YOHANES 10:6 - Allah Wene Fano Wene Hupla Inane

⁶ at Yesus nen, wene andi oba lirogo it yagaisasikhe meneat he, wene ki mene faget ikhe heat, futfigi'legat welagaukwa.

YOHANES 10:6 Referans Kwoze

YESAYA 56:11

It inebe re, mene hugurue mene nen inoba homot fisikherek lek a'nogo hak werek. Ap inogogwi ferinarek welagaikharek mene andoma re fut fili'lagwi lek. It inebe lombogen he inendawimo anggili'lagwi mene omanogo faget enek hilingiti logolik, ambisangma helogoin mene faget heratu welagaikharek.

AMSAL 28:5

Ap Allah inonggot mene nen he ebe wene faget futfagarek mondok lek, oba nen ap Tuhan fogeratarek mene nen he ibi-eberogo nen fut fagarek.

MAZMUR 82:5

Hit he yi'nogo ti'nogo hilingisu mondok hinonggot logolik, inafe mondogat nonghongsek welagep, hiren hilingiti lagep oba re it afuni yi'nogo ti'nogo hilingiri'lagwi mene iluk wene melalek werek mene a'nogo hesangge-pesanggerogo mondok hilingik werek.

YOHANES 16:25

At Yesus nen wene a'nogo yagaisasikhesik ekhe mel yagaisasikhe: ”Wene mondogat andi re, oba lirogo nek yagahisikhi lagi meneat he, hobuk neisena abok ikhi logolik, oba lirogo yagahisagain lego. We, fakhogo nek yagahisagain oba werego.

MATIUS 13:51

A'nogo yagaisasikhesik he, ekhe mel yagaisasikhe: ”Wene andi arat futfegeba? Lega,” iluk yagaisasikhemo re, iren he, ”I o. Futfogoaro,” iluk yagatukwa.

DANIEL 12:10

Wene yi nen afuni hokhorogo inobabut palhik, inendawinggen wurigabinafik inebe horogo fisigik ikhi logogin o. Afuni weak mondok hilingiti logogun mene re weak meneat hilingitu logogun, we it inendawinggen wenggelek mene nek he ebe ti'nogo faget iluk fut fogoin.

MAZMUR 106:7

It ninombawi o Mesir logolik andoma re futfikhi lagaukwa mondok lek, Haren elalin mene elalhigin mene andoma iren inendawimo wenggel hikhi lagaukwa mondok legat. I Laut Gelagah horokhogo andoma nen Haren hendawi hundik hokho mene hilingninafigin mene a'nogo inonggot agama re, iren Hat Mondok Lego Welagen mene a'nogo helokhoma wene oak sagalhi lagaukwa andi.

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.

1 KORINTUS 2:14

Wene Allah Areagun en wo'nisikherek wene andi re, it afuni Allah Areagun inendawimo werek mene nek futfagarek andi nen, it afuni inobabut inetogat logolik, futfagarek lek. A'nogo futfagarek lek andi re, iren he, ”Wene andi afuni kembu mene nen agarek hangge ili'lagwi,” iluk agarek andi nen, wene andi futfigi'lek werego.

YOHANES 8:43

A'nogo wagarik, wene yagahisikhi lagi mene hit futfigi'lek welagep andi nenahalok. A'nogo welagep andi re, an nane holek logou hinabit andi nen o.

YOHANES 8:27

A'nogo yagaisasikhe meneat he, iren he, ”At eisena Allah faget abok yaganisili'logo,” iluk wene andi futfigi'lek welagaukwa.

YOHANES 7:36

Aren yaganisikhi logolik, hit an nebe hera'nabik nikhi logogun meneat he, an ninom ambi asugun lego. Nen, hit o an logogin oba andoma wesugun mondok elok'lego, iluk yaganisikhe andi re, at endawimo ninggi'nogo anggikhesigen yaganisikhe anggegep,” iluk ikhi lagaukwa.

YOHANES 6:60

At Yesus nen wene a'nogo yagaisasikhemo, it at agoromi ane wanhi lagaukwa mene omanogo ekhe inebe hokhorogo wene andi inesanggo holhukwasik he, mel isukwa: ”Wene ikhe andi re, enggin hokhoatma, sa hagen wanigin anggegep? Elo'lego,” iluk isukwa.

YOHANES 6:52

A'nogo yagaisasikhemo re, it ap Yahudi mene omanogo, it-it wene palhi logolik he, wene mel isukwa: ”Ap yi sani, ap yi ebe mene nit noageluk ninggi'nogo wo'nisagelugen yaganisikhe anggegep?” iluk isukwama.

MATIUS 13:34

Afuni hokhorogo omanogo yagaisikhi logolik he, wene ekhe fakhogo yagaisikhi lagaikhe lek. We, oba lithigik enek yagaisikhi lagaikhe.

MARKUS 4:34

It afuni ekhe yagaisageluk halok he, wene oba lithigik enek yagaisikhi lagaikhe meneat he, at agoromi ane wanhi lagaukwa mene omanogo nek he, inom inale'ma logolik, wene ebe weinamat fakhogo yagaisikhi lagaikhe.

YOHANES 16:29

at Yesus agoromi ane wanhi lagaukwa mene omanogo nen he, mel yagatukwa: ”Noe. Yogondak haren wene oba lirogo yaganisigi'lek. We, fakhogo nek yaganisegen o.

2 PETRUS 2:22

It andi afuni nen inane lagakhogo mel iluk agarek andi hak hilingiti logogun: ”Mene nen he hebak wurogo fuluk, hobuk ambotkwe na lagarek. Nen, wam he agap fano sobalek mene hobuk fesimo hulele wasi kwikherek,” iluk agarek andi hak he, it a'nogoat eberogo nen hilingiti logogun andi.