YEHEZKIEL 9:1 - Allah Wene Fano Wene Hupla Inane

¹ Andi hilingfuluk an nen holhugunemen he Allah ane humeti logolik, ”Hit ap unggum An nen mene waluk o kota yiba wesugun mene oma re yoma we'ni o. Waga logolik he, hinasikhe ogo helaluk we'noat,” iluk ikhi laga.

YEHEZKIEL 9:1 Referans Kwoze

YESAYA 6:8

A'nogo yaganetunem Tuhan ane ugu mene an nen holhugunemen he, ”An nen ap sa ayonggo fembik lak fagain he. Nit ninane waluk lagu mene re ap sa asigin,” iluk ugunem an nesanggo holhirik an nen ikhi logolik, ”An nebe welagi yi o. Anat la'nobagain,” iluk igi.

WAHYU 14:7

A'nogo nikhi logolik, ane hokhorogo mel ikhi laga: ”Nineisena Allah nen wene afuni inoba figik, kotik, igin a'nogo, arat horogasi waga andi nen he, Allah pogot inom, kweang inom, i laut yenggelek inom, i elesi agai mondogat inom, elalhikhe mene a'nogo hinailorogo logolik, hinendawinggen at oba eberogoat himbiret fuluk, fogerati logoino o,” iluk ikhi laga yethigi.

1 TAWARIKH 21:15

Andi nen he, Tuhan en malaikat ekhe o Yerusalem legatfisa loageluk lakfei wagaikhe. Oba nen he, at malaikat a'nogo hun Arauna awi Yebus agun a'nogo nen gandum enggen kigilhi lagaikheba aremnogo asi wagaikhe hak he Tuhan ane isikhe mene a'nogo hebekhogo yagati logolik he, Arat, inoatun o,” iluk yagatikhe.

2 RAJA-RAJA 10:24

A'nogo yagaisasikhesik, Yehu inom Yonadab inomen he wam kembu Baal obaget warogo wogetukwa. Nen, a'nogo hilingiti logolik he o kembu awi a'nogo endakwe andoma re Yehu nen ap kagalek mene inom sikhe fisogo mene inogogwi inom inebe 80 nen kagalek logouwageluk fisilik lagaikhe. A'nogo hilingitikhesik aren wene melalek ekhe yi isikhe, ”Hiren he afuni andoma inebe mondogat inoa'no. Nen, ap sa nen afuni andoma ineluk ekhe wulakfisagain halok he at andi ebe pinggi wasugun o,” iluk yagaisasikhe.

KELUARAN 12:23

A'nogo watfuluk were'ma, nineisena Tuhan afuni Mesir mene inoasigiluk eilenggen kogolik waga logolik, domba amep hit hinaiba kwe ambe fana-fena e liabek meneba inom, e kwe ambe ambolkwe meneba inom, warek were'ma eilenggen haluk he, hit hinaiba ogalhisaluk pikhit laga logolik, malaikat afuni inoaterek mene hit hinaiba hinoasi kwigi'lek pikhit loageluk yagasigin o.

YEHEZKIEL 43:3

Nabikanggo higi mene andi re, o attak i Kebar ima nen Allah wagaikhesik Yerusalem wolelenggenhogo fugunem hasigi mene a'nogo higithogo hilingitunem higi. A'nogo higirik an nelokhe sogoum logolik fogerati.

YEREMIA 4:6

An Tuhan nen enggin hokho mene weagerinabigiluk abel utara fikhit andoma nen lakfisa wesigin enggere. ebekwe Tuhan andom Sion oba lagaikharekwe yagaisani o, Hinafe morogo were'lek weak-weakhogo lani.