YOHANES 1:43 - Allah Wene Fano Wene Hupla Inane

⁴³ Enu a'nogo salhikhesik, nogo iluk ohealekwe re, at Yesus o Galilea lagai wesigeluk anggasikhesik lagai wagaikhe hak he, ap enu Filipus emberek ambi agaukwasik he, mel yagatikhe: ”Nagore. An nombo'ne eme o,” iluk ayonggo fesikhemo, at ombo'ne lagaikhe.

YOHANES 1:43 Referans Kwoze

YOHANES 14:8

at Filipus nen he, mel yagatikhe: ”Noe. Nineilenggen haluk ninendawinggen hambukhogo logouwageluk, hat heisena andi ebe yaganisan o,” iluk yagatikhemo,

MATIUS 9:9

At Yesus o andoma herakfisaluk laga logolik, ap ekhe enu Matius, kantor uang pemerintah faget waganogo fikhi lagaukwaba hurek were'ma, eilenggen hasikhesik, ”Nombo'ne eme o,” iluk yagatikhemo re, menlagaikhesik he, ombo'neat lagaikhe.

YESAYA 65:1

Tuhan nen ikhi logolik, ”An he nagainafuri nen yaganetunem onggo yagaisagain iluk foukhogo welagiba nen he iren An noba samban ili'lagwi lek. An he it ninom ambi asugun iluk nenangorinafu welagiba nen he, it An hera'nabi weri'lagwi legat. An nen it inoba yagaisikhi logolik: An nebe yi o, An nebe yi o! Igin iluk foukhogo welagiba nen, unggulenu andi re An wolnabi'lago lego.

YOHANES 12:21

It ap andi wagaukwasik he, ap Filipus awi o Galilea tonggwe mene aiba enu o Betsaida mene a'nogo pisikhesik were'ma oba wagaukwasik he, mel yagatukwa: ”Noe. Nit Yesus oba wesu ninamolo nen wago o,” iluk yagatukwama,

1 YOHANES 4:19

Attak Allah nen tak endawitninafikhe andi nen he, nit ogo re, nit-nit nendawi-hendawirogo logouwogo.

YOHANES 6:5

A'nogo hu'lagaukwasik, at Yesus eilenggen yerisasikhe re, afuni hokhorogo esa fologo andogosi wagunem eilenggen yerisaluk, Filipus mel yagatikhe: ”Filipus. Afuni hokhorogo aroma sumburu noagen, o koma mene onggo palisouwok he,” iluk yagatikhe.

FILIPI 3:12

Menere, an yogondak ya, nendawinggen mondok wurik agik, ebe fano mene andi arat heligik, igi fuk. Oano. Fano mene andi an heloageluk, Yesus Kristus nen nebe wo'nafikhe andi nen, ebe hela lageluk nomamerogo hilingiti lagi.

YOHANES 1:28

Wene a'nogo isukwa andi re, at Yohanes nen afuni i Yordan aik elikwe, ima pelaginafi lagaikheba, o enu Betania logoligen isukwa.

LUKAS 19:10

Telhinafe mene andi, an abat ta'lasi wagagi a'nogo, it afuni nong ari'lagwi mene heragaisogo telinabigeluk wagagi aro,” iluk yagaisasikhe.

MATIUS 10:3

Filipus inom, Bartolomeus inom, Tomas inom, Matius pemerintah faget uang kino iluk wanhi lagaikhe mene a'nogo inom, Alfeus amlogo Yakobus inom, Tadeus inom,

YOHANES 6:7

A'nogo yagatikhemo at Filipus nen he, mel yagatikhe: ”Afuni nen yabu inenggi misigam faget hilingitunem inenggi onggo rupiah wogisagarek andi mene niren 200 oba sumburu roti mene onggo pali lamo re, afuni yoma endep-endep enggen wokhigik higithogo nogoin ogo? Elo'lek aro,” iluk isikhemo re,

YOHANES 1:35

At Yohanes nen a'nogo yagaisasikhesik, nogo iluk, ohealekwe re, at Yohanes ebe inom, agoromi ane wanhi lagaukwa mene inebe pire inom, andoma mendek welagaukwa.

MATIUS 4:12

”At Yohanes a'nogo enggi hele wathama,” iluk isukwama, at Yesus esanggo holhikhesik he, o Galilea lagai wagaikhe.

MATIUS 8:22

A'nogo yagatikhemo, at Yesus nen he, mel yagatikhe: ”Herakfisaluk he, an nombo'ne eme o. Warek mene halok he, it afuni inebe warek mene hangge werek mene andoma nenat salinafi logouwago,” iluk yagatikhe.

YOHANES 1:29

Wene a'nogo isukwasik, nogo iluk, ohealekwe, at Yesus Yohanes oba wagunem eilenggen yet hasikhesik he, wene mel yagaisasikhe: ”Allah anggo domba mene nit afuni kweangma weak hilingitorek mene korogo herakfisagain mene a'nogo waga a'li hineilenggen yethani.

YOHANES 1:44

At Filipus andi re, Andreas inom, Petrus inomat inawi sili o Betsaida misi'mo mene.

YOHANES 2:11

At Yesus ebe futfouwageluk elalin mene ekhe hilnigiti'le'ma attak hilingitikhe re, o Galilea o sili Kana logolik hilingitkhe andi. A'nogo hilingitikhe andiba, at fogeratarek mene inelurogo yagaisasikhemo, it at agoromi ane wanhi lagaukwa mene omanogo Yesus ebe futfesukwasik, inendawinggen at oba eberogoat himbiret fesukwa.

YOHANES 1:37

agoromi inebe pire aremnogo wene ane yagaisasikhe mene inesanggo holhukwasik he, Yesus ombo'ne lagaukwa.