YEHEZKIEL 8:16 - Allah Wene Fano Wene Hupla Inane16 A'nogo ikhesik an wo'narek Tuhan Awi wuri'mo senggelek mondok hore'ma kwagarek mene kwe ambeba horokhogo mezbah wurik mene nen hilingi'luk folelek ekhe hilingi'luk honggole'ma andem ap inebe dua puluh lima nen mene were'ma lagaikhe. It inebe re Tuhan awi mondok hore'ma a'nogo inambot wogotasik inelokhe mo liabi wagarek fikhit andoma logolik ineindep awi yagaisogo fogerati lagaikha. Gade chapit la |
YEHEZKIEL 8:16
29 Referans Kwoze
Andi hilingi'luk he an a'nogo Allah Areagun nen wo'narek Tuhan Awi wuri'mo kwe ambe timur fikhit folele'ma andoma nobagai laga. Oba nen he an neilenggen higi re, ap inebe 25 nen mene were'ma it inanggele'ma re, ap inunggulenu andi melalinafu mene ap inebe pire mene, hun Azur amlogo Yaazanya inom, hun Benaya amlogo Pelaca a'nogo inom welagaikha.
Hiren he e palek misik faget nineisena igik, nen helep misik faget ninagaisa igik, ikhi logolik fogerati lagep enggere hinenggali asugun. Hit he An noba waga lagep he lek, athe An ninom eil napluk laga lagep, oba nen he enggin-fenggin hinoba asi wagunem enek he, An nen telhinabuagaluk nayonggo fikhi lagep andi.
Nen it ap Allah eisewerek logolik, At faget hilingiri'lagwi mene andoma re, mezbah honggolek, solombon elokhoma mene honggolek tulem andoma nen le asuak. A'nogo le aga logolik, mel uak: Allah henupogot mene, neisena. Hagainafuri hendawirinabin o. Hat honggwarek hangge mene andoma afuni nen weagerinafunem he, it inunggulenu amu mene nen inane asegen wogisikhi logolik, It ineisena Allah re ebe koma werek? iluk ikhi logoinogo,” iluk ayonggo fouwagaluk yagaisasigi.
Imam en he wam inaweak legabesuageluk watu mene a'nogo amep waluk he e oak An nailoba werek mene andem ebene horisikhi logogun, andi nen he mezbah wurik mene a'nogo unggut enggaminogo aremnogo ebene inom, kwe ambe hokho mene elonggo fikhit kwi lagu meneba andoma e tiang liagaisogo wurik mene andoma bene inom, horisikhi logogun.
Niren wene wato mene andoma re ekhe inom hilingiti logogun aro. Niren he ninagaisa Ratu Surga andi obaget wam warogo figik, nen o kota Yehuda ba oma nen inom, o Yerusalem kwe bene omanogo nen inom, nit ninombawi nen ogo, raja-raja lagen ogo, ap pemerintah ba yabu legoma hilingitarek inaben ogo, nit ninonggwaregen ogo ninetokhogo ninagaisa andiba anggur agai hilingisogo obaget fikhi lagagu hagat, hilingiti logogun o. A'nogo hilingiti lagagu sambul andem he, nit he yi mene ti mene ninenggim sikhogo nek logolik ninamburu werekhogo nek mondok welagagu, nen niren enggen mene ekhe hikhi lagagu lek.
A'nogo hilingiti logolik, afuni Yehuda mene inogogwi raja attak mene nen wam kuda mo anggo iluk alik hilingisogo fesukwa mene omanogo mondogat hugisa lagik, tugwi kembu mo andi faget hilingisuogeluk kereta ba lagaluk nikhi lagaukwa mene omanogo endu nolhik, isikhe. (Kereta-kereta andi mondogat he o Tuhan awi silimo andoma leget pa'leget ambe palek oba horokhogo fikhi lagaukwa mene. Kwe ambe palek andi ap kain mene enu Natan Melekh andi awi inom horokhogo andoma welagaikhe.)
