YEHEZKIEL 26:6 - Allah Wene Fano Wene Hupla Inane

⁶ It inebe lithigik woginafi logolik, afuni kota andoma werek mene o Tirus tonggokwe andoma inoasugun. A'nogo hilingisigin andiba re it afuni o Tirus andoma logogun mene nen he An Tuhan welagirek mene a'nogo inelu asugun o,” ikhe.

YEHEZKIEL 26:6 Referans Kwoze

YEHEZKIEL 26:8

Afuni o kota andoma tonggokwe werek mene re weim andiba nen inoasumo wa'lasugun. Selei mene nen he weim inaloak himbirik logolik yabugun kwe kalok habulik lagik, nen kweang habulogo kabogerik lagagik imbik, tok peiyengge hokho mene inebe himbirik logolik hat hinom weim yabugun mene iluk wusugun.

YEHEZKIEL 16:46

Hat hoe re, Samaria utara fikhit mene desa aren mene andoma mondogat, nen hagot he, Sodom selatan fikhit desa aren mene inom werek mene andoma.

YEHEZKIEL 25:17

An nen nanini mondok hokho mene inoba figirik welagi mene andiba unggum inoba engginhogo wogisambik enek he noba homo igin. A'nogo hilingfisambik An na'mage nen hilinginabigin mene a'nogo hikhi logolik enek he, iren An nebe Tuhan welagirek mene a'nogo inelu asugun o,” iluk ikhe.

YEHEZKIEL 25:14

It An nunggulenu Israel mene andi re it Edom mene nen inaniniba hilingiti lagaukwa mene a'nogo onggo feigeluk woginabigin. Nen Edom hinap he An na'mage mondok elo'lekhogo inoba fikhi lagi mene a'nogo hinoba fagain. It Edom mene re Tuhan inom eilhogo hilingfuluk hilingiterek mene re yi'nogo iluk enduk mikhogoin. Iluk An Tuhan Lego Mondok welagirek mene a'nogo nen nane mondogat igi o,” ikhe.

YEHEZKIEL 25:11

An nen Moab mene unggum wogosumo re, iren An Tuhan a'nogo inelu asugun o,” ikhe.

YEHEZKIEL 25:7

A'nogo hilingiti lagep mene andi faget he An nen hit hinebe mondogat ap inunggulenu hokhorogo amu mene inoba wogisamo, hinangge yi mene ti mene mondogat telogo heligik, inenggi abisak heligik ikhi logogun. Hit he An nen eil hondologo leget hinobagaumo re, hit hinunggulenu leget fisigek, hinawi hinanggweang inom legat asugun. Andiba re hiren An Tuhan a'nogo hinelu asugun o,” ikhe.

YEHEZKIEL 25:5

Kota Raba a'nogo An nen agaumhogo re no unta halhukwe hilingisogo fagain, o Amon andoma mondogat he domba konhukwe hilingisogo fagain. A'nogo hilingisigin andiba re An Tuhan welagirek mene a'nogo hiren hinelu asugun o, iluk yagaisano” ikhe.

YEHEZKIEL 16:48

Tuhan Lego Mondok welagarek mene a'nogo nen ikhi logolik, An hineisena Allah neluk mondok welagirek mene a'nogo nenuba hilingi'mo re, hat hagailak Sodom inom, aren mene desa-desa werek omanogo inomen he, haren inom, hat mene desa-desa omanogo inomen weak mondok hokho pokhorogo hilingiti lagep andem hakhogo hilingiri'lagwi lek.

YEREMIA 49:2

Oba nen he inenggi ekhe asi wesigin meneba re An nen afuni o Moab mene inawi kota Raba andi nen weim abolok firirip fararap ugunem holuageluk hilingisigin o. O kota andiba wolelenggenhogo pelafi logolik o andi esanggokwe desa-desa welagaikharek mene omanogo re endu nen felelenghogo nagain. A'nogo hilingfoumo re it Israel mene nen kweang andi attak aben telogo helasukwa mene a'nogo it inenggimo nen nekhengge telogo wanugun.

YEHEZKIEL 16:53

Tuhan ane Yerusalem yagati logolik, ”Sodom inom, Samaria inom, inawi sili desa-desa iren mene andoma inom, An nen nekhengge enggi werek logouwageluk hilingisogo fagain. It a'nogo hilingfisambik enek he harogo An nen hobuk henggi werek hilinghobagagin.