YOHANES 1:45 - Allah Wene Fano Wene Hupla Inane

⁴⁵ Ombo'ne laga logolik, at Filipus a'nogo hobuk ap Nataniel emberek ambi agaukwasik mel yagatikhe: ”Nataniel. At Musa nen wene Allah nen komotninafikhe wene a'nogoba, ap ekhe abok ikhi logolik lisu palhik, nen, it ap Allah ane yagaisikhi lagaukwa mene omanogo nen abok ikhi logolik lisu palhik, isukwa mene a'nogo nit arat ninom ambi ago. At ebe re, Yusuf amlogo o Nasaret mene, enu Yesus aro,” iluk yagatikhe meneat he,

YOHANES 1:45 Referans Kwoze

LUKAS 24:27

A'nogo yagaisasikhesik he, at onggwarek faget Musa nen lisu palhikhe mene omanogo huli nen pikhit he, it ap Allah ane yagaisikhi lagaukwa mene nen lisu palhukwa omanogo mondogat furogo pilingisogo yagaisasikhe.

MIKHA 5:2

Tuhan nen hobuk a'nogo hilinginabigin iluk, yogondak we elama ya it ninaselei mene nen fetninarek logolik yaganisikhi logouwageluk ninobagaikhemo logogun andi. A'nogo fetninarek logolik werek kwelek at raja andi agaisa nen tasigin iluk Allah nen anggasikhe higithogo ta'lagu halok, afuni at unggulenu mene hele warogo woginarek lagaukwa mene andoma re hobuk it inunggulenu Israel mene inom sebesi wesugun.

MATIUS 2:23

Wagaukwasik he, o sili enu Nazaret andi kwi wagaukwasik andomaat kamo isukwa. A'nogo hilingitukwa andi re, it ap Allah ane yagaisikhi lagaukwa mene nen ikhi logolik, ”At a'nogo awi Nazaret mene ugun o,” iluk isukwa higithogoat hilinglagaikhe andi.

LUKAS 24:44

Nasikhesik he, it omanogo mel yagaisasikhe: ”An hit ninom logolik yagahisikhi logolik he: An hilingnabugun mene lisu Musa nen palhik, ap Allah ane yagaisikhi lagaukwa mene omanogo nen palhik, it ekhe nen buku Mazmur oba palhik, palogo fesukwa andi higithogo, an arat hilingnabugun, iluk yagahisikhi lagi a'nogo ebe arat hilinglaga yi o,” iluk,

YESAYA 7:14

Haren a'nogo egen oba nen he yogondak Tuhan amu nen hiren futfouwageluk enegengge ekhe hilingisigin werego. Hele silerik mene ekhe omalik a'ma lasimbik omalik abengge takhagain o. Takhamo re enu Imanuel salugun.

LUKAS 4:22

it afuni omanogo nen he, mel isukwa: ”At yi ap Yusuf amlogo a'nogo lek nogo? Araro. Meneat he, aren wene fano mondok yaganisikhe andi nailo e,” iluk fogeratukwa.

ZAKHARIA 9:9

Hit afuni Sion mene yi sani, hinagaiyege'ni o! Hit afuni Yerusalem mene re hinanggiluge'ni! Hit hinoe raja re mondok along- palonghogo weri'lago a'li yethani! At ebe re raja mondok higithogo nek hilingiti logolik inagap telinaferek mene. Oba nen he, at endawinggen sebel fakhikhesik keledai eak oan mene amboroba hurek weri'lago a'li.

YESAYA 9:6

At ebe re Daud en tagomangge mene ebe raja logolik ferinarek logogin. At omame mondok hokho logogin. Aren ferinarek logogin kwe andoma mondogat he liok-layokhogo nek were'ma mondok fanorogo logogun. O Aren ferinarek logogin oba andi re wene higithogo tegetu awene inom, wene melalek werek meneba inom higithogo hilingitu logolik yogondak huli nen hobuk huli andoma mondok-mondok logogin. Nineisena Tuhan Omame Mondok Hokho mene a'nogo nen andoma mondogat eberogo nek hilingisigin o,” isikhe.

ZAKHARIA 6:12

A'nogo hilingfembik he at yagati logolik, An Tuhan Nomame Mondok Hokho welagirek mene a'nogo nen ikhi logolik, ’Ap enu Asimit ikhi logogun mene andi nen he at ebe logogin huli andoma yi'nogo ti'nogo hilingiti logogin mene ambisangma fanorogo nek hilinglaga logogin o, nen aren he o Tuhan Awi a'nogo nekhengge wusigin.

