Yesus nen wene a'nogo yagaisasikhesik, hobuk he, ekhe mel yagaisasikhe: ”Nagainafuri, hit hinendawimo nen he, Eige, iluk hinendawinggen firogo logogubo. Hinendawinggen Allahba himbiret figik, an noba himbiret figik, ikhi logogin o.

YOHANES 14:1 Referans Kwoze

YESAYA 26:3

Tuhan, ap endawinggen hambuksek mene andi re Hat hoba endawinggen eberogo anggaluk hilingitunem he Haren at oba endawinggen hambukhogo, ailo legengge logouwageluk wogeti lagen.

YOHANES 12:44

It a'nogo hilingiti lagaukwa meneat he, at Yesus nen ane hokhorogo yagaisikhi logolik he, mel yagaisasikhe: ”At sa nen endawinggen an noba himbiret fagain halok he, an noba himbiret fagain fuk. Lego. We, an laknobagai wagaikhe mene a'nogo oba endawinggen himbiret fagain o.

YOHANES 6:40

neisena endawimo anggikherego. A'nogo anggikhi logolik, afuni nen Allah amlogo nebe yi ineilenggen niigik, inendawinggen noba eberogoat himbiret figik ugu halok, inebe lombok ineluk mondok logouwageluk, o wurep oba an nen inelugerinabuageluk endawimo anggikherego,” iluk yagaisasikhe.

MAZMUR 43:5

An nendawimo warikhi logolik, fenggekhugu mondok logogin andi re nenahalok nogo? Haren telnabigin iluk hoba eberek logogin. A'nogo telnafunem hobuk neisena Allah telnafendek mene hai wathafik, fogethafik, iginat anggikhi lagi o, iluk wuni watikhe.

1 PETRUS 1:21

Ebe wa'lagaikhemo Allah nen eluget fembik fogerati logouwageluk menfesikhemo, hinendawinggen Allahba eberogoat himbiret fuluk, ”Hobuk aren fanotninabigin,” iluk oba eberek welagep andi.

YOHANES 13:19

Wene andi hobuk arat eberogoat hilinglaga halok, at etok mondok welagarek mene a'nogo araro, iluk futnobagaigen iluk, yogondak wene andi oan hilinglagi'lek werek kwelek abok yagahisigi o,” iluk yagaisasikhesik he, wene ekhe mel yagaisasikhe:

EFESUS 1:15

Andi nen he, hit hinendawinggen Tuhan Yesus oba himbiret fuluk, Allah againafuri ekhe mondogat hinendawirogo hilingiti lagep mene andi, afuni ekhe nen hinabok ugunem nesanggo holhi.

YOHANES 12:27

At Yesus nen wene a'nogo yagaisasikhesik he, samban ekhe mel isikhe: ”Neisena, an yi enggin ti enggin hagain andi nen, yogondak nendawinggen mondok heiseli'logo andi re, haren nebe telnabin o, iluk yagahesu meneat he, a'nogo hilingnabuagelugat wagagisi'mo andi nen he, a'nogo igin lego, Neisena,

2 TESALONIKA 2:2

Ninoe Enupogot wesigin andi sambul arat hilinglagama iluk, it afuni ekhe nen he: ”Allah Areagun en yi'nogo yaganete meneat,” iluk yagahisigik, it ekhe nen: ”Wene ebe yi'nogo meneat,” iluk yagahisigik, it ekhe nen, wene niren lisu palho mene faget: ”Ebe yi'nogo meneat,” iluk yagahisigik ili'lagwi andiba, hinendawinggen weak-weak nonghong imbik leil watep hanogoluk yagahisigi andi.

2 KORINTUS 2:7

Hobuk he, at weak hilingitikhe mene andi, endawimo mondok weak asimbik, ebe weak asinogo iluk he, endawimo fano asuageluk weak hilingitikhe mene hiren sebelogo herakfisaluk, endawinggen sebelino.

YOHANES 11:33

it afuni Yahudi mene Maria ombo'ne wagaukwa mene omanogo inomat le agunem, at Yesus nen eilenggen isasikhesik, it endawi nen endawinggen heiselhikhemo re, inoba heinok wogisikhi logolik he, mel yagaisasikhe.

YEREMIA 8:18

Nendawinggen mondok heiselhi logolik weimen kurinafunem hangge hilingnabi'logo, Nendawimo heiseli'lago mene andoma re fano hilingnabu lek hak ari'lago.

YOHANES 16:3

Iren a'nogo hilinghinabugun andi re, an neisena nemberek ninebe inonggot andi nenat hilinghinabugun o.

MAZMUR 77:10

At Allah nen endawi hundik hilingninaferek mene a'nogo re onggot agama hea? Athe a'mage lagaikhesik nit ninoba endawit ninaferek mene a'nogo herak ninobagaikhe hea?” iluk ebetu welagi o.

YOHANES 16:6

An nen wene yagahisigi andi nen, hit hinendawimo mondok weak aga meneat he,

YOHANES 16:24

O attagaren huli yogondak huli, an nenu hombuk palogo yi mene ti mene ekhe kino igi'lek welagepma o. Halok he, hinendawimo hinagaiyek hokhorogo asubagaigen he, at kino yagati logoino. A'nogo yagati logoumo, wokhisikhi logogin aro,” iluk yagaisasikhe.