YOHANES 1:46 - Allah Wene Fano Wene Hupla Inane

⁴⁶ at Nataniel en he, mel yagatikhe: ”A! O Nasaret a'lima nen fano mene ekhe elogat wesu hak nogo? Elo'lego,” iluk isikhemo, at Filipus nen he: ”hat heilenggen tomok hanogen eme o,” iluk yagatikhe.

YOHANES 1:46 Referans Kwoze

YOHANES 7:52

iren at mel yagatukwa: ”Hat ogo re, hawiba o Galilea mene nogo? Ap Allah ane yagaisagarek mene ekhe o Galilea nen wesigin iluk Allah aneba lisu palek were'ma heilenggen hagain mondok lek a'naga re, heilenggen fanorogo hikhi logoino o,”

YOHANES 4:29

”Ap ekhe nen an yi hilingitik, ti hilingitik, hilingiti lagi mene mondogat fakhogo mondok yaganete mene ebe andem hak werego. At ebe Kristus Allah nen telninabigeluk lakfei wesigin a'nogoat he a? Hunogoat he a? Hineilenggen hobagaigen we'ni o,” iluk yagaisilik lagaikhe.

1 TESALONIKA 5:21

Yi mene ti mene wanuogeluk, ”Yi fano, yi weak,” iluk hinendawimo nen walhaluk, fano mene halogat, hinenggi ninghogo fisogo logolik.

LUKAS 12:57

A'nogo yagaisasikhesik, wene ekhe mel isikhe: ”Wene hinonggwaregen katokhogo ikhi lagep lek nenahalok.”

MATIUS 2:23

Wagaukwasik he, o sili enu Nazaret andi kwi wagaukwasik andomaat kamo isukwa. A'nogo hilingitukwa andi re, it ap Allah ane yagaisikhi lagaukwa mene nen ikhi logolik, ”At a'nogo awi Nazaret mene ugun o,” iluk isukwa higithogoat hilinglagaikhe andi.

MATIUS 10:3

Filipus inom, Bartolomeus inom, Tomas inom, Matius pemerintah faget uang kino iluk wanhi lagaikhe mene a'nogo inom, Alfeus amlogo Yakobus inom, Tadeus inom,

YOHANES 1:44

At Filipus andi re, Andreas inom, Petrus inomat inawi sili o Betsaida misi'mo mene.

YOHANES 1:45

Ombo'ne laga logolik, at Filipus a'nogo hobuk ap Nataniel emberek ambi agaukwasik mel yagatikhe: ”Nataniel. At Musa nen wene Allah nen komotninafikhe wene a'nogoba, ap ekhe abok ikhi logolik lisu palhik, nen, it ap Allah ane yagaisikhi lagaukwa mene omanogo nen abok ikhi logolik lisu palhik, isukwa mene a'nogo nit arat ninom ambi ago. At ebe re, Yusuf amlogo o Nasaret mene, enu Yesus aro,” iluk yagatikhe meneat he,

YOHANES 6:5

A'nogo hu'lagaukwasik, at Yesus eilenggen yerisasikhe re, afuni hokhorogo esa fologo andogosi wagunem eilenggen yerisaluk, Filipus mel yagatikhe: ”Filipus. Afuni hokhorogo aroma sumburu noagen, o koma mene onggo palisouwok he,” iluk yagatikhe.

YOHANES 6:7

A'nogo yagatikhemo at Filipus nen he, mel yagatikhe: ”Afuni nen yabu inenggi misigam faget hilingitunem inenggi onggo rupiah wogisagarek andi mene niren 200 oba sumburu roti mene onggo pali lamo re, afuni yoma endep-endep enggen wokhigik higithogo nogoin ogo? Elo'lek aro,” iluk isikhemo re,

YOHANES 12:21

It ap andi wagaukwasik he, ap Filipus awi o Galilea tonggwe mene aiba enu o Betsaida mene a'nogo pisikhesik were'ma oba wagaukwasik he, mel yagatukwa: ”Noe. Nit Yesus oba wesu ninamolo nen wago o,” iluk yagatukwama,

YOHANES 14:8

at Filipus nen he, mel yagatikhe: ”Noe. Nineilenggen haluk ninendawinggen hambukhogo logouwageluk, hat heisena andi ebe yaganisan o,” iluk yagatikhemo,