YEHEZKIEL 8:10 - Allah Wene Fano Wene Hupla Inane

¹⁰ A'nogo yaganetemo an a'nogo kwi lagarik hugunemen he, o hobat ebene haningisogo andoma re kisu alik waganek yinik-hunik inom, eluk-elugengge saliogengge inom, afuni Israel mene nen obaget fogerati lagaukwa mene omanogo hokhorogo ilirengget higik were'ma higi.

YEHEZKIEL 8:10 Referans Kwoze

ROMA 1:23

Inendawinggen mum agaikhesik he, Allah ebe fili agarek lek mene, fogerasu mene andi herakfisaluk he, obali'mo re, fili agarek mene inenggi nen afuni-afuni hilingisogo figik, sue-sue hilingisogo figik, wam-wam, paik-paik, mene-mene hilingisogo figik, kisu-kisu hilingisogo figik, iluk he, fogeratarek andi.

KELUARAN 20:4

Hiren hinonggwarek faget tugwi kembu pogoroba mene inom, kweangma mene inom, kweang abel manggwe i elema welagarek mene inom, ekhe alik waganogo wusugun mondok lego.

YEREMIA 16:18

It inaweak inom kwanirogo hilingiri'lagwi mene inom andoma nen he An nanggweang a'nogo kembu areagun legenggeba nen emetfagama re An nen altap pireba unggum inoba fagain o,” ikhe.

YEREMIA 3:9

hambenan hilingisigin mene a'nogo murok lagaat andi. Aren helep meneba inom e meneba inom apne wanhunem babi hilingiri'lago andiba o kweang yi emetfili'lago.

ULANGAN 14:3

A'nogo yagaisasikhesik ekhe yagaisikhi logolik, ”Hineisena Tuhan Allah nen yi re wesa mene iluk yagaisugu kwelek he na fugo.

YESAYA 44:13

E ba wutu aple elu mene nen he ilirengget haluk, e ilirengget hikherek mene a'nogo timeng oba obalik hilingfuluk, hesesengge wanharek meneba waganogo afuni inebe higit ilirenggerogo fikherek, a'nogo hilingisogo fuluk he aren wokhigik he ailoba fei wagarek.

YEREMIA 44:4

An nen he, hit hinoba hundik-handik ap An namingmingengge nabi omanogo inayonggo fuluk lakfisa wagunem, iren hit hinaniniba mondok hilingiti lagep mene An nabit anggigirek mene andoma a'nogo hilingitu lego, iluk yagahisikhi lagaukwa.

YEREMIA 44:21

”O kota Yehuda bene inom, Yerusalem kwe bene inom, it inombawi nen ogo, inogogwi raja nen ogo, hit hinombawi yabu legoma hilingitarek mene nen ogo, afuni o yoma mene nen ogo, hiren ogo, yi mene ti mene kembu obaget fuluk, wogeti lagep mene omanogo re, Tuhan he onggot logolik eberek werek lek iluk ikhi lageba?

YEHEZKIEL 8:9

A'nogo higimo nen aren an noba ikhi logolik, ”Kwe ambe andibene nen kwi lan o, kwi laluk he iren ina'meilorogo hilingiri'lagwi mene andoma kwelakhano o,” iluk yaganete.

YEHEZKIEL 8:11

A'nogo hilingi'mo nen afuni Israel mene inogogwi melalinafarek mene inebe tujuh puluh nen andoma welagaikha, it andem inanggele'ma re hun Safan amlogo Yaazanya a'nogo inomat welagaikha. Logolik inebe lombogen he amben fanongge nolhunem so'le liafarek mene fisogo welagaikha.

YEHEZKIEL 11:12

Andiba re hiren An Tuhan a'nogo hinelu agik, nen wene melalek An nen mene omanogo inom, yi'nogo hilingi'no ti'nogo hilingi'no iluk An nen isigi mene omanogo inom herakfuluk unggulenu amu mene inera'lukwe haningisogo werek mene nen inawene melalek omanogo murok lagik, ikhi lagagip andiba re unggum wokhisugunem hinelu asugun o,” iluk yagaisoageluk yaganete.

YEHEZKIEL 23:14

Weak ekhe inom ekhe inom hilingirik lagunem he Oholiba obabut mondok weak aga. At he ilirengge o hobat oba amusu eil mep meneba ilirenggerek mene omanogo faget endawinggen liti laga. Ilirengge andoma re ap Babel mene sikhe pisogo inap inogogwi inalinggin elokhe fano mene inom inunggul topi fano mene inom pukhogo inalik waganek mene andoma faget endawinggen wanhi laga.

ULANGAN 4:16

Hit hinonggwarek faget, tugwi kembu ebe ap mene hea, he mene hea, ikan mene hea, kisu mene hea, wam sue paik ekhe mene hea, fogerati logouwogeluk alik hilingisogo fakhugunem weak hilingitep hanogo iluk ekhe wutubo.

ULANGAN 4:23

Nineisena Tuhan Allah nen wene warogo wo'ninafikhe andi hinonggot agi'lek hinendawimo eberek mondok logolik, komothinafikhe wene andi hologo higithogo hilingiti logoino o. Nineisena Tuhan obabut he, endu inebe mondok felelenghogo ninggerek andi hangge logolik, afuni nen At ebe hangge ekhe alik hilingisogo fuluk fogerati logou abit mondok welagarek andi nen he, hiren tugwi kembu yi mene ti mene alik hilingisogo fakhaluk fogerati logouwogeluk ekhe wutubo.

ULANGAN 4:25

Nen, hit o kugun oba andoma ekhe inom logolik, hiren tagomangge hinombalak hokhorogo sik-pik ugun halok, hinonggwarek faget tugwi kembu ebe hunik-hunik mene ekhe alik hilingisogo fakhaluk fogerati logogubo. A'nogo hilingisugun halok weak hilingisugun o. A'nogo hilingitarek andi nineisena Tuhan Allah abit mondok isikheresik, a'mage mondok hokhorogo lagaikherego.