YOHANES 12:42 - Allah Wene Fano Wene Hupla Inane

⁴² Wene a'nogo isikhemo lisu palek werek meneat he, it ap kaindek Yahudi mene fenakwe inebe hokhorogoat, inendawinggen Yesus oba himbiret fesukwa meneat he, iren he, yi'nogo hilingiti lagaukwa. It ap Farisi mene nen o samban agarek oba nen ninengggi lisogo wulak ninobagainogo iluk he, ninendawinggen Yesus oba eberogoat himbiret fogo iluk afuni ineilhanem fakhogo ikhi lagaukwa lek.

YOHANES 12:42 Referans Kwoze

YESAYA 51:7

Yago, hit An nunggulenu mene oma re, An nane ikhi lagi mene andi holini o, hit he eberogo mene re ninggi'nogo iluk he hinelu welagebo. An nen wene yagahisikhi lagi mene re hit hinendawimo fisogo welagebaro. Afuni nen puliat hinafu halok he hinailosu fugo, iren li'not hinafu halok he hinoba sinurogo logou fuk.

YOHANES 9:22

A'nogo yagaisasukwa andi re, it ap kaindek Yahudi mene nen, ikhi logolik he, ”It afuni inebe lombogen, ap yi re, Allah nen nit afuni telninabuageluk lakfei wesigin isikhe a'nogo Kristus ebe yi aro, iluk fakhogo ugu halok he, oloba samban agarek oba nen lisogo wulak fisouwogo,” iluk wene palhukwa mene werek andi nen he, ap andi eisena agaisa it ap kaindek Yahudi mene inailo nen he,

YOHANES 7:13

A'nogo isukwa meneat he, it ap kaindek Yahudi mene inailo nen he, inane weinamhogo Yesus abok igi'lek, we nguluk habuk enek isukwa andi.

AMSAL 29:25

Aben ugu mene faget hailoti logogin mene halok he weak mene ambisangma hoba asigin, nen Tuhan oba hendawinggen tiphogo logogin halok he hat hobuk hili waganek logogin.

MATIUS 10:32

A'nogo yagaisasikhesik, ekhe mel yagaisasikhe: ”Sa nen, Yesus andi an noe o, iluk, afuni ineilhanem ane fakhogo ugu halok he, an nen ogo re, at andi An nagoro, iluk neisena pogoroba mene eilhanem, nane fakhogo igin aro.

1 YOHANES 4:15

Ap sa nen, ”Yesus andi Allah amlogo,” iluk fakhogo yagaisikherek halok, at Allah nen at emberek hundik mondok, nen, aren Allah emberek hundik mondok, welagaikharego.

1 YOHANES 4:2

Hiren he, ”At andi Allah Areagun endawimo werega? Hunogoat mene werega,” iluk inobabut tak palhi logogun andi re, yi'nogo. It ekhe wesimbik he, ”At Yesus Kristus andi, Allah nen lakfei wagaikhemo eberogoat abat ta'lasi wagaikhe,” iluk fakhogo agarek mene nen ugu halok, hiren he, ”It andi Allah Areagun inendawimo logolik ili'lagwi,” iluk, futfisikhi logoguno.

ROMA 10:10

Afuni inendawinggen Allah oba himbiret fugunem he, aren wene inoba mene korogo wokhaluk, hobuk inambotkwe at inom hunogo fisikherek. Nen, inambeba nen, at abok fakhogo ugunem he, telinaferek andi.

KISAH PARA RASUL 5:41

Wulakfisasukwama, it ap wene ero pilingiti lagaukwa mene omanogo herakfisaluk wulifukwasik, it-it ikhi logolik he, ”Allah nen he, hit Yesus enu faget afuni nen, hit weak, iluk wenakhisamo elok, iluk endawimo anggikhe higithogoat wena'nisaga andi fano,” iluk inendawimo inagaiyek agaukwasik wulifukwa.

YOHANES 19:38

A'nogo hilingitukwama, ap Yusuf, awi o Arimatea mene, Yesus agot agaikhesik meneat he, ap Yahudi mene ailo nen he, ane hinagaisogo wanhi lagaikhe mene andi nen, Yesus warek wanigeluk ap Pilatus kino yagasi lagaikhe. A'nogo kino yagatikhemo, at Pilatus nen he: ”Io. Fano,” iluk yagatikhemo, at Yusuf en Yesus warek a'nogo wani wagaikhe.

YOHANES 16:2

Afuni nen o samban agarek oba nen hit hinenggi lisogo wulak hinobagagunaro. Nen, hobuk it afuni hit hinoasugun mene inebe lombok inendawimo nen he, Allah faget fano inoato, iluk, ugun mene werek aro.

