YEHEZKIEL 8:3 - Allah Wene Fano Wene Hupla Inane

³ Aren enggi higirengge ekhe pisarogo lakfei wagasik, an nunggulmo nesi sen niikhi laga. Andi nen nabi hangge hasigi mene a'nogoba re an nebe Allah Areagun nen wo'narek we tulem sele'ma poma yathogoat nobagai lagaikhesik wo'narek he o Yerusalem Tuhan awi wuri'mo, senggelek elonggoma mene obalik mondok hore'ma a'nogoba kwi lagunem solombonma abel utara fikhit omanogo nobagai lagaikhe. Nen andem he kembu alik hilingik mene Allah anini kwelafarek mene a'nogo welaga.

YEHEZKIEL 8:3 Referans Kwoze

ULANGAN 32:16

It tugwi kembu fogeratunem, nineisena Tuhan nen, it a'nogo hilingitarek mene andi, mondok abit isasikhe, It weak hilingitukwa andiba, at a'makwe het-perisikhe.

YEHEZKIEL 11:1

Andi hilingi'luk he an a'nogo Allah Areagun nen wo'narek Tuhan Awi wuri'mo kwe ambe timur fikhit folele'ma andoma nobagai laga. Oba nen he an neilenggen higi re, ap inebe 25 nen mene were'ma it inanggele'ma re, ap inunggulenu andi melalinafu mene ap inebe pire mene, hun Azur amlogo Yaazanya inom, hun Benaya amlogo Pelaca a'nogo inom welagaikha.

YEHEZKIEL 5:11

An Tuhan Allah pogot kweang elalhigi mene a'nogo nane ikhi logolik, haren handugwi kembu An nabit anggigirek mene omanogo obaget hilingitu logolik, mondok weak kwanirek mene hilingitik, ina'meilo mene hilingitik ugunem, An nawi wuri'mo hore'ma a'nogo emeti lagen andiba re, An nen nendawi anggigi'legat alperelogo hobagagin o. Iluk An Tuhan neluk mondok welagirek mene a'nogo nen nane mondogat igi.

DANIEL 5:5

A'nogo fogeratu were'ma aremnogoat, ap enggi palek, at raja awi hobat oba esage ibili'mo mondok selekse'ma aremnogo lisu palagunem at raja nen eilenggen furogo yerogo welagaikhe.

YEHEZKIEL 40:2

An nabikanggo ekhe wokhugunemen he Allah nen an wo'narek kweang Israel meneba lagasik punu uan meneba nobagai laga. Ma re an nelokhe fikhiren kwelakhugunemen he o wurik ekhe kabokhogo wuri'mo obabut he kota higit halogo were'ma higi.

YEHEZKIEL 11:24

Inabi wokhagarek mene hak higi mene andiba re Allah Areagun nen an legeisogo wo'narek lagasik he nebe nambotkwe sugulogo re it ap hele warogo huginabi lagaukwama Babel werek mene omanogo inambit nobagai laga. A'nogo nobagai lagasik he an neilenggen higi mene a'nogo re koma lagahe longgo ikhe.

YEHEZKIEL 2:9

A'nogo yaganetemo neilenggen yethasigi re, enggimo suesingga yinggilik mene fisogo logolik noba pisarogo lakfei wagunem higi.

ULANGAN 32:21

It inendawinggen we mene oba himbiretfuluk fogeratukwa, Anat fogetnabuem iluk na'mage lagasikhe, it inandugwi kembu andi, na'mage oba fesigi, Andi hak, an irat ferinarek logogin, afuni inunggulenu, hunogo mene woginabumo, nagainafuri ina'mage lagagin, Afuni kembu mene, an nen it woginabumo, nagainafuri nen inabit isogoin.

ULANGAN 6:15

At nineisena Tuhan Allah nit fetninarek mondok welagarek mene a'nogo obabut he, afuni ekhe nen, hunogoat mene faget, Nineisena ebe yiat, iluk agarek mene andi, inendawinggen oba himbiretfuluk fogerasu abit mondok anggikherek andi nen he, hiren, Nineisena ebe yiat, iluk hinendawinggen hunogoat meneba himbiretfuluk fogerati logogun halok, At nineisena Tuhan Allah a'mage endu higit hinoba fembik, hinebe mondok legethinabigin o.

ULANGAN 5:9

An hineisena Tuhan Allah nebe Anat ma re, hiren he, Ap amu mene ekhe inom At emberek higit iluk higiret nafu aple mondok nabit andi nen he, tugwi kembu a'nogo ekhe alik waganogo fuluk fogerasugun mondok lego. Afuni an nebe inabit mene andi, An nen it inebe inom, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat unggum inoba fugu mondok logogin o.