YESAYA 53:2

Tuhan endawimo anggikhi logolik At amingmingengge andi re e kweang amusu le'ma nen fulelogo lagaikherek hak lagauwak anggikherek. Niren at he fano pugun se'ma hogoin oba ekhe werek lek, nen nit ninamolo a'luk ninendawinggen wanu mene ogo ekhe werek legat.

YOHANES 18:7

A'nogo lagu kwelek, at Yesus nen hobuk ekhe inom mel yagaisasikhe, ”Hit sa herarik wagep,” iluk yagaisasikhemo, iren he, ”Yesus awi Nasaret mene a'naga herarik wago o,” iluk yagatukwama,

YESAYA 4:2

Linggene ekhe asi wesigin oba re Tuhan nen o kweang yiba yi mene ti mene yago mene fanot foumo re elokhe fano asigin. Linggene andi sambul he afuni Israel mene inagap telasigin mene re inagaiyek higik, inangge enggen ugu palugun mene faget wonoget fakhigik, ugun.

KEJADIAN 22:18

An nen, yi'nogo hilingi'no, iluk yagaheti mene nane hologoat hilingiten andi nen he, afuni kweangma mene inunggulenu lombok mondogat, An nen haren tagongge mene fanorinafi logogin andi hak, iren ogo An nen fanorinabuageluk, kino yaganesugun, iluk ikhe o,” iluk malaikat a'nogo nen yagatikhe.

MARKUS 6:3

At ebe re, he Maria eak o wuterek mene a'nogo lek? Agoromi ombo'ne mene re, Yakobus inom, Yoset inom, Yudas inom, Simon inom anggigi. Nen, erugwi re, nit ninom welago yoma lek?” iluk inendawimo inabiret fesukwa.

MATIUS 21:11

it afuni hokhorogo omanogo nen he, ”Yi Yesus Allah ane yagaisikherek mene, awi o Galilea tonggwe kota Nasaret mene a'nogo waga yi o,” iluk, yagaisasukwa.

KEJADIAN 49:10

At kain enupogot iluk inendawi wenggelogo sige tomuk inenggimo fisogo welagaikharek mene hat eiseat logogin. Were'ma haren tagongge mene nen afuni ekhe inawe a'ma fisaluk, ferinarek mondok logogun o. A'nogo ferinarek were'ma, afuni inunggulenu lombogen inauang hat faget wokhesuogeluk waga logolik, Ineindep awi yagaisogo hawe a'ma mondok kwi waga logogun.

KEJADIAN 3:15

Hat inom, he yi inom, hemberek mondok weak logolik, aren tagongge mene inom, haren tagongge mene inom, hinom weim palek mondok logogun o. A'nogo logolik aren tagongge mene nen he, hat hungguloak sagalogo hoatunem, hat haigen it ineisok onggut libilinafi logogin o,” iluk yagatikhe.

KISAH PARA RASUL 22:8

A'nogo yaganetikhemo, an nen he, Eige. Noe. Hat sa, iluk yagatigimo, aren he, An Yesus, nawi Nasaret mene, yi enggin ti enggin hilingnabigeluk mu'narek nikhi lagen mene a'nogo aro, iluk yaganetikhe.

YOHANES 21:2

Inenggi ekhe sambul he, at Simon enu ekhe Petrus agarek a'nogo inom, Tomas enu ekhe Hulipmio agarek a'nogo inom, Nataniel awi o Galilea o sili enu Kana mene inom, Sepeteus againafuri inom, Yesus agoromi inebe pire ekhe inom, andogotukwa.

LUKAS 2:4

Nen, at Yusuf ogo re, Daud en tagongge mene andi nen he, o Galilea tonggwe o sili enu Nazaret andi nen he, o Yudea ap Daud ta'lagaikheba o sili enu Betlehem pigeluk, at Maria emberek wenago welagaukwa a'nogo eak a'ma were'ma emberegat inenu lisu paluageluk pisukwa.

MARKUS 14:67

Wagaikhesik, Petrus a'nogo endumo sogoi sakhugunem yethasikhesik, eilenggen oba lulu wagaikhesik he, mel yagatikhe: ”Hat ogo re, Yesus aiba Nasaret mene a'nogo hinom nikhi lagep mene anggigi,” iluk yagatikhe.

MATIUS 13:55

Ap yi re, ap o wuterek mene a'nogo amlogo lek? Nen, agaisa enu Maria a'nogo lek? Nen, agoromi ombo'ne mene re, Yakobus inom, Yusuf inom, Simon inom, Yudas inom, omanogo lek?

KISAH PARA RASUL 26:9

”An attak he, Yesus aiba Nasaret mene enu andi lek asuageluk yi mene hilingitik ti mene hilingitik, hilingiti logogin aro, iluk nendawimo anggasigi.

