YEHEZKIEL 4:16 - Allah Wene Fano Wene Hupla Inane

¹⁶ A'nogo ikhesik, At ane ekhe inom ikhi logolik, ”Afuni wa'lagaikharek mene yi re, An nen he hobuk ninggi logogun mene iluk o Yerusalem oba foukhogo figimo werek mene andoma leget foumo re, afuni nunggu mene nele nen inoba sisarogo logolik inendawinggen firogo re, iren inagai inom, inamburu inom, nunggu mene inendawinggen maben agunem he inendawi-inendawi ninggi logogun o.

YEHEZKIEL 4:16 Referans Kwoze

YEHEZKIEL 5:16

An nen hat nunggungge fik-fougeti lagen mene omanogo mondogat leget fembik afuni inamburu ouwak inelokhomarogo nek logouwageluk hilingfisagain. A'nogo hilinghinobagaumo re ou hikhi logolik, ouwak he, loin aik morok-morogengge mene inelonggoma yagaukhogo kugunem ou hagarek andi hak hilingisogo hobagaumo re hebe heiloak legasigin.

YESAYA 3:1

Tuhan Omame Hokho mene a'nogo nen he o Yerusalem oba inom Yehuda oba inom inamburu nunggu mene inom inagai inom ibi-eberogo nen mondogat wanigin, meneat he a'nogo wanhi logolik it inogogwi kaindek inoba himbirik welagaikharek mene ogore lisogo woginabiginat.

IMAMAT 26:26

An nen hit nunggu mene lek hilingisogo foumo re, it hemi inebe 10 mene nen roti it inoba werek mene aremnogo nek obuluk misi'mo werati logogin. Werakfuluk higithogo sumburogo ninggi logogun oba nen he nekhengge nele aga logogin.

YEHEZKIEL 14:13

o kweang misik ekheba nen weak hilingiti logolik, An noba eberek legengge werek halok, An nen o kweang andiba unggum mondogat wogisagain. Iren nunggungge fouksek mene omanogo An nen wolelenggen isigik, sumburu ouwak lakfei wesumo, afuni inebe inom, inanggo omanogo inom, mondogat inoatik igin.

MAZMUR 105:16

At Tuhan nen he, it afuni o yoma mene inoba sumburu ouwak lakfei wagaikhesik, inamburu hobuk nogoin mene faget fakhasukwa mene mondogat weaget fisasikhe andi.

RATAPAN 5:9

O kota endakwe fikhit he ap ware mene nek lakwak ili'lagwi, nen nit nunggu mene faget herarik nugunem he ninoasuogeluk hilingiri'lagwi.

RATAPAN 1:11

O andiba afuni werek mene re, inane yabul watu logolik nunggu mene herakhili'lagwi; Nit wa'lago hanogo iluk ineluk logogun mene faget he, it inangge onggo hokho meneba palharek mene omanogo re iren we roti inom awari'lagwi. Yerusalem en humeti logolik, ”Tuhan neisena, an heilenggen nean o, an enggin-fenggin hikhi lagi mene yi kwela'nean,” ili'lago.

MAZMUR 60:3

Neisena Allah, Haren nenahalok nit oboget nisegen, Nen nenahalok nit ninomame leget ninobagauwageluk hilingninafen, Haren hanini nit ninoba fegenma, yogondak hilingik welago mene yi hambotkwe halogo ninobagaime o.

WAHYU 6:5

Nen, silo fagarek andi hak, suesingga uan meneba amusu te'merogo fesikhe mene a'nogo, Domba Eak a'nogo nen pireba fikhalhesigen ekhe fikhalhunem he, it Allah nen elalinafikhemo ineluk welagaikharek mene omanogo, inebe pire arat inane agasi'mo nen, ekheba re, ”Eme o,” iluk ugunem holhirik, yethigi hak he, wam kuda esi muli mene ekhe lagunem yethigi. Nen, ap ekhe enggin walhugungge enggimo waluk wam andi amboroba hurek nugunem yethigi o.

YEREMIA 52:6

Tanggal sembilan bulan enggaminogonek mene tahun andiba re sumburu ouwak mondok hokho mene lagasikhemo re afuni inangge nenggarek mene mondogat lek agaikhe,

RATAPAN 5:4

Ninagai nunggu mene inom ninagayo nolhu mene inom he niren onggoba nek palikhi lago.

YEHEZKIEL 4:15

A'nogo igimo re Allah nen an noba ikhi logolik, ”Fano, roti werakhageluk halok he afuni inal wurik andi obali'mo re, sapi al oba werakhikhi logoino o,” iluk yaganete.

AMOS 4:8

O kota fenakwe re i nele nen afuni inomame mondok lek ari'lagwi. A'nogo hingiti logolik, kota amu meneba i herarik lili'lagwi meneba nen he, i andoma it inebe inom higit ari'lagwi lek. A'nogo hilinglari'lago mene andoma hikhi logolik meneat he hit hinebe sugulogo An noba waga lagep legat andi.

2 RAJA-RAJA 6:25

O a'nogo labetukwa andi nen, o andoma sumburu ouwak mondok hokhorogo agaikhemo, wam keledai ungguloak onggo uang perak mene 80 nen fikhi lagaukwa. Nen, sue pel al onggo uang perak mene 5 nen fikhi lagaukwa.

2 RAJA-RAJA 25:3

Tahun 11 andiba, tugi it afuni Israel mene nen inenggi wenati lagaukwa higithogo 4 mene tanggal 9 oba asi lagunem, afuni Yerusalem mene sumburu ouwak mondok weak agaikhesik, inamburu lek were'ma re,