YEHEZKIEL 26:8 - Allah Wene Fano Wene Hupla Inane

⁸ Afuni o kota andoma tonggokwe werek mene re weim andiba nen inoasumo wa'lasugun. Selei mene nen he weim inaloak himbirik logolik yabugun kwe kalok habulik lagik, nen kweang habulogo kabogerik lagagik imbik, tok peiyengge hokho mene inebe himbirik logolik hat hinom weim yabugun mene iluk wusugun.

YEHEZKIEL 26:8 Referans Kwoze

YEHEZKIEL 21:22

A'nogo hilingitunem he, tok enggi ebekwe wesigin mene a'nogo re, Yerusalem fikhit hilingik logogin! A'nogo hilingik halok andi re, raja nen kota Yerusalem hugul kuageluk hilingik welagik, weim yabuogeluk hou salhik, tentara inangge pin talogo kwagarek mene omanogo fik-foukhogo hilingisogo fuluk o Yerusalem kwe ambe palek omanogo bene kelogo filik lagik, kweang habulogo pa'leget inom higithogo fei lagagik, i kalok halogo kwelafik, ugun.

YEREMIA 52:4

ma re Nebukadnezar inom ap sikhe fisogo inap inebe mondogat inom he, at Zedekia raja logolik ferinarek werek kwelek, tahun sogo meneba were'ma tanggal 10 tugi ogo 10 meneba werek kwelek he o Yerusalem pin kwi wagaukwa. Iren he o kota a'nogo abel endakwe fikhit he o it inebe himbit fuluk werek oba wutukwasik he, ap maserogo kwelaginafi logolik leget pa'leget wanhukwa,

YEREMIA 32:24

Ap Babel inaben he o kota sebeli kugun iluk leget pa'leget maserogo wanhasik he yogondak it pin kwili'lagwi. Weim en inom, sumburu ouwagen inom, ou amben weak meneba nen inom inoba foumo inomame legasumo re o kota yi it inenggiba asigiluk werek. Haren hane egen mene omanogo mondogat tiphogo nek hilinglarik lagunem yogondak Hat heilenggen enegat hikhi lagen andi o, neisena.

YEREMIA 6:6

At Tuhan Omame Mondok Hokho mene a'nogo nen ap inenu werek welagaikharek inap omanogo nen e mutik, o Yerusalem pin kugun kwe e mugusogo kweang punurogo filik lagagik, hilingisuageluk inyonggo fikhe. Nen Tuhan ane ikhi logolik he, ”kota yi elonggoma andoma nen afuni mondok sebelogo fisikhi laga andiba re An nen unggum wogosigin o.

2 SAMUEL 20:15

At Yoab agoromi nen holhasukwa re, at Seba a'nogo andoma werek ugunem holhukwasik he iren o kota a'nogo hukhogo kwelabi lagaukwa. Lagaukwasik iren he o kota leget pa'leget abel endakwe haningisogo omanogo kweang kabogerik lagasukwasik he, leget fak waganek a'nogo sunukhogo pelabugun iluk he kweang a'makwe habulik kwisukwa.

LUKAS 19:43

Allah nen fanothinabigeluk hinoba waga meneat he, hit futfigi'lek welagep andi nen, hit hobuk hinaiba nen heise wulibi lanogo iluk he, hinaselei mene nen leget walingisogo waganogo hinobagambik he, fena-fena nen petet hinobagaluk horok-horok kwi wesugun o. Kwi wesimbik he, hinawi helep meneba ambolma a'ma wurik andoma ekhe obali'mo wurik herakfigi'lek meisalhi logolik hinebe mondok felelenghogo hinagainafuri hinom wulil tagalogoat hinoasugun o,” iluk inobaget le agaikhe.

YEHEZKIEL 26:6

It inebe lithigik woginafi logolik, afuni kota andoma werek mene o Tirus tonggokwe andoma inoasugun. A'nogo hilingisigin andiba re it afuni o Tirus andoma logogun mene nen he An Tuhan welagirek mene a'nogo inelu asugun o,” ikhe.

YEHEZKIEL 26:9

Iren he haren mene leget pa'leget waganek a'nogo meisalogo lakfisagarek mene omanogoba meisalisigik, ap lagagukwe uanhogo pelarogo liagaisogo wurik mene omanogore posiemanggen obakhe sikhipsek meneba meisalogo lakfisigik, ugun.

HABAKUK 1:10

Iren he inogogwi raja omanogo inane asegen waganogo re, it inagoromi pegawai yabu legoma logolik hilingitarek mene omanogo endo yagaisogo piliphogo pelaginafi logogun. Nen o leget omamerogo uanhogo waganek mene omanogo inendawimo seramet fuluk he, kweang habulogo kabogerik lagaluk, leget waganek mene a'nogo bene esia'le harogo pin kwikhi logogun.