YEHEZKIEL 8:6 - Allah Wene Fano Wene Hupla Inane

⁶ Allah ane an noba yaganeti logolik, ”Afuni wa'lagaikharek mene yi re, hat heilenggenma re nenamene hilinglagunem hegen? Ap Israel mene nen ina'meilorogo hilingiri'lagwi andiba An nonggwarek nawi wuri'mo nen eil uanhogo hilingnobagali'lagwingge andi furogo kwelakhan o! Andi nen he hobuk An nen hat hoba wene mondok namel-mel asu hak mene ekhe inukhesigiluk welagi o,” iluk ikhe.

YEHEZKIEL 8:6 Referans Kwoze

YEHEZKIEL 5:11

An Tuhan Allah pogot kweang elalhigi mene a'nogo nane ikhi logolik, haren handugwi kembu An nabit anggigirek mene omanogo obaget hilingitu logolik, mondok weak kwanirek mene hilingitik, ina'meilo mene hilingitik ugunem, An nawi wuri'mo hore'ma a'nogo emeti lagen andiba re, An nen nendawi anggigi'legat alperelogo hobagagin o. Iluk An Tuhan neluk mondok welagirek mene a'nogo nen nane mondogat igi.

YEHEZKIEL 10:19

An neilenggen hugunemen he it kerub andoma re inogolabi langhogo kweangma herakfuluk tarogo lagunem he, eisok pirim etu mene omanogo ogore inomat laga lagaikha. A'nogo lagunem he it inebe kwe sou o Tuhan Awi wuri'mo kwi lagaikharek mene abel timur fikhit mene a'nogoba andoma alok ilagunem higi, nen ombak-bak etungge a'nogo re it inamboloba andoma mondok welaga.

YEHEZKIEL 8:9

A'nogo higimo nen aren an noba ikhi logolik, ”Kwe ambe andibene nen kwi lan o, kwi laluk he iren ina'meilorogo hilingiri'lagwi mene andoma kwelakhano o,” iluk yaganete.

YEHEZKIEL 11:22

Kerub omanogo hilingitu aple eroratasik tarogo lagunem he, roda omanogo ogore inombo'ne laga lagaikha. A'nogo lagunem selek Allah Israel mene inom werek iluk enegengge ombak-bak wialherek mene a'nogo it inamboloba yararet hikhi laga.

YEHEZKIEL 8:14

A'nogo ikhesik he an wo'narek kwe ambe Tuhan Awi abel utara fikhit mene a'nogoba lagasik inuk niikhemo hugunemen he andoma hemi hokhorogo Dewa Tamus warek faget obaget le aga lagaikha.

YEREMIA 32:34

A'nogo hilingitu logolik he o An nobaget hilingituba iluk wuta mene a'nogo re iren tugwi kembu mondok hebak inafe mene omanogo fei kagarek andiba re mondogat emerogo fili'lagwi.

YEREMIA 26:6

Hiren we hinendawinggen omamerek aple omanogo nek hilingiti logogun halok he, o wene kabogeti logolik, An nobaget hilingiti lagep oba ari re An nen o Silo hilingfesigi hakhogo hilingfagain o. Ma re yi afuni ti afuni inunggulenu lombok kweangma welagaikharek inaben he o Yerusalem enu igisogo homan fisikhi logogun,” ikhe.

YEREMIA 23:11

Tuhan nen ikhi logolik, ”Nabi inom imam inom he An nane hologo hilingitu aplere mondogat inabiro. An naiba mene ogore iren weak mene hilingitunem isikhi lagi.

YEREMIA 7:30

Afuni Yehuda mene nen he inaniniba mondok weak mene hilingita o. Kembu iren mene An nen nabit iluk ikhi lagi mene omanogo re An nawi elonggoma fagama re emetfaga andi.

YEREMIA 7:17

Hat he it ap andoma nen o kota Yehuda nen meneba inom, Yerusalem en meneba inom ebekhe kwe hilingiti lagaukwa mene omanogo mondogat heilenggen hasigin!