KELUARAN 20:5

An hineisena Tuhan Allah nebe Anatma re, hiren he, yi mene ti mene ekhe at emberek higit, iluk anggogoin mondok nabit andi nen he, tugwi kembu a'nogo ekhe alik waganogo wurogo fembik fogerasugun mondok lego. Afuni an nebe inapsiri mene andi, An nen it inebe inom, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat unggum inoba fugu mondok logogin o.

KISAH PARA RASUL 8:39

Ima pelakfikhesik, aik oba wulibi wagunem, at Allah Areagun nen he, Filipus a'nogo hambokhogo waluk o hunogoma fei wagaikhemo re, ap kain a'nogo nen Filipus ebe hobuk eilenggen hasikhe lek. A'nogo hasikhe lek meneat he, endawimo agaiyek hilik-hilik kwe pigeluk pisikhe kwe a'nogo pisikhe.

DANIEL 10:18

A'nogo igimo re aren nekhengge an nebe fa'niikhemo an nomame agunem higi.

DANIEL 10:10

A'nogo logolik were'ma enggi ekhe nen an senniikhemo re an nebe a'nogo nafe hebelagarik nenggi inom neindep inom timirogo menlagi.

YEHEZKIEL 8:5

A'nogo higimo nen Allah ane an noba ikhi logolik, ”Afuni wa'lagaikharek mene yi re, heil utara fikhit andoma helokhe hebekhogo yet lekhan o,” ikhemo, an a'nogo Aren yaganete higithogo yet hugunemen he, ebekhe kwi lagaikharek oba mezbah fena fikhit andem he kembu Allah a'mage kwelafarek mene a'nogo welaga.

YEHEZKIEL 7:20

Attak he it inangge permata elokhe fano mene were'ma inagaiyek aga lagaukwa, oba nen he iren inanggembu ina'meilo mene omanogo wurouwogeluk no andomaba wurikhi lagaukwa andi nen he, Tuhan nen it inangge andoma re mondok inali'lip mene hangge hilingfisagain.

YEHEZKIEL 3:14

Tuhan omame a'nogo an noba nomamerogo kwelakfei wagama re, At Areagun nen an legeisogo wo'narek lagunem he nendawimo na'mage lagagik, nendawimo heiselhik, igi.

YEHEZKIEL 3:12

A'nogo yaganetemo nen Allah Areagun nen an legeisogo nobagaikhemo re, nambotkwe fikhiren ane kululuk eti logolik yi'nogo ugunem holhi, ”Tuhan pogoroba ombak-bak werek mene nek fogeratu mondok logouwak!” iluk ikhi laga.

YEREMIA 32:34

A'nogo hilingitu logolik he o An nobaget hilingituba iluk wuta mene a'nogo re iren tugwi kembu mondok hebak inafe mene omanogo fei kagarek andiba re mondogat emerogo fili'lagwi.

YEREMIA 7:30

Afuni Yehuda mene nen he inaniniba mondok weak mene hilingita o. Kembu iren mene An nen nabit iluk ikhi lagi mene omanogo re An nawi elonggoma fagama re emetfaga andi.

MAZMUR 78:58

Iren he kembu apne wanhukwe obalik wuti logolik he Allah ane oak sagalogo fikhi lagaukwa, nen iren e mene hesesengge waganogo tugwi kembu wutunem he, andiba At Allah a'mage kwelafi lagaukwa.

2 RAJA-RAJA 21:7

A'nogo mene at he, At Tuhan en onggwarek awi wuri'mo andi faget it Daud inom Salomo inom inoba ikhi logolik, ”It afuni inunggulenu Israel mene werekwe mene 12 wilayah omanogo inanggele'ma nen he o An Nawi Yerusalem andi nek he, An nobaget hundik-handik kabogeti logogun oba logogin o, iluk isikhe,

2 RAJA-RAJA 16:14

Nen, Ahas eilenggen hasikhe re mezbah perunggu meneba attak wurogo Tuhan obaget iluk enogo fesukwa mene a'nogo re o Tuhan Awi wurik mene a'nogo nen hilingi'luk mezbah ket wurogo fesukwa mene a'nogo nen hilingi'luk tulem andoma were'ma hasikhe. A'nogo were'ma hasikhesik mezbah a'nogo re Tuhan Awi wurik mene elokhoma obuluk werek oba aremnogo nen waganogo re mezbah ket mene a'nogo were'ma abel utara fikhit andoma fei lagaikhe.

2 RAJA-RAJA 2:16

A'nogo hai wati logolik mel yagatukwa: ”Nit ninebe 50 nen yi, ninomame hokho mene nek welago andi nen he, hat hoe Elia a'nogo Tuhan Areagun nen tom oba hea, athe kweang tonggoma hea, waluk lambik andoma herakfisamo logoinogo re herasi logoin o,” iluk yagatukwa. A'nogo yagatukwama, at Elisa nen he, ”Lagubo,” iluk yagaisasikhe.

