YEHEZKIEL 8:1 - Allah Wene Fano Wene Hupla Inane

¹ Tahun falfalik oba tugi ogore falfaligen mene tanggal 5 ba were'ma, nit ninebe hu'ninabi wagaukwaba omanogo nen ap Yahudi mene hu'ninabi wagaukwa mene omanogo inogogwi melalinafarek mene re an naiba nambit wagaukwasik ninom hurek welagagu. A'nogo were'ma ferekhogo aremnogo Tuhan Lego Mondok welagarek mene a'nogo omame an noba louk iwaga.

YEHEZKIEL 8:1 Referans Kwoze

YEHEZKIEL 20:1

Tanggal sepuluh tugi fuabengge meneba re nit hele warogo hu'ninabi wagaukwama logolik tahun sabit meneba agaikhemo were'ma, ap Israel mene inogogwi kaindek ferinarek mene fena an nambit wagaukwasik he, Allah endawimo anggikherek mene kinosuageluk miming nabi wagaukwa. Wagaukwama it inebe mondogat an nelokhoma hurek werek kwelek,

YEHEZKIEL 33:31

It inebe felelenghogo andogosi we'luk, it An nagainafuri mene hakhogo haren hane yagaisugu mene omanogo holi'lagwi. Oba nen he, haren yi'nogo ti'nogo hilingi'ni iluk miminginafendek mene omanogo re, iren hologo hilingiri'lagwi lek. It inambeba nen he inendawinggen hundik hilingitarek mene agarek oba nen he, it inendawinggenma nen he, inonggwarek ambisangma helogoin mene faget enek ebeti logoligen hilingiri'lagwi.

YEHEZKIEL 14:1

Ap it inunggulenu Israel mene inogogwi kaindek ferinarek welagaikharek mene fenakwe an nambit wagaikhasik Tuhan endawimo anggikherek mene faget heinok wo'nabi wagaikha.

YEHEZKIEL 14:4

Andi faget he haren it inoba An Tuhan Lego Mondok welagirek mene a'nogo nen yi'nogo ikhe iluk yagaisan o, ’Afuni Israel mene inebe lombogen inendawinggen tugwi kembuba tibet fagasik it inebe weak mene elonggoma kwi lagaikhasigen, ap nabi misik ekhe nen komo wene yaganisoageluk ambit wagunem he, An nonggwarek namu nenat it tugwi kembu andoma faget onggo u higit obaat yagaisikhi logogin o!

KISAH PARA RASUL 20:33

An nendawimo nen, hit hinagarek uang emas mene inom, perak mene inom, hinasu inom, namolo e, iluk ekhe anggigi'lek.

MALEAKHI 2:7

It imam andi re An Tuhan Lego Mondok welagirek mene a'nogo nobaget wene eberogo mene nek yagaisikhi logouwageluk werek. It andi re, An nen lakfisa waga lagi mene hilingi'mo re, it afuni holhu mene nen he An nendawimo anggigirek mene a'nogo inelu asuageluk he it imam andi inoba heinok woginabi loageluk werek.

YEHEZKIEL 40:1

Andi sambul tanggal sepuluh ba tugi misik, tahun dua puluh lima ba nit la'ninobagasukwama logolik oba andem, nen Yerusalem sebelaga huli nen he tahun empat beles meneba werek kwelek, At Tuhan nen an nomame kwelaknobagaikhesik an nebe wo'narek laga.

YEHEZKIEL 37:1

An nebeba hugunemen he Tuhan nen nomamet nobagakhi logolik, At Areagun nen wo'narek he o tonggoma afuni inoak enek kilelek were'ma omanogo pi lagagi.

