YOHANES 11:11 - Allah Wene Fano Wene Hupla Inane

¹¹ hobuk ekhe yagaisikhi logolik he, mel yagaisasikhe: ”Nit ninagailak Lazarus a'nogo arat nogo ikhemo, meneat he, an nen at nogo ugunem eluget fei lagain o,” iluk yagaisasikhe.

YOHANES 11:11 Referans Kwoze

DANIEL 12:2

Nen, it inanggele'ma nen afuni hokhorogo wa'lagaukwa mene omanogo nekhengge ineluk menlasugun, menlasimbik fenakwe re ineluk mondok-mondok mene a'nogo hikhi logolik logogun, nen fenakwe re anggolo hunarerogo heinet hokho mene wali logolik mondok-mondogat logogun.

YOHANES 11:13

at Yesus nen Lazarus ebe arat wa'lagaikhemo nen isikhe meneat he, it inendawimimo nen he, eberogoat nogo ili'logo nen ikhe, iluk, inendawimo anggasukwa.

1 TESALONIKA 5:10

At Yesus ebe nit faget ninom nineluk mondok logouwogeluk wa'lagaikhesik he, hobuk wesigin andi, ninebe wa'lasumo wesigin he a? Nineluk were'ma wesigin he a. Fano nek. At ebe wesimbik, ninom nineluk mondok logogun andi.

1 KORINTUS 15:51

Meneat he, wene Allah endawimo mene yi yagahisak. Nit ninebe mondogat wa'lasugun lek meneat he, ninebe lombok hunogoat hilingninabigin o, iluk eberogoat yagahisigi.

KISAH PARA RASUL 7:60

A'nogo ikhi logolik, eindep awi yagaisogo hu'lagaikhe. Hu'lagaikhesik, ane hokhorogoat he, mel isikhe: ”Noe. Ap an weagetnafa mene yoma, wene inoba fugun o,” iluk yagatikhesik ebe arat wa'lagaikhe.

MATIUS 27:52

afuni warek mene kweangma salinafarek mene omanogo erabisagat kwe hu'larik laga logolik he, Allah againafuri wa'lagaukwa mene inebe hokhorogoat salinafukwa kwe nen ineluk agaukwasik menlarik lagaukwa.

EFESUS 5:14

A'nogo selek oba fugunem enegat a'luk he, selek agarek andi nen he, mel agarek andi: ”Hat nogo ikhi lagen andi, hebe menlame o. Nen, warek hangge welagen andi, helugame o. At Kristus nen selegethabigino,” iluk agarek andi.

MARKUS 5:39

Lagaukwasik, at Yesus ebe oloba kwisikhesik he, mel yagaisasikhe: ”Hit he, le ngai-wai aga lagep andi nenahalok. Helenggerek andi wa'lagi'lek, we, nogo ili'logo,” iluk yagaisasikhe.

MATIUS 9:24

mel yagaisasikhe: ”Helenggerek andi wa'lagi'lek. We, nogo ili'logo. Halok he, wulibi lani o,” iluk yagaisasikhe mene re, it afuni hokhorogo omanogo nen he, endo hokhorogo agaukwa.

KELUARAN 33:11

A'nogo fogeratu kwelek, At nineisena Tuhan Musa emberek afuni inagaila'lak inom weneane inelokhe yet-yet agarek andi hak ikhi lagaukwa. A'nogo arat uluk, at Musa aiba su mene wuri'mo waga lagaikhe. A'nogo meneat he, ap alage Musa lebethikhi lagaikhe mene, Nun amlogo enu Yosua andi nek he, o Allah awi su tenda mene wuri'mo a'nogo oloba mondok welagaikhe.

YAKOBUS 2:23

A'nogo hilingitikhe andiba nen wene mel iluk lisu palogo fesukwa mene andi ebe agaikhe, ”Abraham endawinggen Allah oba himbiret fesikhemo re, at Allah nen he, Hat hobabut higithogo hilingiti lagen hak, hendawinggen noba himbiret fegenma, wene hoba mene korogo wokhigirik hambotkwe nemberek hunogo hobagagi andi aro,” iluk yagatikhemo lisu palogo fesukwa. Andi nen he, Allah nen, ”Abraham, An nare,” iluk isikhe andi.

