YOHANES 13:15 - Allah Wene Fano Wene Hupla Inane

¹⁵ An nen hit hilinghinafi andi hak, hiren an nobabut waganogo a'nogoat hilingiti logobagaigen iluk yagahisigi o.

YOHANES 13:15 Referans Kwoze

MATIUS 11:29

An nasungge kwalek su a'le sakhore'ma re, fano kwalogo wokhisamo se weagat hogoin andi nen he, hinomoloba waluk, an nobabut enago logolik inawe a'ma hak welagirek a'nogo furogo yagaisilik nikhi logoino o. A'nogo nikhi logogun halok, hinendawinggen hambuk igin o,” iluk yagaisasikhe.

1 YOHANES 2:6

Nen, ap sa nen, ”An Allah nemberek hundik welagi,” iluk ikherek halok he, obabut at Kristus hilingiti lagaikhe andi hagat hilingiti logouwago.

1 PETRUS 2:21

At Kristus ebe hit faget yi enggin ti enggin hilik-hilik wa'lagaikhe andi nen, hit ogo re, at obabut waganogo yi enggin ti enggin hoagelugat Allah nen hinayonggo fesikhe andi.

EFESUS 5:2

Afuni nen yi mene ti mene Allah faget fisaluk, ebe warogo endu noletunem, Allah endawimo fanorogo amben fano mene liageti lagaukwa andi hak, at Kristus nit ninebe endawitninafikhesik he, ”It faget an nebe noasuago,” iluk anggasikheba ebe watukwa andi nen Allah endawimo fano agaikhe andi hak, nit-nit nendawi-hendawirogo hilingiti logouwogo.

ROMA 15:5

Hit hinendawinggen, hinane, misigat logolik, ninoe Enupogot Yesus Kristus eisena Allah andiat fogerati logobagaigen he, at Allah nen afuni inobabut inafe morogo logouwageluk hilinginafik, inendawimo fanorinafik, ikherek mene andi nenat, hit mondogat hinendawinggen misigat, at Kristus Yesus obabut hangge hilinghinabuago.

1 PETRUS 5:3

Allah againafuri kwelaginarek logouwageluk sumburogo wokhisasikhe andi kwelaginarek logolik, hinebe kain hak logolik, set kwil-kwalhogo hilinginafi logogup. We, hit fano hilingitunem ineilenggen hisaluk hinobabut waganogo hilingiti logouwageluk, fano hilingiti logoino.