YOHANES 10:16 - Allah Wene Fano Wene Hupla Inane

¹⁶ Nen, An nanggo domba ebe lalma yoma nek werek fuk. O ekhema-ekhema werek aro. Nanggo andoma mene nane inesanggo holuageluk woginarek wesigelugat welagi o. Fisa wesumo, it An nanggo domba yonggo palek misikwe nikhi logogun. A'nogo nugu kwelek, An nalegaren kwelaginarek logogin o.

YOHANES 10:16 Referans Kwoze

YESAYA 56:8

Tuhan Lego Mondok logolik, Israel mene huginabi lagaukwama nen sugulogo woginarek wagaikhe mene a'nogo nen ikhi logolik, ”An nen afuni amu mene woginarek wesimbik, it mondogat andogorek werek mene ninom seberogo kabogeti logogun nen fisa wesigin o,” iluk ikhe.

1 PETRUS 2:25

Hit attak he, wam domba kwe nong asi lagarek andi hak, nong asi laga lagagip meneat he, yogondak at Allah nen, ap hinebe fethinarek logolik kwelakhinarek welagarek mene oba hinambotkwe wokhinarek hinobagai wagama welagebo.

YOHANES 11:52

Mene re, it afuni Yahudi mene faget enek isikhe fuk. Afuni mondogat Allah againafuri mene nek o yi awi ti awi pugulogo lagaukwasik welagaikharek mene inom lambukhogo inobagaigeluk, Yesus wa'lasigin mene faget isikhe.

YEHEZKIEL 34:23

An nen ap raja misik ekhe, An namingmingengge Daud higit mene menfoumo re, we at ami amu nen it inobaget inanggembala logolik halinafi logogin.

YEHEZKIEL 37:24

It he ap raja misik mene raja Daud hak mene a'ma sebetfisamo inenggi mondok-mondok andoma melalinafu logogin. Iren he tiphogo nek An nawene melalek omanogo hilingiti logogun. Nen inenggi mondok-mondok faget it inom iren tagomangge mene inom he kweang An nen Yakub wogotigiba it inambu inombalak welagaukwaba andoma logogun.

YOHANES 6:37

Menere, an pogoroba nen pi wagagi andi re, an nonggwarek nendawimo nen kagalogo hilingisigeluk pi wagagi fuk. We, At laknobagai wagaikhe mene endawimo anggikherek mene andiat higithogo hilingisigeluk pi wagagi andi nen he, afuni an Neisena nen wo'neterek mene inebe lombok noba wagunem he, an nen, hit an noba wesugun lek, iluk wenagisagain lego.

YOHANES 10:27

Hit hinendawimo a'nogo anggikhi lagep meneat he, it ekhe an nanggo domba mene halok, nane inesanggo holharesik, iren an nebe inelu a'nogo nen he, nombo'ne wagaikharego.

YOHANES 10:11

Domba eisewerek logolik kwalogo welagirek mene, nobabut fano re, An nebe aro. Domba eisewerek fano mene andi re, anggo domba elelerogo wa'lasigin iluk endawimo anggikherek.

WAHYU 3:20

Yethani! An nebe kweba mendek logolik, kwe ane papaget hikhi lagi o. A'nogo papaget hugunem, sa nen nane esanggo holimbik he, kwe hutneagain halok, an at oba kwi wesimbik he, sumburu ninggi logolik nagailak-hagailak higit nemberek hundik logogun o.

1 PETRUS 2:10

Hit attak he, Allah againafuri mene welagagip lek, meneat he, yogondak hinebe Allah againafuri eberogoat agebo. Nen, attak hiren he, ”Allah nen ninebe endawi werek,” iluk hinonggot welagagip meneat he, yogondak ”Ninebe Allah endawi nen wo'ninafikhemo welago,” iluk hinelu agebo.

2 TESALONIKA 2:13

Nerugwi nagaila'lak. Hinebe ninoe Enupogoren endawi werego. Eroba Allah nen hinebe telhinabigeluk wenak hinafikhemo, hiren ebe wene andi eberogoat iluk wanhik, nen, hinebe Allah Areagun en Allah onggwarek faget fakhaluk tegelogo hinobagagik ikhi logogun andiba telhinabigin andi nen, nit Allah hai wasugun higithogoat hit faget hai watu mondok welago.

