YOHANES 11:7 - Allah Wene Fano Wene Hupla Inane

⁷ A'nogo welagaikhesigen, at agoromi wanhi lagaukwa mene omanogo yagaisikhi logolik he, ”Nit ninambotkwe o Yudea puogo,” iluk yagaisasikhe.

YOHANES 11:7 Referans Kwoze

KISAH PARA RASUL 15:36

O andoma inenggi ekhe inom welagaukwasigen he, Paulus nen Barnabas yagati logolik he, ”O yi awi ti awi Wene Fano ane yagaisilik lagoba omanogo hobuk louwok. Laga logolik he, Allah againafuri ninerugwi ninagaila'lak omanogo ninggi'nogo werek iluk, o sili lombok nineilenggen isilik louwok,” iluk yagatikhe.

LUKAS 9:51

A'nogo yagaisasikhesik he, at Yesus ebe Allah nen pogoroba liakfagain arat higit asi wagaikhemo re, at endawimo nen, o Yerusalem pigin, iluk ninghogo menenei ebetikhesik he, kwe wanhikhe.

MATIUS 2:1

At Yesus a'nogo, o Propinsi Yudea o Betlehem ta'lagaikhe. Ta'lagaikhe andem sambul he, o andoma kain enupogot he, ap enu Herodes andi welagaikhe. Were'ma re, it ap inendawimo kagalek mene hesagal futfikhi lagaukwa mene ekhe o mo eroma nen yegelogo lagai wagarek andoma higiren o Yerusalem wagaukwa.

YOHANES 11:6

”At Lazarus oba ou werek,” iluk yagatukwama, esanggo holhikhe meneat he, eranen o welagaikheba andoma kamo isikhesik, enggi pire welagaikhe.