1RAJA-RAJA 18:12

An nebe yoma nen lagu kwelek he, nineisena Tuhan Areagun nen hat hebe o an nonggotma wokharek lamo werek kwelek, an nen he, Elia ebe o a'lima werek, iluk yagasumo, aren hat herakhabik wesigin mene re, hebe legen, aren an eberogoat nebe noasigin aro. Mene at he, helurogo, an he nebe yenggerek oba nenat ibi-eberogo nen neisena Tuhan faget fogeratirek mene o, noe.

YOSUA 24:19

A'nogo isukwama, at Yosua nen he mel yagaisasikhe: ”A'nogo meneat he, Nineisena Tuhan Allah ebe horek logolik, Ami-amuat welagarek andi nen he, hiren At obaget enek hilingitu aple hilingisu elo'lek hak anggegeba? At Allah re, afuni at amingmingengge logolik, hunogoat mene amingmingengge hilinglasugun abit mondok welagarek. Hiren At kofologo herakfisaluk allah hunogoat mene ekhe amingmingengge hilinglasugun halok, Aren hit weak hilingisugun mene andi sagalogo legetfisagain mondok lego. At Allah attagat he, hit fano hilinghinafi lagaikhe meneat he, hit a'nogo hilingiti logogun halok, At ebe hit hinaselei mene hangge asimbik he, wene hinoba fuluk, hinebe mondok leget hinabigin o,” iluk yagaisasikhe.

KELUARAN 34:14

An hineisena Tuhan Allah re, it afuni nen he, yi mene ti mene faget, Allah emberek higit, iluk fogeratarek mene andi mondok napsiri welagirek andi nen he, hiren afuni ekhe nen fogeratarek mene andi fogeratubo.

KELUARAN 20:4

Hiren hinonggwarek faget tugwi kembu pogoroba mene inom, kweangma mene inom, kweang abel manggwe i elema welagarek mene inom, ekhe alik waganogo wusugun mondok lego.

YEHEZKIEL 1:1

Nit afuni Yahudi mene nen tahun inom, tugi inom, ninenggi wenatorek higithogo, 30 tahun andiba, nen tugi 4 ogorek andiba mene tanggal 5 ba re, ap enupogot Yoyakhin enggi hele warogo waluk o Babel wagaukwasik oba nen, tahun 4 en welagagusik, tahun ekhe 5 mene were'ma re, an Busi amlogo nenu Yehezkiel Allah eisewerek mene, afuni Yahudi mene ekhe inenggi hele warogo woginarek wagaukwa mene ninom, o Babel i Kebat esanggoma andoma welagagi. A'nogo were'ma, nenggi ekhe sambul nafe morogo were'ma nen aremnogoat pogot healhunem he, nabikanggoba Allah ebe liakhasigi. A'nogo liakhugunemen he, Tuhan ane an noba ugunem holhigi, nen At ebe werek mene a'nogo omame were'ma hasigi.

YEHEZKIEL 10:3

Andi nen at ebe kwi lagunem he kerub omanogo re Tuhan Awi wurik a'nogo abel selatan fikhit mendek were'ma, ohena misik ekhe mone'luk Tuhan Awi wurik a'nogo mondogat oba inom nen ambe senggelek hokho mene a'nogo elonggokwe inom hoporogo hilingik welaga.

YEHEZKIEL 37:1

An nebeba hugunemen he Tuhan nen nomamet nobagakhi logolik, At Areagun nen wo'narek he o tonggoma afuni inoak enek kilelek were'ma omanogo pi lagagi.

YEHEZKIEL 43:5

Tuhan Areagun an nebe hambogoisogo wo'narek senggelek elonggoma meneba a'lima nogo kwikhe, wo'narek kwikhemo kugunem en he Tuhan Awi a'nogo re Tuhan ebe werek iluk aselegen huli'liphogo kwelabe'ma higi.

YEHEZKIEL 43:8

Attak he, it inogogwi raja lagen an nawi kwe kugukwe inom An nawi langoak inom werek kwelek iren kwe sou inom it inawi inebe werek oba langoak inom wutama re o iren mene hilingi'luk An nen mene hilingi'luk tulem andem he oak we misik enek welaga. Iren he mondok weak mene omanogo hilingiti logolik An nenu mondok horek welagi mene a'nogo emerogo fikhi lagaikha. Andiba re, An nanini nen it inebe lek hilingisogo fisasigi andi.

YEHEZKIEL 9:2

A'nogo ugunem ambine nek ap inebe falfaligen mene inasikhe harogo kwe Tuhan Awi wuri'mo nen abel utara fikhit andoma endakwe fikhiren kwi waga lagaikha. A'nogo kwi wagunem it inom he, ap ekhe asu linen su eil sakhorek meneba laberek mene inom waga logolik, lisu palhu mene ekhe enggimo senegeisogo waga lagaikha. It omanogo kwi wagaikhasik he no mezbah perunggu meneba wuri'mo omanogo mendek welagaikha.