YOHANES 1:9 - Allah Wene Fano Wene Hupla Inane

⁹ At selek mene andi, kweangma yoma waga logolik, nit afuni mondogat ninebe lombok ninendawimo seleget ninabi wagaikhe.

YOHANES 1:9 Referans Kwoze

YOHANES 12:46

Nen, it afuni inendawinggen an noba himbiret fogoin mene halok mondogat he, o mum oba logoinogo iluk, selegerinabigeluk an nebe selegerinafirek mene kweangma yoma pi wagagi o.

1 YOHANES 2:8

A'nogo meneat he, o mum were'ma selek arik lagarek andi hak, selek ebe mene ya'nisa wagaikhemo yari'logo andi nen he, wene ket wene komorogo hinoba lakfei wagi andi. At Yesus nen wene andi higithogo hilingitunem ebe agaikhe andi hak, hiren ogo re, a'nogoat, wene andi higithogo hilingitunem ebe ari'logo andi.

YOHANES 1:4

Nineluget ninaferek mene ero arat welagarek andi nen he, nit afuni seleget ninabi wagaikhe.

YESAYA 49:6

At Tuhan nen yaganeti logolik, ”Namingmingengge yi sa, hat he yabu hokho mene ekhe haren hilingisigin mene nenangot habi'lago o, haren he Yakub ombawi mene fena andem enek inambotkwe woginarek inaiba fisa wesigin he fuk, athe Israel mene inunggulenu lombok lego welagaikhe mene a'nogo obali'mo halfisagain mene andi nek he fugat, oba nen he afuni o kweangma mondogat inagap telinabuageluk, An nen hat hoba inunggulenu ekhe mene-ekhe mene omanogo selegerinafu mene hobagagin o,” iluk yaganete.

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

YOHANES 6:32

A'nogo yagatukwama, aren he, mel yagaisasikhe: ”An nen wene ekhe yagahisak. Sumburu pogoroba nen pelak hisa waga lagaikhe andi re, at Musa nen fuk. Lego. Athe, sumburu ebe mene andi re, an Neisena nen afuni kweangma mene inelugerinabuageluk an nebe pogoroba nen pi wagagi andiaro,” iluk yagaisasikhe.

1 YOHANES 1:8

A'nogo meneat he, niren ikhi logolik he, ”Nit weak ekhe hilingiti'lek,” iluk ikhi lago halok he, nineranen ninonggwarek lalikhi lago andi nen, ebe wene re ninendawimo mondok lego.

YESAYA 8:20

A'nogo yagahisugu halok he, hiren onggo yi'nogo yagaisano, ”Tuhan nen wene yaganisikhe mene andi hinesanggo holini o! Ap ekhe wene yaganisasikhe mene andi higithogo agarek lek mene halok he, hobuk ninggi'nogo hilinglasigin iluk obakhe palegat werego,” iluk yagaisano.

YOHANES 15:1

At Yesus nen wene a'nogo yagaisasikhesik, hobuk ekhe mel yagaisasikhe: ”Hele anggur ero ebe mene re, an nebe aro. Nen ebe eisewerek he, an neisena aro.

YOHANES 7:12

it afuni hokhorogo omanogo inesanggo holhukwasik he, inane samik-samok ikhi logolik, it ekhe nen he, ”Athe fano,” ugunem it ekhe nen he, ”Lego. Athe weak. Afuni lalinabi'logo,” iluk isukwa.

MATIUS 6:23

Meneat he, hineilenggen weak halok he, hinebe abirengge o mum hangge logogun o. Mene re, hinendawimo o selek hangge mene andi mum aga halok he, eigo! Mondok ebenagai'mo mumat welagebo,” iluk yagaisasikhe.

LUKAS 11:36

Nen, hit hinebe abirenggeat he, o mum hangge ekhe lek, we, selek mondok enek welagep halok he, esage ibilaga logolik hinoba seleget fikherek hak, hinebe abirenggeat selek logogun o,” iluk yagaisasikhe.