YOHANES 1:33 - Allah Wene Fano Wene Hupla Inane

³³ And sambul he, at ebe sa heat nonggot welagi meneat he, Allah nen an afuni we ima pelaginafi logouwageluk lak nobagai wagaikhe mene a'nogo nen yaganeti logolik he, mel yaganetikhe: An Nareagun ap ekhe oroba labok i pi wagasik were'ma heilenggen hegen halok he, at andi nen afuni ima pelaginabu hak, Naregaun inoba pelabi waga logogin o, iluk, yaganetikhemo andi nen he,

YOHANES 1:33 Referans Kwoze

LUKAS 3:16

at Yohanes nen mel yagaisasikhe: ”An nebe yenggerek mene nen we ima nek pelakhinafi lagi o. Mene re, at ekhe kain omame hokho mene hobuk wesigin o. At ebe wesimbik he, aren ima pelakhinabu hak, Allah Areagun inom, endu inom, hinoba pelakfei wesigin o. At ebe kain omame hokho andi nen he, eisok hele homago mene, an yenggerek mene nen fikhaligin he, elo'lego.

MATIUS 3:11

A'nogo yagaisasikhesik ekhe mel yagaisasikhe: ”Hit weak hilingiti lagep mene herakfisaluk hinobabut eberogoat hebelaga iluk, an nebe yenggerek nomame lek mene nen we ima pelakhinafi lagi. Mene re, at kain omame hokho mene hobuk wesigin o. At ebe kain omame hokho andi nen he, an nebe yenggerek mene nen eisok sepatu kwelabek mene waluk la re elo'legat. Aren ima pelakhinabu hak, Allah Areagun inom, endu inom, hinoba pelakfei wesigin o.

YOHANES 3:34

At Allah nen lakfei wagaikhe mene andi, Allah Areagun elele wanhi'lek mondogat wogetikhe andi nen Allah aneat yaganisikherego.

1 KORINTUS 12:13

Nit he, ninebe mondogat Yahudi mene inom, Yunani mene inom, inamingmingengge mene inom, inale'ma welagaikharek mene inom, at Kristus ebe misigat mene ninom hunesuageluk, at Areagun nen ima pela'ninafikhe andi. Nen, i elesi misigat mene nenggarek hak, at Areagun misigat mene ninendawimo fesikhe andi.

YOHANES 3:5

At Yesus nen he, mel yagatikhe: ”Afuni iba inom, Allah Areagun oba nen inom, taginafi'lek halok, Allah nen awe a'ma fisikherek oba andoma kugun mondok lego, iluk nane eberogoat yagaheti lagi.

KISAH PARA RASUL 2:4

Ineilenggen a'nogo hugu kwelek, Allah Areagun it inebe mondogat inendawimo peterogo kwisikhe. Kwisikhesik he, Allah Areagun nen, ”At andi ane yi'nogo ikhi logouwak,” iluk anggasikhe higithogoat, it afuni ekhe inaneba uageluk yagaisugu kwelek elalinat ikhi lagaukwa andi.

YOHANES 1:31

An attagat, at ebe an nonggotma re, sa heat, futfigi'lek welagagi meneat he, afuni Israel mene at ebe inelu asuageluk ima pelaginafi logoigeluk wagagi andi,” iluk yagaisasikhe.

YOHANES 7:39

Iluk, wene a'nogo yagaisasikhe andi re, afuni inendawinggen at oba eberogoat himbiret fagarek mene nek inebe lombok Allah Areagun wogisagain, iluk abok isikhe meneat he, andem sambul at Yesus ebe fogeratu kwelek lagagin a'nogo oan lagagi'lek andi nen he, Allah Areagun oan pelabi wagi'lek werek kwelek isikhe.