YOHANES 12:44 - Allah Wene Fano Wene Hupla Inane

⁴⁴ It a'nogo hilingiti lagaukwa meneat he, at Yesus nen ane hokhorogo yagaisikhi logolik he, mel yagaisasikhe: ”At sa nen endawinggen an noba himbiret fagain halok he, an noba himbiret fagain fuk. Lego. We, an laknobagai wagaikhe mene a'nogo oba endawinggen himbiret fagain o.

YOHANES 12:44 Referans Kwoze

MATIUS 10:40

”At sa nen hinebe wokhinabigin halok he, an nebeat wo'nabigin o. Nen, an nebe wo'nabigin andi, an neisena laknobagai wagaikhe mene a'nogo ebeat wanigin o.

YOHANES 13:20

”At sa nen, afuni an nen lakfisagain mene woginafe halok he, anat wo'nabigin o. Nen, at sa nen an wo'nafe halok he, at an laknobagai wagaikhe mene a'nogoat wanigin o, iluk eberogoat yagahisigi,” iluk yagaisasikhe.

YOHANES 5:24

”It afuni ekhe nen an nane inesanggo holfuluk, inendawinggen an lak nobagai wagaikhe mene a'nogo noba eberogoat himbiret fogoin halok, afuni wa'la'luk lagaikharek ero herakfisaluk, ineluk mondok logogun mene eroba arat wagaikhesik werego. Ineluk mondok logogun mene eise agaikhasik werek andi nen he, hobuk wene inoba fagain lego, iluk eberogoat yagahisigi.

MARKUS 9:37

”Sa nen yenggerek yi hangge mene misigat ekhe an faget wanhe halok he, an nebeat wo'nabigin o. Nen, sa nen an nebe wo'nabigin halok he, an nebe wo'nabigin fuk. Neisena laknobagai wagaikhe mene a'nogo ebeat wanigin o,” iluk yagaisasikhe.

1 PETRUS 1:21

Ebe wa'lagaikhemo Allah nen eluget fembik fogerati logouwageluk menfesikhemo, hinendawinggen Allahba eberogoat himbiret fuluk, ”Hobuk aren fanotninabigin,” iluk oba eberek welagep andi.

YOHANES 7:28

A'nogo ikhi lagaukwama, at Yesus Allah awi wuri'mo wene ane hokhorogo yagaisikhi logolik, mel yagaisasikhe: ”An nebe inom, nebe o andoma nen waga iluk inom, hit hinelu nogo? An wagagi andi re, an nendawimo nen anggaluk wagi lego. We, At ane eberogoat mene nek ikherek mene a'nogo nenat laknobagai waga meneat he, At ebe hit hinonggoro.

YOHANES 11:43

hobuk ane hokhorogo ikhe logolik he, mel yagatikhe: ”Lazarus. Wulibime o,” iluk yagatikhemo,

AMSAL 8:1

Hebelek mene nen ane hokhorogo humerik lagunem he, endawinggen kagalek mene nen ane legeri'lago andi holini!

AMSAL 1:20

Yago, endawinggen kagalegen ebekhekwe wolinafu mene inom, o silikwe ane kwetu mene inom andoma holini!

MARKUS 9:23

A'nogo yagatikhemo re, at Yesus nen he, mel yagatikhe: ”Haren he, elok hilingisigin halok he, hilingisin, iluk yaganeten andi nenahalok. Afuni inendawinggen Allah oba eberogo himbiret fuluk yi mene ti mene elok hilingisigin enego,” iluk yagatikhemo,