YOHANES 12:2 - Allah Wene Fano Wene Hupla Inane

² Wagaikhemo it afuni andoma a'nogo nen ahenengge isatukwama, he Marta nen sumburu sumburisugu kwelek, Lazarus inom, afuni inayonggo fesukwa mene inom, Yesus inom nasukwa.

YOHANES 12:2 Referans Kwoze

WAHYU 3:20

Yethani! An nebe kweba mendek logolik, kwe ane papaget hikhi lagi o. A'nogo papaget hugunem, sa nen nane esanggo holimbik he, kwe hutneagain halok, an at oba kwi wesimbik he, sumburu ninggi logolik nagailak-hagailak higit nemberek hundik logogun o.

LUKAS 22:27

Hit hinendawimo nen he, ap sa hak kain werek anggegep. At ap hurek logolik sumburu nili'logo mene andi a? Athe, amingmingengge mene nen, at oe noageluk wogosi weri'logo mene andi a. Lego. Kain he, at hurek logolik sumburu nili'logo mene, andi aro. A'nogo meneat he, an hit ninom logolik hinamingmingengge hak hilingiti lagi o.

MARKUS 14:3

Weim abok a'nogo ugu kwelek he, at Yesus lak o Betania lagaukwasik, ap Simon oumo henanggo hangge inailo mene fageat ebene welagaikhe mene andi aiba kwisikhesik logolik, sumburu nouwogeluk hu'lagaikhe. Hu'lagaikhesik were'ma, he ekhe nen iwak enu pualam mene hilingik meneba amusu amben fano mene onggo hokhorogo palogo elema hinagaisogo waluk Yesus oba kwisikhe. Oba kwisikhesik he iwak a'nogo ambe obakhe sikhiphogo, amusu Yesus ungguloba kweisalogo pelafikhe.

LUKAS 14:12

A'nogo yagaisasikhesik he, at Yesus nen ap awi eisewerek ayonggo fesikhe mene a'nogo yagati logolik, ”Linggene a? hu'mokwe a, haren afuni hinom sumburu misi'mo isago nouwogeluk halok he, hat hinom hundik mene inom, hagaila'lak mene inom, hogogwi hagoromi mene inom, kaindek inenggi werek hinom welagep mene andoma inom, inayonggo fugun o. A'nogo hilingiten halok he, hobuk it ekhe seni isati logolik hat hayonggo foumo, onggo wurabeten hanogo.

LUKAS 12:37

At kain a'nogo amingmingengge mene omanogo inoe yerogo were'ma ebe waga logoumo re, inendawimo inagaiyek hokhorogo anggogoin o. A'nogo yerogo were'ma wesimbik he, at inoe a'nogo obakhe hele pukhogo, agoromi omanogo isago noageluk inebe misi'mo lambukhogo hutfisambik he, aren sumburisagain o, iluk yagahisigi,” isikhe.

LUKAS 5:29

Lagaikhesik he, at aiba Yesus faget hokhorogo isatikhe. A'nogo isatikhesik he, afuni hokhorogo uang pemerintah faget kino iluk wanhi lagaukwa mene inom, afuni fena inom, at inom hu'lagaukwasik sumburu misi'mo ninggi lagaukwa.

MATIUS 26:6

A'nogo isukwasik werek kwelek, at Yesus o Betania ap Simon oumo henanggo hangge inailo mene attagaren ebene welagaikhe mene andi aiba andoma kwisikhesik were'ma,

KIDUNG AGUNG 4:16

Sogoi abel utara fikhit mene yi, heluk ame o, nen sogoi selatan fikhiren eme o! Waga logolik, an neabu waganekwe andoma funhame, a'nogo hilingisigin oba amben enek sang-bang uakhogo. A'nogo hilinglagunem an nendawi hundik mene a'nogo at eabumo andoma we'luk, agayonggen enduk fano mene andoma na wesigin fano o.