1 KORINTUS 15:34

Weak hilingiti lagep mene andi herakfisaluk he, yogondak hinebe hebela'ni o. Hit ekhe Allah ebe hinonggot welagep andi nen, hinenggali wasigeluk yagahisigi andi.

1 KORINTUS 15:18

Andi hak, it ekhe Kristus inom hundik logolik wa'lagaukwa mene andi re, nong a'lep aro.

YOHANES 11:3

it hemi inebe pire oe agot emberek inerei oba ou andi nen he, Yesus yagasi loageluk, afuni inoba wene warogo lakfisikhi logolik he, mel isukwa: ”Noe. Lazarus hendawinggen hundik mene a'nogo oba ou hunitesik werego,” iluk wene warogo lakfisasukwama,

YOHANES 3:29

Nen, ap ekhe agwe ikhikhe halok he, he andi ebe agun ap andi aro. Nen ap agwe ikhagain mene werek andi agailak ekhe era'lu mendek logolik, at ane ugunem esanggo hologo logolik endawimo nen agaiyek hikherek hak, an yogondak a'nogo nendawimo nagaiyek hokhorogo hikhi lagi o.

YESAYA 41:8

Oba nen, Hat Israel he An namingmingengge mene o, nagainafuri An nen wenagaisogo fakhasigi mene, hat hebe re An nagailak, Abraham ambisangma mene welagen.

2 TAWARIKH 20:7

Nit nineisena Allah re we Hat hamu nek welagen. Hat hagainafuri inunggulenu Israel mene o kweang yomaba wagunem aremnogo re, Haren afuni o yoma welagaukwa mene omanogo mugusogo wulakfisasigin. A'nogo wulakfisasigindik he o kweang yi at Abraham Hat hare a'nogo ambisangma mene hundik-handik mondok-mondogat andoma it inangge a'luk logouwageluk wogisasigin.

ULANGAN 31:16

A'nogo menlagaikhesik, Musa ba yi'nogo yagatikhe: ”Hat hebe horogat wa'lasigin o. Wa'lagunem he, afuni inunggulenu Israel mene nen he, An obokhogo heraknobagambik, An nen wene warogo woginafigimo, iren he, nit hagainafuri logogun, iluk isukwa mene andi, herakfisaluk he, inenggi ekhe inom welagi'lek, o it sebeli kugun oba andoma logolik, it afuni andoma mene nen amu mene faget, Nineisena ebe andiat, iluk fogeratarek mene andi fogerati logouwogeluk, An obokhogo heraknobagaluk wulibugun o.

2 RAJA-RAJA 4:31

A'nogo yagatikhemo, emberek wagu kwelek, at Gehasi it hobugetfisaluk Elisa arige tomuk a'nogo yenggerek a'nogo oba feigiluk attak-attak wagaikhesik, sige tomuk a'nogo yenggerek a'nogo oba fesikhe meneat he, yenggerek a'nogo abolok igi'lek, eluk agi'lek, inendawi wenggelogo, yi'nogo ti'nogo ekhe hilingiti'lek, weregen he, at Gehasi a'nogo hobuk ambotkwe Elisa oba lagaikhesik, mel yagatikhe: ”Yenggerek a'nogo re, ebe eluk aga mondok lego,” iluk yagatikhe.

YOHANES 11:10

Meneat he, ap sa nen o hubanggo laga halok he, at endawimo selek mene le'ma andi nen, eisok a'lip silukhogo palagain o,” iluk a'nogo yagaisasikhesik,

YOHANES 11:12

A'nogo yagaisasikhemo re, it at agoromi ane wanhi lagaukwa mene omanogo nen he, mel yagatukwa: ”Noe. At andi we nogo ili'logo halok he, oba fano asigin o,” iluk yagatukwa andi ebe re,