YOHANES 1:42 - Allah Wene Fano Wene Hupla Inane

⁴² A'nogo yagatikhesik he, Yesus oba waluk wagaikhemo, at Yesus eilenggen at yethasikhesik he, mel yagatikhe: ”Simon Yona amlogo yi, nagore. hat henu Kepas ikhi logouwageluk salhafi o,” iluk yagatikhe. A'nogo yagatikhe andi re, nit yoma ninaneba enu helep isa u hak, Yunani inaneba Petrus agarek hak, Ibrani inaneba enu Kepas iluk salhikhe andi.

YOHANES 1:42 Referans Kwoze

1 KORINTUS 15:5

Eluget fesikhemo re, at Petrus eilenggen hoageluk elokhoma menlagaikhe. Ombo'ne re, it inebe 12 nen omanogo ineilenggen hoageluk inelokhoma menlagaikheat.

1 KORINTUS 1:12

Wene ebe re, mel ikhi lagep andi faget igi. Hat ekhe nen he, ”An Paulus ebikhit,” ugunem he, hat ekhe nen he, ”An Apolos ebikhit,” igik, hat ekhe nen he: ”An Petrus ebikhit,” igik, hat ekhe nen he: ”An Kristus ebikhit,” igik, hinane hunogo tomok ikhi lagep andi nen igi o.

GALATIA 2:9

A'nogo futninobagasukwasik he, it Yakobus inom, Petrus inom, Yohanes inom, Allah againafuri nen he, ”Nit ninogogwi it werek,” iluk agarek mene nen he, ”Hiren he, wene afuni endakwe mene yagaisilik lano. Nen, niren he, afuni inagap inenggalimo mene palek mene faget yagaisilik logoin. Ninom hundigat hilingiti logouwok,” iluk he, Barnabas nemberek ninenggi fak-fak hai wa'ninafukwa.

1 KORINTUS 9:5

Nen, it ap ekhe Allah nen inayonggo fuluk lakfisa wagaikhe mene inom, ninoe Enupogot agoromi ombo'ne mene inom, at Petrus inom, inagagwi woginarek nikho andi hak, an enek he, nagwe Allah a'logo mene waluk nikhi logogin lek nogo?

MATIUS 10:2

Ap inebe 12 nen andi inenu yi: attak he, Simon enu ekhe Petrus ikhi lagaukwa mene a'nogo agot Andreas inom, Zebedeus amlogo Yakobus a'nogo agot Yohanes inom,

LUKAS 5:8

A'nogo hilinglasigeluk isikhemo, at Simon a'nogo Yesus eilhanem eindep awi yagaisogo soma isikhesik he, ”Noe e! An weak hilingitirek mene yi re, yoma nobagaluk lan o,” iluk yagatikhe.

YOHANES 21:2

Inenggi ekhe sambul he, at Simon enu ekhe Petrus agarek a'nogo inom, Tomas enu ekhe Hulipmio agarek a'nogo inom, Nataniel awi o Galilea o sili enu Kana mene inom, Sepeteus againafuri inom, Yesus agoromi inebe pire ekhe inom, andogotukwa.

MARKUS 3:16

Inebe 12 nen menfisasikhe mene omanogo, inenu yi: Simon enu ekhe Petrus salhikhe mene a'nogo inom,

YOHANES 13:18

An nen wene andi hit hinebe mondogat faget yagahisigi fuk. Lego. Hit yi an nenat hinebe wenakhinafigi iluk nelu meneat he, wene andi faget Allah aneba mel iluk lisu palogo fesukwa: Ap ekhe sumburu nemberek misi'mo ninggi lago mene yi nenat weaget nabigeluk menlaga o, iluk isukwama lisu palek werek andi legasigin lek. Eberogoat hilinglasigin.

LUKAS 6:14

Ap wenagaisogo fisasikhe andem inenu re, Simon enu ekhe Petrus salhikhe mene a'nogo inom, agot enu Andreas inom, Yakobus inom, Yohanes inom, Filipus inom, Bartolomeus inom,

GALATIA 1:18

Wagagisik, nenggi 3 tahun welagagisigen, hobuk Petrus a'nogo ebe nelurogo iluk, oba o Yerusalem lagi. Lagirik he, at aiba nenggi 15 nen nemberek andoma welagagu.

GALATIA 2:11

Mene re, at Petrus o Antiokhia wagaikhesik weak hilingiti lagaikhemo, an nen he, ”Hat hilingiti lagen andi weago,” iluk, fakhogoat wenagetigi.

2 RAJA-RAJA 5:4

A'nogo yagatunem at Naaman esanggo holhikhesik, afuni Siria mene inoe raja oba lagaikhesik he, wene at hele yenggerek a'nogo nen isikhe mene andi pilingisogo yagatikhe.

YOHANES 4:16

A'nogo yagatikhemo at Yesus nen he, mel yagatikhe: ”Hat hagun hemberek yoma wesubagaigen he, wolha lan o,” iluk yagatikhe.