MATIUS 17:5

A'nogo yagatunem aremnogoat, ohena kut mene sebelinabi wagaikhesik, Allah ane ohena a'nogo anggele'ma nen mel yagaisasikhe: ”Namlogo nendawi e, noba liok ikhe. At ane nek holek logoino o,” iluk ane pogoroba pelabi wagaikhemo,

MAZMUR 86:9

Tuhan neisena, afuni yi inunggulenu ti inunggulenu Haren walhogo fisegen mene omanogo, Hat handungdang welagen mene andi faget foget hobagagik, hapne wanhik, hilingiti logogun nen waga logogun.

KISAH PARA RASUL 22:14

Hugunem, aren he, At Allah ninombalagen fogerati lagaukwa mene a'nogo nen he, at endawimo anggikherek mene helu agik, at amlogo obabut higit mene Yesus andi heilenggen higik, at ane ambeba nen ugunem hesanggo holhik, inogeluk, hebe wenakhafesik hayonggo fikhe andi.

KISAH PARA RASUL 15:14

Allah nen it afuni endakwe mene inoba ebet fuluk he, mel isikhe: It ekhe an nagainafuri asuageluk woginabigin o, iluk woginafikhe mene faget, at Simon nen yaganisikhe andi.

ZAKHARIA 2:11

Hinenggi andem oba re, afuni inunggulenu hokhorogo Tuhan ambit At againafuri mene asugun iluk waga logogun. Nen, At ebe hit hinanggele'ma were'ma, an he At Tuhan nen hit hinoba laknobagai wagama iluk hinelu asugun o.

HOSEA 1:10

A'nogo yaganetesik he, ekhe mel yaganeteat: ”Meneat he, hobuk An nen he, afuni Israel mene inebe ial i laut hokho yenggelek mene era'lukwe inenggi wenatik, iwak elema kwelagaisogo kilo walhigik, u mondok elo'lek andi hak, inebe mondok hokhorogo hilingisogo fisagain o. Yogondak An nen he, Hit An nagainafuri lego, iluk yagaisigirek aro. A'nogo meneat he, hobuk, hit An Allah neluk mondok welagirek mene nagainafuri o, iluk yagaisagain oba werego.

YEHEZKIEL 37:22

It andi kweang oba it Israel mene inandom oba andoma nen it inunggulenu misik mene hilingfisagain. It he ap raja misik mene nen melalinafi logogin. It nekhengge minggilogo inunggulenu pire mene asugun lek.

YESAYA 52:10

Tuhan omame werek mene a'nogo it inunggulenu mondogat inoba inugisamo re, afuni o kweangma yi awi ti awi unggut-unggut welagaikharek mene mondogaren he, Allah nit nineisena telninaferek mene a'nogo ineilenggen hogoin o.

YESAYA 49:6

At Tuhan nen yaganeti logolik, ”Namingmingengge yi sa, hat he yabu hokho mene ekhe haren hilingisigin mene nenangot habi'lago o, haren he Yakub ombawi mene fena andem enek inambotkwe woginarek inaiba fisa wesigin he fuk, athe Israel mene inunggulenu lombok lego welagaikhe mene a'nogo obali'mo halfisagain mene andi nek he fugat, oba nen he afuni o kweangma mondogat inagap telinabuageluk, An nen hat hoba inunggulenu ekhe mene-ekhe mene omanogo selegerinafu mene hobagagin o,” iluk yaganete.

YESAYA 43:6

Hat hombalak andi nen an legeisogo nobagakhi logouwagaluk elalinafigisik, it inebe mondogat An nenuba wolinafi andi nen he, it inebe i elesikwe fikhit werek mene inom, i ambutkwe fikhit werek mene inom andoma fikhalogo wulakfisa wesuageluk An nen yagaisagain o. A'nogo yagaisamo re hit hinagainafuri alage mene re yatkwe-yatkwe andoma nen inambotkwe lakfisa wesugun. Nen hinagainafuri helime yenggerugwi re o unggut-unggut welagaikharekwe omanogo nen sugulogo wesugun.

PENGKHOTBAH 12:11

Ap hebelek mene ane andoma re sige tomuk werelek mene ap domba halharek mene nen anggo tegelhi logolik fisogo welagarek andi higit. Inane agaumhogo agarek mene inom, komo wene inom kabogete mene andoma re posiemanggen omamerogo telek mene hak werek. Mondogat andoma re Allah nit nineisena Gembala we ami-amuat mene andi nenat wo'nisikherek.