KISAH PARA RASUL 3:6

Eilenggen inoba were'ma re, at Petrus nen mel yagatikhe: ”Uang emas inom, perak inom, an nenggimo mondok lego. We, an werek mene ekhe wokhesigin. Andi re, hebe menla'luk kwe nikhi logoinogeluk, Yesus Kristus aiba Nasaret mene enu hombuk palogo yagaheti o,” iluk yagatikhe.

KISAH PARA RASUL 2:22

Mene re, hit Israel mene nerugwi nagaila'lak. An nane igin yi holini. Yesus aiba Nasaret mene a'nogo Allah nen ayonggo fesikhemo, ninom logolik, wene futfouwageluk hilingisu lek mene Allah nen enggi omamerogo elalinat hilingiti lagaikhe andi re, ebe Yesus nenat hilingiti lagaikhe. Halok he, Yesus Allah nen lakfei wagaikhemo, iluk enegat agaikhe andi hinelu.

YOHANES 19:19

A'nogo menfisasukwama re, at Pilatus nen he, lisu mel iluk palhikhe: ”Yesus awi o Nasaret mene afuni Yahudi mene inoe Enupogot,” iluk lisu palogo wogisasikhemo re, e Yesus menfesukwa mene a'nogo wurep oba to'morogo fesukwa.

YOHANES 18:5

iren he: ”Yesus awi Nasaret mene a'naga herarik wago o,” iluk yagatukwama, at Yesus nen he, ”Andi nebe an aro,” iluk yagaisasikhe. A'nogo ugu kwelek, at Yudas Yesus wasuageluk yonggo lagaikhe mene a'nogo inera'lu mendek welagaikhe.

YOHANES 6:42

”Ap yi enu Yesus, ap Yusuf amlogo. Nen, at eisena agaisa ninelu meneat he, aren ikhi logolik he, An nebe re, pogoroba nen pi wagagi iluk ikhe andi ninggi'nogo nen ikhe, anggegep,” iluk isukwama re,

LUKAS 3:23

At Yesus ebe umur 30 tahun agaikhesigen, yi mene ti mene hilingirik nikhi logoigeluk enggi fakhasikhe. Nen, at ebe re, it afuni nen Yusuf amlogo iluk anggasukwa. Nen, Yusuf andi re, Eli amlogo.

MATIUS 10:3

Filipus inom, Bartolomeus inom, Tomas inom, Matius pemerintah faget uang kino iluk wanhi lagaikhe mene a'nogo inom, Alfeus amlogo Yakobus inom, Tadeus inom,

LUKAS 2:48

A'nogo fogeratunem, it at agaisa eisena emberegen ebe arat heratukwasik he, ”Nailo e!” iluk fogeratukwa. Fogeratukwasik agaisa nen he, mel yagatikhe: ”Neak, hat yi'nogo hilingninafen nenahalok Heisena nemberek ninendawinggen firik herakhabik nikhi lago yi heilenggen nisan?” iluk a'nogo isikhemo,

YOHANES 1:44

At Filipus andi re, Andreas inom, Petrus inomat inawi sili o Betsaida misi'mo mene.

YOHANES 6:5

A'nogo hu'lagaukwasik, at Yesus eilenggen yerisasikhe re, afuni hokhorogo esa fologo andogosi wagunem eilenggen yerisaluk, Filipus mel yagatikhe: ”Filipus. Afuni hokhorogo aroma sumburu noagen, o koma mene onggo palisouwok he,” iluk yagatikhe.

YOHANES 6:7

A'nogo yagatikhemo at Filipus nen he, mel yagatikhe: ”Afuni nen yabu inenggi misigam faget hilingitunem inenggi onggo rupiah wogisagarek andi mene niren 200 oba sumburu roti mene onggo pali lamo re, afuni yoma endep-endep enggen wokhigik higithogo nogoin ogo? Elo'lek aro,” iluk isikhemo re,

YOHANES 12:21

It ap andi wagaukwasik he, ap Filipus awi o Galilea tonggwe mene aiba enu o Betsaida mene a'nogo pisikhesik were'ma oba wagaukwasik he, mel yagatukwa: ”Noe. Nit Yesus oba wesu ninamolo nen wago o,” iluk yagatukwama,

YOHANES 14:8

at Filipus nen he, mel yagatikhe: ”Noe. Nineilenggen haluk ninendawinggen hambukhogo logouwageluk, hat heisena andi ebe yaganisan o,” iluk yagatikhemo,

LUKAS 18:37

Heinok wanhikhemo, iren he, mel yagatukwa: ”Yesus awi Nasaret mene a'nogo kwe yikwe wagu nen ili'lagwi o,” iluk yagatukwama,