A'nogo fei lagaikhesik, afuni Yehuda mene inogogwi raja attak mene nen afuni hunogo mene inandugwi wurogo fuluk, o Yehuda kota mondogat inom, o kota Yerusalem esanggokwe ekhe inom, tugwi kembu andoma eisewerek logolik, anggo warogo noleti logouwageluk menfisasukwa mene omanogo mondogat wulaginafikhe. A'nogo wulakfisasikhesik, it ap ekhe, tugwi kembu Baal inom, mo inom, tugi inom, hesagal wap hokho mene inom, endep mene inom, eisewerek logolik anggo warogo noleti lagaukwa mene inom wulakfisasikheat.
Andi nen he at Salomo nen mezbah perunggu meneba wutikhe mene a'nogo re obalik mondogat endepse'ma re, wam abirengge omanogo aremnogo nek nolhu aple onggok-fonggok ikhi lagaikhemo re, o wene kabogetuba a'nogo elokhe fikhit ambe ekhe tulem mene a'nogo re at Salomo nen Tuhan obaget enogo fisasikhe. A'nogo fesikhesik he, aren warogo noletu mene inom, gandum enggen inom, wam asei Tuhan endawimo agaiyek hoageluk mene omanogo inom, Tuhan nen fanoabet ninobagauwageluk mene omanogo inom, andoma nen noletukwa.
Nen, Ahas eilenggen hasikhe re mezbah perunggu meneba attak wurogo Tuhan obaget iluk enogo fesukwa mene a'nogo re o Tuhan Awi wurik mene a'nogo nen hilingi'luk mezbah ket wurogo fesukwa mene a'nogo nen hilingi'luk tulem andoma were'ma hasikhe. A'nogo were'ma hasikhesik mezbah a'nogo re Tuhan Awi wurik mene elokhoma obuluk werek oba aremnogo nen waganogo re mezbah ket mene a'nogo were'ma abel utara fikhit andoma fei lagaikhe.
Neisena, Hat faget hilingiti logouwagaluk hawi wusugun oba obalik wenagaisogo fakhasigin oba wurogo hobagagi yi re, hebe linggene hubanggo kagalek mondok logoino o. Hat hebe pogoroba welagen oba andoma logolik, an inom, hagainafuri mondogat inom, weak hilingi'luk Hat hawi wuri'mo yi helokhoma andogosi we'luk samban yagahetunem ninane hesanggo holfuluk he, weak hilingisugun mene andi sagalogo herakfisikhi logoino o, neisena.
Attak he, it inogogwi raja lagen an nawi kwe kugukwe inom An nawi langoak inom werek kwelek iren kwe sou inom it inawi inebe werek oba langoak inom wutama re o iren mene hilingi'luk An nen mene hilingi'luk tulem andem he oak we misik enek welaga. Iren he mondok weak mene omanogo hilingiti logolik An nenu mondok horek welagi mene a'nogo emerogo fikhi lagaikha. Andiba re, An nanini nen it inebe lek hilingisogo fisasigi andi.
Tuhan Lego Mondok welagarek mene a'nogo nen ane ikhi logolik he, ”Kwe ambe timur fikhit folelogo elonggoma kwelabek logogin mene andiba re ap yabu inenggi falfaligen hilingitu kwelek andem he ebekhe andi re yagarek mondok logogin. Ma re, kwe andiba re linggene sabat sambul inom, tugi ket folelhu meneba inom obaget hilingisuogeluk enek he huti logogun.
Yenggerugwi magendek mene nen he e wurogo kabogetu kwelek he, ap inaluendek mene nen he endu nonggwalhi lagaukwa, nen hemi re kue kembu he mene Dewi Ratu Surga iluk agarek mene a'nogo faget weragaisogo fogoin nen iluk mulelhi lagaukwa. Nen, ekhe An nendawinggen waroageluk he iren anggur agai ilah amu mene faget fuluk wogeti lagaukwaat.
andi re kaboget fuluk nekhengge salugun mene faget he fuk, athe alalengge weak mene hakhogo kweangma herakfisamo logouwageluk hilingisugun. Ap inoak lolo andoma re herakfisamo iren inanggembu dewa ap-ap hilingfuluk inendawi hundik hilingitik, obaget hilingitik, apne wanhik, yaganisoageluk kinotik, hilingitungge mo inom, tugi inom hesagalenggen inom andoma inelokhoma logogin.
Piblisite