YEHEZKIEL 3:12 - Allah Wene Fano Wene Hupla Inane

¹² A'nogo yaganetemo nen Allah Areagun nen an legeisogo nobagaikhemo re, nambotkwe fikhiren ane kululuk eti logolik yi'nogo ugunem holhi, ”Tuhan pogoroba ombak-bak werek mene nek fogeratu mondok logouwak!” iluk ikhi laga.

YEHEZKIEL 3:12 Referans Kwoze

KISAH PARA RASUL 8:39

Ima pelakfikhesik, aik oba wulibi wagunem, at Allah Areagun nen he, Filipus a'nogo hambokhogo waluk o hunogoma fei wagaikhemo re, ap kain a'nogo nen Filipus ebe hobuk eilenggen hasikhe lek. A'nogo hasikhe lek meneat he, endawimo agaiyek hilik-hilik kwe pigeluk pisikhe kwe a'nogo pisikhe.

YEHEZKIEL 8:3

Aren enggi higirengge ekhe pisarogo lakfei wagasik, an nunggulmo nesi sen niikhi laga. Andi nen nabi hangge hasigi mene a'nogoba re an nebe Allah Areagun nen wo'narek we tulem sele'ma poma yathogoat nobagai lagaikhesik wo'narek he o Yerusalem Tuhan awi wuri'mo, senggelek elonggoma mene obalik mondok hore'ma a'nogoba kwi lagunem solombonma abel utara fikhit omanogo nobagai lagaikhe. Nen andem he kembu alik hilingik mene Allah anini kwelafarek mene a'nogo welaga.

YEHEZKIEL 11:1

Andi hilingi'luk he an a'nogo Allah Areagun nen wo'narek Tuhan Awi wuri'mo kwe ambe timur fikhit folele'ma andoma nobagai laga. Oba nen he an neilenggen higi re, ap inebe 25 nen mene were'ma it inanggele'ma re, ap inunggulenu andi melalinafu mene ap inebe pire mene, hun Azur amlogo Yaazanya inom, hun Benaya amlogo Pelaca a'nogo inom welagaikha.

KISAH PARA RASUL 2:2

aremnogoat, sogoi uarek funha waga logolik ane ikherek andi hak, Allah nen pogoroba nen pelakfei wagaikhemo re, it afuni oloba hurek welagaukwa mene omanogo mondogat ane inesanggo holhukwa.

YEHEZKIEL 3:14

Tuhan omame a'nogo an noba nomamerogo kwelakfei wagama re, At Areagun nen an legeisogo wo'narek lagunem he nendawimo na'mage lagagik, nendawimo heiselhik, igi.

WAHYU 19:6

A'nogo ugunem nesanggo holhiri'mo nen ombo'ne re, afuni hokhorogo andogorek logolik, inane re, i hut hokho mene ane ikherek hangge inom, unggunggu ane hokho pak ilugen ane lulu lagarek hangge inom, mel ikhi lagaikha: ”Nineisena Allah fogethafi lago, u hak, Haleluya, ikhi lago. Hat homame mondok hokhoma, yi mene ti mene hilingitendek enek a'nogo nen, yogondak arat hawe a'ma ninobagegendik fetninarek welagen o.

WAHYU 1:15

Nen, eisok he, tembaga endumo weratunem amulit papaget hikherek hangge. Nen, ane re, i hut hokho mene ane hangge.

WAHYU 1:10

A'nogo were'ma, o ninoe Enupogot awi wei ikhemo re, Allah Areagun noba louk ikhemo, nambotma nen at ekhe ane pinggong hokho mene ane hangge oba mel yaganetunem nesanggo holhi:

YEHEZKIEL 10:4

Tuhan ebe were'ma enekhogo iluk he selek no kerub omanogoba nen ombak-bak yabelanget hugunem he o Tuhan Awi wuri'mo ebekhe kwilagukwe a'nogoba higilogo kwi laga-laga. A'nogo kwi lagunem he ambe senggelek hokho mene a'nogoba re selek mondok hilingik welaga.

YEHEZKIEL 9:3

Andi nen Allah Israel ebe ninom welago iluk a'nogo ombak-bak no kerub omanogoba nen yabelanget hasikhemo nen he selek a'nogo obalik werek oba aremnogo nen higilogo re o Tuhan awi wuri'mo ebekhe kwi laguba aremnogo laga-laga. A'nogo lagunem he Tuhan nen ap asu linen su laberek mene a'nogo woletesik yagati logolik,

YEHEZKIEL 2:2

A'nogo yaganetemo nesanggo holhu kwelek aremnogoat, Allah Areagun nendawimo peterogo kwikhesik he, nebe nomamet nobagaikhe. Andi nen ane ekhe inomat an noba mel yaganetunem nesanggo holhiat:

YESAYA 6:3

A'nogo logolik it-it inane mondok hokhorogo ikhi logolik he, ”Horek mene, Horek mene, Horek mene. Tuhan Mondok Homame Hokho mene. Kweangma yikwe tikwe mondogat he Hat Homameba nek sagarek welagen o,” iluk fogerati lagaikha.

MAZMUR 148:2

Hit Allah agoromi malaikat en inom, Hit tentara pogoroba mene hinebe mondogaren inom, At fogerati logoino.

2 RAJA-RAJA 2:16

A'nogo hai wati logolik mel yagatukwa: ”Nit ninebe 50 nen yi, ninomame hokho mene nek welago andi nen he, hat hoe Elia a'nogo Tuhan Areagun nen tom oba hea, athe kweang tonggoma hea, waluk lambik andoma herakfisamo logoinogo re herasi logoin o,” iluk yagatukwa. A'nogo yagatukwama, at Elisa nen he, ”Lagubo,” iluk yagaisasikhe.

1RAJA-RAJA 18:12

An nebe yoma nen lagu kwelek he, nineisena Tuhan Areagun nen hat hebe o an nonggotma wokharek lamo werek kwelek, an nen he, Elia ebe o a'lima werek, iluk yagasumo, aren hat herakhabik wesigin mene re, hebe legen, aren an eberogoat nebe noasigin aro. Mene at he, helurogo, an he nebe yenggerek oba nenat ibi-eberogo nen neisena Tuhan faget fogeratirek mene o, noe.

YEHEZKIEL 3:11

Hebe re it hat hunggulenu mene hele warogo huginabi lagaikhama werek mene andoma inambit lan o. Lambik he, An Tuhan Lego Mondok welagirek mene nen it faget ikhi lagi mene andoma iren holhi logogun hea, athe holu inabit logogun hea, andi hilingik kwelegat yagaisa lan o,” iluk yaganete.

MAZMUR 26:8

Tuhan neisena, an he Hat hebe handungdang logolik welagen oba, Hat awi wuri'mo andoma nendawi hundik hilingiti lagi o, neisena.

YEHEZKIEL 43:4

Selek mondok ombak-bageti laga mene andi re kwe abel timur fikhit folelek welaga mene a'nogo kwe nen o Tuhan awi wurik mene a'nogo elonggoma a'lima kwikhi laga.

YEHEZKIEL 43:5

Tuhan Areagun an nebe hambogoisogo wo'narek senggelek elonggoma meneba a'lima nogo kwikhe, wo'narek kwikhemo kugunem en he Tuhan Awi a'nogo re Tuhan ebe werek iluk aselegen huli'liphogo kwelabe'ma higi.