YEREMIA 3:6

Yosia raja logolik ferinarek welagaikhe andem oba re Tuhan ane an noba yi'nogo isikhe, ”He ekhe agun inom lomborogo werek lek mene Israel andi nen hilingiri'lago mene andoma hat he heilenggen mondogat hegen a? At he An oboget nealuk punu unggulkwe andoma inom, e engga hikhogo wilibik mene erokwe andoma inom, hambenan hilingirik nikho a'naga o.

AMSAL 5:14

Eberogo nenat, an nebe afuni ineilhanem pile pigiluk hilingiti lagagi agwi,” iluk ugun werego.

MAZMUR 78:60

Aren he Awi Sabu o Silo wurik mene a'nogo herakfisasikhe, nen it afuni inanggele'ma At ebe welagarek mene a'nogo inomat herakfisasikhe.

YEREMIA 11:18

Tuhan nen he ap an noasugun iluk nabok palha mene a'nogo an yaganete.

YEHEZKIEL 8:7

Andi ikhesik he an a'nogo wo'narek o kwe ambe palek abel endakwe wulibi lagaikharek meneba wo'narek lagaikhesik he pa'leget andiba folelek ekhe were'ma hoageluk inukniikhe.

YEHEZKIEL 14:6

Nen ekhe re An Tuhan Lego Mondok welagirek mene a'nogo nen ap Israel mene inoba ikhi lagi mene andoma yagaisano, ’Hit hinaweak hilingiti lagep mene andomaba nen hinobabut hebelini o, nen hinandugwi kembu mondok ina'meilo mene andoma mondogat herakfisani,’ iluk yagaisano, ikhe.

YEHEZKIEL 18:12

Aren afuni inenggi lek mene eranhogo wene lalinafik, inangge teligik, ap at oba palegengge werek mene nen inendawinggen litungge iluk werek mene omanogo felelenghogo heligik, ikherek. Aren ap Tuhan inonggot mene nen tugwi kembu fogeratarek kwe omanogo laluk he kembu ina'meilo mene omanogo fogeraterek.

YEHEZKIEL 47:6

A'nogo hilinglagama re ap andi nen an noba yaganeti logolik, ”Afuni wa'lagaikharek mene yi re, andoma mondogat he fanorogo futfikhi logoin o” ikhe. A'nogo yaganetesik an nebe wo'narek i a'nogo som lagama,

HOSEA 5:6

Iren he ineisena Tuhan ebe herasugun iluk wam, domba inom, sapi inom, At faget warogo noleri'lagwi meneat he, Aren it inebe herakfisasikhe andi nen he, hinom ambi asugun lek, andoma mondogat he alomarogo hilingiri'lagwi.

2 TAWARIKH 29:5

andoma nen it inom wene ane mati lagaukwa. Aren yagaisikhi logolik he, ”Hit ap Lewi mene re, hit hinambu hinombalak ineisena Tuhan Allah a'nogo Awi wurik horogo enogo figik, yi mene ti mene mondogat alomat laga mene andoma waganogo wulak fisigik, hilingisubagaigen he, hit hinebe Tuhan obaget enogo fakhani.

YEHEZKIEL 8:13

Andi nen Tuhan ane ekhe inomat an noba yaganeti logolik he, ”Hat hobuk heilenggen it wene mondok hebak inafe mene ekhe hilingitunem isagain o,” ikhe.

YEHEZKIEL 10:18

A'nogo hilingitunem selek Tuhan ebe werek iluk enekhogo ombak-bak eri'lago mene a'nogo re kwe sou Tuhan Awi wuri'mo kwagarek mene a'nogoba nen herakfuluk, waganogo re kerub omanogo amboloba laga-laga.

YEHEZKIEL 11:23

A'nogo hilingitunem he selek yararet hikherek mene a'nogo re o Yerusalem herakfuluk waganogo tom fikhit kota andi abel timur fikhit andoma lagunem higi.

YEHEZKIEL 43:8

Attak he, it inogogwi raja lagen an nawi kwe kugukwe inom An nawi langoak inom werek kwelek iren kwe sou inom it inawi inebe werek oba langoak inom wutama re o iren mene hilingi'luk An nen mene hilingi'luk tulem andem he oak we misik enek welaga. Iren he mondok weak mene omanogo hilingiti logolik An nenu mondok horek welagi mene a'nogo emerogo fikhi lagaikha. Andiba re, An nanini nen it inebe lek hilingisogo fisasigi andi.