YOHANES 11:45

A'nogo hilingitikhemo, it afuni Yahudi mene inebe hokhorogo Maria oba wagaukwasik welagaukwa mene omanogo, at Yesus nen hilingitikhe mene andi ineilenggen hasukwasik he, it fena hokhorogoat inendawingen Yesus oba eberogoat himbiret fesukwa.

YOHANES 9:34

iren he, mel yagatukwa: ”Hat hobabut weagat ta'lagagindik, weak mondok hilingiti lagen meneat he, haren wene nit yaganisa hak nogo? Mondok elo'lego,” iluk yagatukwasik he, o samban agarek oba nen enggi lisogo leget enda'ma wulakfisa wagaukwa.

YOHANES 3:2

At ap andi o hubanggo inenggi ekhe sambul Yesus oba wagaikhesik he, mel yagatikhe: ”Guru noe. Ap ekhe Allah emberek hundik lek halok he, haren elalin mene hilingirik nikhi lagen andi hak, hilingisu mondok elo'lego. Andi nen he, haren wene yaganisoageluk Allah nen lakhobagai wagama wagen, iluk ninelu ago,” iluk yagatikhe.

LUKAS 12:8

A'nogo yagaisasikhesik, ekhe mel yagaisasikhe: ”Ap sa nen, Yesus andi an noe o, iluk afuni ineilhanem fakhogo ugu halok he, An Abat ta'lasi wagagi a'nogo nen ogo re, At yi an nagoro, iluk, it malaikat Allah nen yonggo lakfisa wagarek mene omanogo ineilhanem nane fakhogoat yagaisagain o.

LUKAS 6:22

Nen, it ap yoma inambu-inombalagen, it ap attak Allah ane yagaisikhi lagaukwa mene hilinginafi lagaukwa hagat, hit yogondak an abat ta'lasi wagagi a'nogo nane wanhep andi nen inapsiri wathinobagakhi logolik, hit enek fologo hinobagagik, inane puk weak wenakhisigik, ap yi weak, iluk hinenu ikhi logolik hinabok weak palhik, a'nogo hilinghinafu halok, onggo wokhisagain mene pogoroba hokhorogo werek andi nen he, hinendawimo hinagaiyek hikhi logolik hu'lenggen wuni wati logoino.

YESAYA 66:5

Yago, hit At awene melalek faget inailorogo welagik, ane hologo hilingitik, hilingitu welagep mene yoma sani, Tuhan ane ikhe mene hologo hilingiti logoni o. Hit hinendawinggen An noba himbirik logolik tiphogo hilingiti lagep oba, hit hinunggulenu mene inanggele'ma nen inabithinafi logolik, hinom seberogo hilingitu aple ogore mondok inabit weregat. Iren hit hinoba li'not hinafi logolik yi'nogo ili'lagwi, ”Hit hinagaiyegen hilingitu mene andoma nit nineil hogoin nen he, Tuhan Omame Mondok hokho werek mene a'nogo inukhoago,” iluk ili'lagwi. Oba nen he it inonggwaregat inenggali asugun o.

YESAYA 57:11

Tuhan nen ikhi logolik, ”Sa nen tugwi kembu andomaba hinailo mene hilingfugunem hiren hineranen wene ikhi logolik An noba ebetniikhi lagep lek nogo? An nane igi'lek aloksek welagi andiba hiren An fogetnafi lagep lega?

YEREMIA 38:19

A'nogo igimo re at raja nen onggo ikhi logolik, ”An he ap nit meneba nen ap Babel mene inebikhit asi lagaikha mene andoma inoba nailo nen hilingiti lagi o. Andi re an nebe it wogisili'lagunem iren an nebe weaget nabinogoluk hilingiti lagi o,” iluk ikhe.

LUKAS 23:13

Nen, at Yesus waluk lagaukwama re, at Pilatus nen, it ap Allah eisewerek mene inogogwi kaindek inom, it ap Yahudi mene kaindek inenu werek mene ekhe inom, inagoromi mondogat inom, ”Andogosi we'ni o,” isikhemo wagaukwama re,

YOHANES 7:31

It ekhe nen fakfouwogeluk ikhi lagaukwa meneat he, it afuni hokhorogo omanogo inebe fena hokhorogoat inendawinggen Yesus oba eberogoat himbiret fesukwasik mel isukwa: ”Ap ari elalin mene hilingite andi re, elo'lek anggegep? Nen, afuni telninabuageluk Allah nen lakfei wesigin isikhe a'nogo wesimbik he, ebe futfouwageluk elalin mene hokhorogoat hilingisigin nogo? Lego,” iluk isukwa.