KEJADIAN 49:10

At kain enupogot iluk inendawi wenggelogo sige tomuk inenggimo fisogo welagaikharek mene hat eiseat logogin. Were'ma haren tagongge mene nen afuni ekhe inawe a'ma fisaluk, ferinarek mondok logogun o. A'nogo ferinarek were'ma, afuni inunggulenu lombogen inauang hat faget wokhesuogeluk waga logolik, Ineindep awi yagaisogo hawe a'ma mondok kwi waga logogun.

IBRANI 13:20

Nineisena Allah lambulogo ninobagaikherek mene a'nogo nen, ninoe Enupogot Yesus wa'lagaikhemo nen ebe elugetfesikhe. At ebe amep wulagaisogo watukwa andiba, Allah nen wene mondok logogin mene warogo wo'ninafikhesik, nit mondogat Yesus nen anggo domba higit kwelakninarek logouwageluk ebe menfesikhe andi.

YOHANES 10:2

Nen, ap sa nen, kwe ebekwe kwikhe halok he, at andi domba eisewerek logolik kwalogo welagarek mene aro.

YESAYA 11:10

Linggene ekhe wesigin oba re raja ket mene Daud ambisangmangge mene ekhe re yi afuni ti afuni inobaget menlasumo re inebe mondogen At faget herarik waga logogun. Iren At oba we'luk he, At ebe werek oba mondok fanoma omanogo andogoluk fogerati logogun.

1 PETRUS 5:4

A'nogo hilingitu were'ma re, ninoe anggo eisewerek a'nogo wesimbik he, ”Fano mondok hilingiti lagepma,” iluk sa awewerek-sa awewerek lagunem onggo kware-kware ikfisagarek andi hak fogeratu mondok logogun mene wokhisagain o.

YEHEZKIEL 34:6

Andiba re An nen mene domba omanogore punu uan meneba inom, tom ebene inom andoma yugunat nikherek. It he o kweangma mondogat sagare'ma re ap misigen ogo futfisigik, heraginafik ili'lagwi lek.

YEHEZKIEL 34:12

An nen he ap gembala nen at anggo domba heraginabi laluk, hesangge pesangge werek mene omanogo misi'mo kaboget fisa we'luk halinafarek hakhogo, It nagainafuri andi re inebe linggene mum mene weagerinaferek mene andiba nen nalek falek werek mene andoma woginarek fisa wesigin.

YOHANES 10:3

At domba eisewerek logolik kwalogo welagarek mene andi ebe wagu halok, at ekhe domba awi kweba kagalek welagarek mene nen kwe huthugunem, at eisewerek mene a'nogo nen ane fakhugunem, it domba omanogo nen at ane inesanggo holharek andi nen he, inenu lombok wolisaluk, woginarek enda'ma wulifarego.

YOHANES 10:4

Woginarek wulifaresik, at ebe tak lagu kwelek he, anggo domba omanogo at ane inelure'ma andi nen he, ombo'neat lagaikharego.

YOHANES 10:5

A'nogo fano lagaikharek meneat he, it ap ekhe mene nen inane ugunem it domba omanogo nen it inane inonggot andi nen he, inombo'ne lagi'lek heise lagaikharego,” iluk

YOHANES 17:20

Neisena. It andi inalegat faget enek samban ikhi lagi fuk. Lego. It ekhe hunogoat mene, iren wene yagaisa logoin oba inendawinggen an noba eberogo himbiret fogoin mene inomat faget samban ikhi lagi o.

ROMA 11:25

Nerugwi nagaila'lak. Wene Allah endawimo welagarek wene yi hinonggot logogun andi, an nabit. Hit hinonggwaregen he: ”Nit wene ninelu o,” iluk fogerakhegep hanogo iluk he, wene yi yagahisak. It afuni Israel mene ekhe inendawinggen ningsek andi re, elama fagerat werego. Nen, hobuk it afuni endakwe mene kwi wesugun mene huli elok kwi wagaikha halok he,

LUKAS 15:8

A'nogo yagaisasikhesik he, wene ekhe mel yagaisasikhe: ”He ekhe uang sen mene ebe 10 nen fisogo were'ma misigat ekhe longgo ikhe halok he, herakfisigi'lek esage ibilogo re, o hulukwe lelem mondok wulak fuluk tegelhi logolik he, arat herakhikherek a'nogo lek?