YOHANES 11:15 - Allah Wene Fano Wene Hupla Inane

¹⁵ A'nogo wa'laga meneat he, hit hinendawinggen an noba eberogoat himbiret fobagaigen iluk, an andoma pigi'lek kamo igi andi, hit faget nendawimo nagaiyek anggikhi lagi o. Halok yogondak nit Lazarus ambit puogen we'ni o,” iluk yagaisasikhe.

YOHANES 11:15 Referans Kwoze

2 TIMOTIUS 2:10

Andi nen he, it afuni ekhe Allah nen wenaginafikhe mene halok, Kristus Yesus inom hunisumo inebe telinafik, ineluk fano mondok logouwageluk fanorinafik, uageluk he an a'nogoat weagetnafu kwelek nafe morogo welagirek andi.

YOHANES 17:19

It inebe hat honggwarek faget ebe weneba tegelek logouwageluk he, an it faget nebe tegelogo fisigirik welagi o.

YOHANES 12:30

A'nogo isukwama, at Yesus nen he, mel yagaisasikhe: ”Ane ugunem hinesanggo holhep andi re, an faget fuk. Hit faget ikhe o.

YOHANES 11:4

at Yesus yagasi lagaukwama, esanggo holhikhesik he, mel yagaisasikhe: ”Ou oba agama werek andi nen ebe wa'lasigin fuk, we an nen higitunem afuni nen Allah ebe fogeratik, amlogo an fogetnafik, uageluk ou oba aga andi o,” iluk yagaisasikhe.

YOHANES 2:11

At Yesus ebe futfouwageluk elalin mene ekhe hilnigiti'le'ma attak hilingitikhe re, o Galilea o sili Kana logolik hilingitkhe andi. A'nogo hilingitikhe andiba, at fogeratarek mene inelurogo yagaisasikhemo, it at agoromi ane wanhi lagaukwa mene omanogo Yesus ebe futfesukwasik, inendawinggen at oba eberogoat himbiret fesukwa.

YESAYA 65:8

Tuhan nen ikhi logolik, ”Anggur amusu lek agi'lek werek mene re hugisagarek lek andi hak he An nunggulenu mene andoma inanggele'ma nen it An nobaget hilingiri'lagwi mene ogore werek andi nen he, An nen mondogat leget fisagain lego.

YESAYA 54:15

Afuni ekhe nen pin talogo hoasi kwi wagu halok andi re, An nen yagaisamo re fuk, we ap sa nen hinoasi kwi wesugun iluk wesugun mene re inomame lek enek aga logogun.

1 YOHANES 5:13

Hit hinendawinggen Allah amlogo oba himbirik welagep mene halok hinendawimo nen he, ”Nabulal-habulal eise agosik welago,” iluk, hinelu asubagaigeluk, wene mondogat yi lisu palogo hinoba lakfei wagio.

2 KORINTUS 4:15

Nit yi enggin ti enggin mondogat hikhi lago andi re, hit fageraro. A'nogo hikhi lagoba, at Allah obabut fano mondogen afuni ekhe endawiratik, ekhe endawiratik, inebe hokhorogoat lambulik endawirinafi logolik telinafunem he, inebe hokhorogoaren, Allah hai wari'lagwi andiba, it ekhe nen Allah fogerari'lagwio.

MAZMUR 105:14

A'nogo nugunem it afuni ekhe nen yi enggin ti enggin inoba fouwageluk, Tuhan nen herakfisigi'lek elele woginafi lagaikhe. Aren he ap inogogwi raja-raja omanogo inelurogo yagaisikhi logolik:

KEJADIAN 39:5

Eabu wogotikhemo, huli andi nen, At eisena Tuhan nen Yusuf alisikhogo ap aiba Mesir mene a'nogo againafuri inom inebe fanorinafik, angge yi mene ti mene oloba mene inom, yabu kwe yago mene inom, fanotfigik, ikhi lagaikhe.

KEJADIAN 26:24

Wagaikhesik hup a'nogo sambul nineisena Tuhan at elokhoma weinam asi wagaikhesik yagati logolik, ”An nen attak namingmingengge Abraham oba wene abok wene warogo yagatigimo hat he hailo asu fuk. Heisena Abraham eisena Allah Nebe An. An nenat fetharek welagik, fanot hobagagik, hat herembul oba mene ta'lasuageluk hokhorogo wokhetik hilinghafi logogin,” iluk yagatikhe.

YOHANES 11:14

Inendawimo a'nogo anggasukwa andi nen he, at Yesus nen wene fakhogo mel yagaisasikhe: ”Lazarus ebe arat wa'lagama o.

YOHANES 11:16

A'nogo yagaisasikhemo, ap enu Tomas igik, Hulipmio igik, agarek andi nen he, agaila'lak Yesus agoromi fena omanogo mel yagaisasikhe: ”Yesus ninomat wa'lasuogen he, puogen we'ni o,” iluk yagaisasikhe.