YEHEZKIEL 32:17

Tanggal dua belas bulan satu tahun dua belas meneba were'ma, nit hele warogo la'ninobagasukwama logolik oba andem he, Tuhan ane ekhe an noba yaganeti logolik,

YEHEZKIEL 31:1

Tanggal satu bulan tiga tahun sebelas meneba, nit hele warogo lakninobagasukwama were'ma. Tuhan ane an noba yaganeti logolik,

YEHEZKIEL 29:17

Tanggal satu bulan satu tahun dua puluh tujuh meneba re nit hele warogo hukninafukwama logolik oba andem he, Tuhan ane an noba yaganeti logolik mel ikhe:

YEHEZKIEL 29:1

Nit hele warogo hu'ninabi lagaukwama werek kwelek enek tanggal dua belas tugi nomolongge meneba tahun ogo nomolo mene were'ma Tuhan ane an noba ikhi logolik,

YEHEZKIEL 26:1

Tanggal 1 tugi ekhe meneba tahun ogo nalonggop mene were'ma, nit ninebe hele warogo hukninabi lagaukwama logolik oba andem Tuhan ane an noba yaganeti logolik yi'nogo ikhe,

YEHEZKIEL 24:1

Nit hele warogo hu'ninabi lagaukwaba nen tanggal 10 tugi ogo 10 mene tahun he 9 meneba were'ma, Tuhan ane an noba yi'nogo yaganete,

YEHEZKIEL 3:22

At Tuhan Omame werek mene a'nogo an noba hilingfugunem higimo nen he an noba ane ikhi logolik mel ikhe, ”Menla'luk i fanggongma andoma lan o, andoma nen weneane An ninom masugun,” iluk yaganete.

YEHEZKIEL 3:14

Tuhan omame a'nogo an noba nomamerogo kwelakfei wagama re, At Areagun nen an legeisogo wo'narek lagunem he nendawimo na'mage lagagik, nendawimo heiselhik, igi.

YEHEZKIEL 3:12

A'nogo yaganetemo nen Allah Areagun nen an legeisogo nobagaikhemo re, nambotkwe fikhiren ane kululuk eti logolik yi'nogo ugunem holhi, ”Tuhan pogoroba ombak-bak werek mene nek fogeratu mondok logouwak!” iluk ikhi laga.

2 RAJA-RAJA 6:32

A'nogo isikhesik, at raja ebe hobuk lagaluk, agot ekhe attak Elisa oba lakfesikhe. O andi sambul he, at Elisa ebe aiba were'ma, ap kaindek ekhe at oba lagaukwama inom logolik, ap raja nen lakfisikhe mene a'nogo oan lagi'lek werek kwelek he, at Elisa nen ap pok omanogo inoba mel isikhe: ”Wene yagahisagain yi futfeni o. Ap inoare mene a'nogo nen he, an nebe noasuagaluk ap ekhe lakfei wagama weri'lago o. Ma re, ap andi ebe waga halok, ebe kwi wesinogo nen he, kwe huthagubo. A'nogo wesumo nen, at ombo'ne re, raja ebe wesigin o,” iluk yagaisasikhe.

YEHEZKIEL 7:27

Raja mene ogore le asiginat, nen at amlogo re endawinggen sebe igin, nen afuni ogore inailo nen inoak leigesugun. Hiren hinobabut hilingiti lagep higithogo An nen unggum hinoba figik, nen afuni inawene pilingisogo ayo wurisikhi lagep hak he An nen ogo hit hinoba ogo ayo wut hinabiginat. Andiba re hiren An Tuhan welagi mene a'nogo hinelu asugun o,” ikhe.

YEHEZKIEL 8:2

Noba a'nogo louk iwagama an neilenggen liagaisogo were'ma nen he, afuni inom higirengge ekhe were'ma liakhasigi. A'nogo were'ma liakhigimo nen he obakheba nen tekhogo a'ma fikhit he endu hangge hilingik welaga, nen obakheba nen tekhogo ambol fikhit he no perunggu mene fanorogo horogo fugunem amulit yabelang hikherek andi hangge hilingik welaga.

YEHEZKIEL 33:22

Hubanggo aren oan yaganesi wagi'lek werek kwelek, Tuhan Areagun an noba asi wagunem higi. A'nogo higimo nen, ap andi wagasik an noba yaganeti logolik, an nane lek welagi mene a'nogo nane hurogo hilinglagama, nane u higit aga.

YEHEZKIEL 30:20

Tanggal tujuh tugi misik mene andiba tahun nesanggo meneba re, nit hele warogo lakninobagasukwama logolik oba andem Tuhan ane an noba ikhi logolik,

YEHEZKIEL 32:1

Tanggal satu bulan dua belas tahun dua belas meneba nit hele warogo lakninobagasukwama welagagu mene andiba,