YEHEZKIEL 7:12 - Allah Wene Fano Wene Hupla Inane

¹² O weak-weagat weri'lago, linggene re horogat asi waga! Ma re afuni mondogat he Allah nen unggum inoba fagainmo re, it onggo wanhu mene inom, hunitu mene inom he, inebe seberogoat ambisangma ekhe saburogoin lek.

YEHEZKIEL 7:12 Referans Kwoze

YEHEZKIEL 7:10

Unggulenu Israel mene andiba enggin mene oba fagain sambul a'nogo horogasi waga. Inaniniba hilingfisugu aplere ekhema-ekhema mondogat sagarek. Nen, afuni nen winik-wonok agarek mene andi re kabok hokho asi lagaikhe.

AMSAL 20:14

Onggo huniti logolik onggo mondok hokhoregen iluk eige anggikherek, oba nen, mondogat hunfuluk onggo hokho meneba hunite mene andi faget onggwaregen foget fakhikherek.

ZEFANYA 1:14

Tuhan nen ayo wurogo unggum inoba fagain sambul a'nogore mondogat horogasi waga, eberogo nenat mondok horogasi waganggere weak-weagat wesigin. Linggene andi sambul he inendawimo alepale agarek mene andi mondogat hogoin enek, nen a'nogo hikhi logolik he it sikhe fisogo inap inobabut hibilik-hebelek inap oba nen ogore inendawimo mondogat weak asumo le hokhorogo asugun aro!

YESAYA 21:12

Andi nen an nen onggo ikhi logolik he, ”Hubet he wei igin, oba nen he hubasigin oba ogo arat asi waga. Nen, hobuk heinok wanigiluk halok he, wesimbik heinok wani we'no,” iluk yagati.

YEREMIA 7:20

An Tuhan Lego Mondok welagirek mene a'nogo nen o wene kabogetu awi yi inom, afuni inoba inom, wam, mene, paik inom, e wilibik meneba inom, kweang oba nen enggen ugu andoma inom, nanini hokho mene a'nogore andoma oba fagain o. An na'mage lagali'lago mene andi re endu wabunak nunggunem nagulu elo'lek agarek andi hak hilingiri'lago o,” iluk ikhe.

YEHEZKIEL 12:23

Andiba re, An Tuhan Lego Mondok welagirek mene a'nogo nen wene onggo ikhi lagi mene yi yagaisan o: Inane oba lirogo ili'lagwi andi re An nen leget fisamo re, Israel mene were'ma andoma nen inane andi mene ekhe ikhi logogun lek. Andi obali'mo re it inoba yi'nogoluk yagaisano, inenggi asigin oba andire arat asi waga, nen hobuk hilinglasigin iluk ili'lagwi mene andoma mondogat he tibigin enek.

YOEL 1:15

O Tuhan awi mondok inali'liphogo hilingisigin oba a'nogo horogasi waga, At Omame Mondok Hokho mene a'nogo nen legetfisagain oba horogat asi waga.