YEHEZKIEL 26:7 - Allah Wene Fano Wene Hupla Inane

⁷ Tuhan Lego Mondok welagarek mene a'nogo ane ikhi logolik, ”An nen raja Nebukadnezar o Babel mene a'nogo nen hat Tirus hukhogo hoasuageluk waluk wesigin. Raja mondok omame mene andi re abel utara fikhiren waga logolik, tentara esa hokhorogo inom, kuda hokhorogo inom kereta weim yafarek mene inom, nen ap kuda amboloba lagaluk lagaikharek mene esa logalek inom wesugun.

YEHEZKIEL 26:7 Referans Kwoze

DANIEL 2:37

Henupogot mene noe. Hat hebe yi afuni ti afuni inogogwi raja andomaba nen he hat enek he raja henu lagarek mene welagen. A'nogo welagen andi re At Allah pogoroba mene nen hat henupogot welagik, yi afuni ti afuni henggiba welagik, homame hokho welagik, afuni nen fogethafik, ikhi logouwagaluk menhobagaikhemo welagen o, noe.

EZRA 7:12

”An raja nenu Artahsasta nen he, hat imam Ezra Allah Pogoroba along welagarek mene awene melalek helu-pelurek hagun a'nogo surat yi palheti lagi:

YEHEZKIEL 23:24

It utara fikhiren tentara hokhorogo kereta weim yafi logolik oba lagaluk lagaikharek mene inom, kereta sumburu nunggu mene waluk lagarek mene inom, oba wesimbik hat hoasi kwi wesugun. It he tok peigenggeba inebe ma'murek logolik topi baja mene sebelogo hat hukhogo kwelakhabi wesugun. It inawene melalek werek meneba iren hat hawene pilinghabuageluk An nen herakfisagain.

HOSEA 8:10

Oba nen An nen it inebe andogorogo fisambik unggum wogisagain. It inebe raja Asyur mene nen alperelinafunem he we horok yogondak arem obaat ouen heinet wasuogeluk werek.

DANIEL 2:47

A'nogo yagaisasikhesik, Daniel mel yagatikhe: ”Daniel. Afuni nen hunogo mene faget, Nineisena ebe yi aro, iluk fogeratarek mene andi, elo'lego. Mene re, we hat heisena Allah andi nek he, mondok esin lego mene werek. Ap raja-raja nen afuni inawe a'ma ferinarek welagaikharek mene andoma re, At enggiba nek welagaikhare'ma o. Haren he, wene hinago mene andi, Ebe yi'nogo hilinglasigin mene faget hegenma, iluk fakhogo yaganeten andi nen, Allah nen yi wene ti wene hinago mene fakhogo eberogoat yagaisikhere'ma higi, iluk futfigi o,” iluk yagatikhe.

YEREMIA 52:32

at oba fanorogo hilingfigik, isikhe. At Yoyakhin he it raja fena hele warogo huginabi lagaukwa mene omanogo sebelek kwelek arenek he yabu lego mene wogetikhe.

YEREMIA 25:9

”An nen he it inunggulenu mene o utara fikhit werek mene inebe mondogat inom, nen An namingmingengge Nebukadnezar raja Babel mene a'nogo inom wolinabigin o. A'nogo wolinabimbik he An nen it andi lirinarek he afuni o Yehuda ba werek mene andoma inom, inunggulenu it inera'lukwe werek mene andoma mondogat inom An nen legaphogo fisambik, mondok-mondogat wolelenggenhogo lakfisagain. Afuni ineilenggen isogoin mene nen he inailo nen inamelmel hikhi logogun. iluk An Tuhan nen nane mondogat igi o,” ikhe.

YESAYA 10:8

At onggwaregen leget fakhikhi logolik yi'nogo ikhe, ”An mene nagoromi panglima andoma mondogat he inebe raja nek werek!

YEHEZKIEL 26:3

Tuhan Lego Mondok welagarek mene a'nogo nen ikhi logolik, ”An yi re hat Tirus haselei mene welagi o! An nen hat hukhogo kwelakhabuageluk yi afuni ti afuni inunggulenu hokhorogo woginarek wesigin, it andi wesugun he i laut agum founalik lenggalik wagarek hangge hilingirik wesugun.

YEHEZKIEL 17:14

kerajaan Yehuda mene andi nekhengge omame asinogo iluk inom he, wene warek mene andi eberogo tibet fouwageluk inom he, aren ap kaindek lego inap omanogo mondogat hele warinafe.

YEREMIA 6:23

Ap andi inobabut he mondok weak logolik sikhe sigeba inoatarek inap. Inebe ekhe inendawirinafi'lek inoatarek inap. I laut yenggelek eindep ane ikherek andi hak, it andi inanggo kuda ba lagaluk esa fologo wagunem ineisok ane tap-tap waga logolik, hit afuni o Yerusalem welagep mene hinoasi kwi wesugun o,” iluk ikhe.

YEREMIA 4:13

Yethani, ninaselei mene re ohena hakhogo weinam agaikha a'li. It inangge kereta weim yabuogeluk lagunem he sogoi sielu nen hilingiterek hangge, nen inangge kuda ba lagunem he sue ikwesahop he aninurogo tarogo lagarek oba nen mondok furungwarogo lagarek. Ariginik hilingi'mo re, eigei, nit he alomat ninabugun higi! Nit leget ninabuogeluk werego!

YEREMIA 4:7

Mene singga hou salek oba nen wulibi wagarek hak, it afuni inunggulenu lombok weaget inafarek inap a'nogo it Yehuda mene leget fisogoin iluk arat wulibi wagaikhasik weri'lagwi. O kota-kota it Yehuda nen mene andoma re mondogat sinukhogo lobaget fisamo afuni werek lek oba asigin.