YOHANES 11:6 - Allah Wene Fano Wene Hupla Inane

⁶ ”At Lazarus oba ou werek,” iluk yagatukwama, esanggo holhikhe meneat he, eranen o welagaikheba andoma kamo isikhesik, enggi pire welagaikhe.

YOHANES 11:6 Referans Kwoze

YESAYA 30:18

A'nogo hilingitu kwelek oba nen Tuhan nen endawi hundik hilinginaferek mene a'nogo hit hinoba inuk hisagain iluk nenangot hisikhi logolik werek. Hit endawi hundik hilinghinabigiluk fik-fouksek logolik werek. Andi re At Tuhan he ebe Allah tiphogo mondok hilingiterek mene hilingi'mo re, ap At oba inendawinggen tibet fuluk logogun mene re inagaiyekhogo logouwago.

KEJADIAN 42:24

A'nogo hilingitukwasik, at Yusuf a'nogo it aremnogo herakfisaluk le asi lagaikhesigen he nekhengge ane u hak agaikhemo nek he, it inambit wagaikhe. Wagaikhesik it ori omanogo ineilhanem at Simeon a'nogo senegeisogo enggi hele wasuageluk, yagaisasikhe.

KEJADIAN 22:14

A'nogo noletikhesik, o andoma enu re, mel salhikhe: ”Nineisena Tuhan nen, afuni yi mene ti mene le'ma wogisikherek oba,” iluk enu salhikhe. A'nogo salhikhe andi nen, huli yogondagen ogo re, ”Nineisena andom oba afuni yi mene ti mene le'ma wogisikherek oba,” iluk agaregat.

YOHANES 11:5

At Yesus nen, he Marta oe inom, Lazarus inom, endawinggen hundik welagaikhe meneat he,

YOHANES 11:7

A'nogo welagaikhesigen, at agoromi wanhi lagaukwa mene omanogo yagaisikhi logolik he, ”Nit ninambotkwe o Yudea puogo,” iluk yagaisasikhe.